2006-12-21

اجتماع الحج



اعلان
على كل العاملين فى الشركه التواجد غدا فى قاعه الاجتماعات رقم 2 لحضور الاجتماع التحضيرى لبرنامج العمل
الجديد
تنبيه : يجب على جميع العاملين الحضور من فرق فنيه ومحررين ومذيعين
الاجتماع الساعه 1 بعد الظهر
قريبا : الحج

2006-12-19

صورتى قلب الوطن


قلب الوطن مجروح لا يحتمل اكتر نهرب وفين حنروح لما الهموم تكتر
نحمى غصون الورد من دمع سال على الخد اه يا حبيبه الروح قلب الوطن مجروح
لو حتى قلى تاه بين الشجن والاه يلى لقاكى حياه انا حبى ليكى صلاه يا مطيرا العصافير رجع الهوى بالخير
لو قلبى حتضميه اديه حنان ودديه دا الصمت مش لينا فين الولد ما يروح لازم يعود اسمر
لو ينطق الموال لازم يروق الحال محتاجه ليا دراع وشراع وراحه بال محتاج ليكى نجوم هأيمه فى حضن هلال
لو بحرنا نسقيه صحيه وبوسى عنيه ياما بكره يسقينا خلى طريق البوح يصبح طريق مرمر


لو حد فاضى وعايز يتفرج على مصر يتفضل

yoyo


ادخل على اى موقع بحث واختار الصور واكتب مصر واتفرج ياسلام سلام
بجد مصر دى حدوته بس مجروحه ومكبوته حتلاقى كل حاجه من اول خريطه القطر المصرى الى كل ما تشاء صور طغاه حكموا مصر الى ابوالهول ذلك الصامت فى صحراء الجيزه منذ زمن ( وكم بمصر من صامتون ) وصور لعيبه كره قدم وصور بنرات حملات المدونين المختلفه وصور مظاهرات وصور جوامع ومتاحف وشوارع مليانه خلق لا ليها اوا من اخر وصور ناس معرفش مين دول صور اخوان وحزب حاكم صور اسواق ومهرجانات صور لباب الخلق والعتبه وشرم الشيخ وخليج نعمه صورفنانين ومطربين صور واحه سيوه وبحر اسكندريه صور صور صور وفرحت لما لقيت صورتى وصور صحابى ولقيت للعجب صوره علم شبهت عليه لما لقيت عليه نسر ( حد فاكر شكل العلم ) وشفت صور حراميه ماليهم عدد وشفت وشفت وشفت وبعد كل ده قعدت ادور برده على البلد



صور مصر على

جوجل


صور مصر على
ياهو

وصور مصر على


ام اس ان

----------

------

--
انا مش مسؤل لو حد معجبتهوش صوره مصر
محدش يعتب عليا اعتبوا على مصر

2006-12-16

وقت الحساب









masr27




المتفرجون للانتاج الصوتى يقدمون

عن قصه الكاتب الصامت بن السلبى بن المتفرج

اقرا الحادثه - اقرا الحادثه – وزاليوسف مصرى اليوم صوت الامه – دستور دستور دستور - جرانين ومجلات
تلفزيونات و برامج مدونات ومواقع - اتفرج واسمع وشوف

نكته قبيحه
بيقلك المصرى اليوم نشرت صور قليله الادب للجماعه
ايه صورها وهيا بتخون الشعب ومرميه فى حضن الحزب

هاهاهاهاه


قصاقيص

مش تفتح

معلش انا اسف يا حج
يعنى ايه اسف
معلش مكنش قصدى يا بابا
يعنى ايه انت غبى مبتشفش مش تفتح عينك
انا اسف يا بيه حقك عليا سماح المره دى
انتم ايه مين علمكم تمشوا كده وتخبطوا فى الناس فين اللى خلفوكم انتم …………طول عمركم وانتم كده
انا اسف يا عم الحاج ابوس ايدك ان اسف لاجل خاطر النبى انا اسف وحق الايام المفترجه دى انا اسف عشان خاطر ى اقبل اسفى بص يا حاج انا بكتبلك على الورقه دى انى بعتذر اعتذار رسمى ياريت يكون كفايه عشان تسامحنى
انت غلطان تقدر تقلى ماشى تخبط فى الناس كده ليه شبه العمى
اصل كان فى كلب بيجرى ورايا وانا بفاديه وببعدوا عنى غلطت غلطه كبيره ودخلت فى حضرتك – على فكره انا ابن الجماعه اللى سكنين جنب حضرتك و الله اكبر ولله الحمد عمرنا ما عملنا حاجه تزعل حضرتك من اكتر من 70 سنه وطول عمرنا واحنا بنضحى من اجل سلامه حضرتك واحنا طول عمرنا بندعى ربنا يرزقك بكل خير وطول عمرنا بندافع عن مصالح حضرتك عشان مصلحتك من مصلحتنا وطول عمرنا نفسنا انك ترضا عنا بعد رضى ربنا سبحانه وتعالى معلش انا بتاسف مره تانيه بس يا ريت تلم الكلب اللى مع حضرتك
انتم طول عمركم ……….من يومكم بتقولوا كده انت …… ربنا …… انتم
معلش اسف يا حاج للمره 2784 بعد المليون بقلك


انا ا ا اا سسســــــفـفـففــففــفـفـف

انا طول عمرى انا - والحاج طلع دوله - و الكلب كلب الدوله

- - - - - - - - -
- - - - - - -
- - - -
- -
بيقلك الجماعه خطفوا مدنيه
يا راجل مش مدنيه دى الميته من سنين
لا طلع الجماعه خطفينها ومخبيناه من سنين
من سنه كام كده
من 70 سنه تقريبا
تلاقيهم عدموها وعذبوها وممكن يكونوا معتقلينها لحد لوقتى وحظرين ظهورها
على مين دى برده دوله وعندها مؤسساسات مدنيه
هاهاه اه اهاااااه ه


يتحدث الجميع عما افسده الاخوان فى المجتمع المدنى وما يحدثوه من اضرابات فى البنيه الجتماعيه وما احدثه ظهورهم من دعوات للتطرف والعنف والخروج عن امراء المسلمين العادلين المعتدلين بل لا استبعد ان يتهم احدهم احدنا انه كان السبب فى ارسال الجيش المصر لليمن فى الخمسينيات ونكسه يوليو فى الستينات وكنا اساس البلاء فى كل المراحل التاليه بل ان هناك اعتقاد قوى اننا سبب خروج مصر من كاس العالم فى عام 90 وعدم تمكنا من الدخول مره اخرى بالاضافه الى حصولنا على صفر فى تنظيم المنديال بل ولقد اكددت الدراسات المباركه التى اجرتها الحكومات المتتاليه ان الجماعه هى السبب فى حاله ابى الهول ذلك الكائن الصامت القابع فى العراء منذ مئات السنين بل عندما بوركت محاولاته لفتح فمه مطالبا بحقوقه اسرعت الجماعه ووضعت التراب فى فمه وعاقبته على ذلك بان قيدته بحبال من طوارئ ووضعت فوقه من الاعباء والمشاق ما اعجزته عن العيش فى ادنى مراحل الكرامه بل هى التى دفنته حيا بعد ان سرطنت جسده وعقله بما تعطيه .


س- سؤال – هو اللى بيغلط مش المفروض بيعتذر
ج- جوايز- دا كان زمان دلوقتى اللى بيغلط لازم يولع فى نفسه
س- وان ما عرفش
ج- الف مين يولع فيه



س بدون ج : هو ليه احنا مولعناش فى اللى قبلنا هما مش برده كانوا غلطانين
- - - - - - - - - - - - - -
- - - - - - - -
- - - - -
- - -
ليك فى السياسه يا كابتن
طبخا طبخا انا كنت متعين فى اتحاد الطلبه فى الجامحه المصريه

وانت يا باش مهندس
تكريبا تكريبا انا بابا كان عنده بطاقه انتخابيه لما اتولدت

ايه رايكم ندردش حوالين اللى حصل
بيس يا مان - اقشطه عليك – بس لينا سؤال
اتفضلوا
هو ايه اللى حصل
ايه انتم مش متبعين جرايد ولا تلفزيون
عيب يا باشا دا انا كل اسبوع بشترى الاهرام الرياضى
وانا مفيش حاجه بتعدى فى الوصله مبلقتهاش تمثليه او مسرحيه او كوره او حتى اغنيه
والنت
لا دى لعبتنا دا احنا الشات والشات احنا الدنيا كلها عندنا بضغطه ذر من الكيبورد ذى ما بيقولوا احنا فى عصر الانترنت يا مان
بس متعرفوش اللى الاخوان عملوه فى جامعه الازهر
عملوا ايه يعنى ما طول عمرهم بيقولوا لا للحكومه والحكومه بتقلهم لا طول عمرهم شبطانين فى بعض ايه الجديد يعنى
مفيش جديد ولا حاجه بس ليا سؤال لو واحد غلط معاك غلط غير مقصود واعتذرلك قدام الناس كلها تعمل معاه ايه
قدام الناس كلها كلها
على الهوا فى التلفزيون وكتبلك ورقه انه اسف
حسمحوا طبعا
وانت يا زعيم

والله الناس عماله تخبط فينا وبنعديها مجتش على ده كتر خيره انه اتآسف غيره بيغلط وبيكابر
الف الف شكر يا شباب معلش عملتلكم ازعاج
ولا يهمك محنا اعدين عواطليه على الاقهوه كل يوم مش لاقين اللى نكلمه
رنا يكرمنا ويكرمكم قولوا امين
امين امين


تحبوا نكمل ولا بلاش انا شايف بلاش
عشان عشان انا كل ما افتكر قلبى بيوجعنى
اللى حيسئل ليه حقله كيفى كده



اه انا آ سف على التدوينه دى بجد آ سف – آسف بجد – بجد بجد بجد أسف آسف
- - - - - - - - - - - - - - - - - - - -
- - - - - - - - - -
- - - - -
- - - -
يا رب يا رحمن يا رحيم يامن تعلم ما فى السماء وما فى الارض وتعلم خائنه الاعين وما تخفى الصدور
ليس لنا غيرك ندعوه وليس لنا رب سواك فنرجوه الهم اهدنا واهدى بنا واجعلنا سبب لمن اهتدا واجعلنا هداه مهديين ولا تجعلنا ضالين ولا مضلين اللهم ارنا الحق حق وارزقنا اتباعه وارنا الباطل باطل وارزقنا اجتنابه اللهم اجعل القران العظيم ربيع قلوبنا ونور صدورنا وجلاء همنا واحزاننا اللهم علمنا منه ما جهلنا وذكرنا منه ما نسينا وارزقنا تلاوته آناء الليل واطراف النهار على الوجه الذى يرضيك عنا اللهم اجعله لنا فى الحيا دستورا ودليلا واجعله لنا فى القبر مؤنسا واجعله لنا يوم القيامه شفيعا ومنجيا اللهم وفقنا الى عمل الخير وازقنا القبول فيه اللهم وفقنا الى ما تحب وترضى وارزقنا من الطيبات ما ترزق به عبادك الصالحين اللهم ارزقنا الهدى والتقى والعفاف والغنى اللهم ومن اراد بلادنا وبلاد المسلمين بسؤء فخذه اخذ عزيز مقتدر واجعل بلادنا وبلاد المسلمين آمنه مطمئنه اللهم عليك بالظالمين المفسدين اللهم عليك بمن افسد فى بلادنا اللهم عليك بمن افسد البلاد والعباد اللهم عليك بمن افسد شباب المسلمين وبنا ت المسلمين اللهم واكفنا مكرهم اللهم انصر الاسلام واعز المسلمين واعلى بفضلك كلمه الحق الدين اللهم واكتب لهذه الامه امر رشد وتمكين يعز فيه اهل طاعتك ويذل فيه اهل معصيتك واللهم استخلفنا ولا تستبدلنا واغفر لنا وارحمنا برحمتك يا ارحم الراحمين






2006-12-11

انتقال


انا والمدونه فى مرحله انتقال من حال الى حال
ادعوا بانتقال هادى
المشكله الانتقال من
اليمين الى اليسار
ام
اليسار الى اليمين
الله اعلم
نعتذر عن اختفاء التدوينات السابقه
العامة تقول: قيمة المرء ما يحسنه، والخاصة تقول: قيمة المرء ما يطلبه

القرار - حل الفزوره


بعد 13 اميل و5 رسائل موبايل منهم 2 من خارج مصر
اهدى تلك الصوره الى الفائز الاول

يا منى القلب من القلب اعتذار

--

امبارح كنت فى معاد انا ومحمد وبعد ما خلصنا اتكلمنا شويه
عن ( بلقيس - ملكه سبا - اليمن السعيد ) واكتشفت انى عايز احب
بس فى مشكله انى مش عارف احب مين ؟؟ - نا كلمتها فعلا - وبعد كده الاتصال انتهى
هو لم ينتهى انا اللى نهيت - عشان كنت خايف
اذن المعادله الاولى هى
انا عايز احب
انا بحب
انا خايف
انا انتهيت
---
---
--
-
المعادله الثانيه- لها وحدها
جلست ارقب الكون وما يجرى فيه من خلف شاشتى ادخل فى قلب واخرج من اخر-- انغمس فى
حديث وانهى حديث امزح وامرح واغضب واثور كل ذلك فى وقت واحد ولكنى رغم كل هذا
كنت افتقد شى لا ادرى له تعريفا ولا كيانا كنت اشعر بحنين جارف نحو مجهول لا اعرفه
ورغم هذا كنت اطارده -- واكتشقت اثناء ابحارى انى رسيت على جزيره واحده
ونسيت كل ما عداها من اراضى ونسيت نفسى واعتزلت كل من حولى لما رايتها -- وسريعا
حدثتها عن نفسى وعن يومى وعن امسى تكلمت معها كانما اخشى ان لا اتكلم بعد
قلت لها كلام غير مرتب ولا منسق ولكنه كان حقيقه يخرج من قلبى كيف يخرج النور من قلب الشمس
جميله هى الحياه واجمل ما فيها قلوب المحبين
يامن من نزلتم فى القلوب احبه ان القلوب مساكن الاحباب
الان وقد اشرقت على شمس الحياه وغمرتنى بضوئها المنير وقذفت فى قلبى دفء
وحملتنى النسائم وجعلتنى احلق فى السماء عاليا ادركت اننى كنت منذ زمن من العاشقين
-عشقتك منذ زمن ولم تكونى تعلمين ولم اكن اعلم -- الان وفى وسط النهار وفى ضوء الشمس الباهر
اعترف امامك بحبى لك -- قالوا ان الليل و القمر والسهر للمحبين
واقول ان الشمس والليل والقمر والنهار لك وحدك فانت فى عينى كل المحبين
انت اجمل فى عينى من اجمل جميله انت فى حياتى قارب نجاتى
لا ادرى متى وكيف ولماذا احببتك ولكنى ادرق يقينا انى عشقتك
هواكى فى قلبى ليس له منتهى ولا مرتجى الا ان تحبينى فارجوكى احبينى
احبينى واجيبينى
عاجز انا عن الكلام لاادرى ماذا اقول لك ما بداخلى تعجز عن قوله الالسن وعن حمله الكلمات
ارى الاحرف ترقص طربا عنما اتحدث عنك او اليك ارى الكون مبتسما عندما افكر فيك
بل ارى الكون مبتسما منذ ان رايتك - اه لو تعلمين - ما فى قلبى من سعاده ونشوه واحساس بالامل
انت اجمل حدث فى حياتى كلها - اسف دا قد تشعرين ان حديثى مكرر ورتيب
لكنى عاجز فعلا عن الكلام - كل ما اعرفه انى سعيد جدا بحبك
وانك اضئتى فى قلبى ماكنت اظن انه لن يضاء ابدا ابدا
ربما منعتنا الايام من التواصل ومنعتنا الحواجز من الالتقاء
ولكنى اول ما رايتك ادركت انى قابلتك من قبل ادركت ان حبك كان فى قلبى
من قبل ان تاتى كان اسمك منقوش فى قلبى
ولكنى فجاه شعرت بانى فقدت معها الاتصال و اكتشفت فجاه انى كنت احدث نفسى
وانى ابحرت فى بحر من الاوهام
وفى وسط حياه لا تعرف للحب
سبيل ولا للمشاعر حديثا
----
---
--
-

المعادله الثالثه - لى وحدى
لا تبكى يا قلبى
ولملم جراحك
وامضى
ليس هذا زمانك
فانت اخر العاشقين
واول العاشقين
فكن يا قلبى
اول الراحلين
واخر الراحلين
عن هذا الزمن
زمن الـــــــ

2006-12-09

فزوره




قررت بلا سابق انذار ان اجعل …………. غنائى

قررت بان امحو ……… وان اكتب ب …….. فدائى



اكمل مكان النقط بما تراه مناسبا من كلمات
ارسل الاجابه فى رساله قصيره الى الرقم


0109774948
سعر الرساله 50 قرش - يابلاش

هدايا قيمه للفائزين

2006-12-08

تذكرت والذكرى مبهجه


اللوحه مرسومه امبارح - محدش يضحك عليها

....
..
.

امبارح قعدت انا واخواتى نفتكر ايامنا واحنا صغيرين وافتكرنا حجات كتيره جدا جدا وضحكنا لما قلنا بس
افتكرت اناومحمد ( اخويا الكبير ) ايام ما كنا بنجيب اسماعيل ( اخويا الصغير ) من المدرسه بتاعته وكنا بنروج نلقيه مستنينا وهوا واقف جنب العلم بالظبط ذى ماما ما كانت بتوصيه وايام انا ومحمد ما مشرفه سياره المدرسه كانت بتوصلنا لحد مدخل البيت

افتكرنا التلفزيون وما كان يعرض فيه
كعبول كعبول الكلب الاكول كان كرتون جامد بصراحه وكان فى مخترع مضحك جدا مش فاكر اسمه وقط مشاكس ديما بيغيظ كعبول

بقلظ وماما نجوى ( تيته نجوى حاليا ) كان يوم الخميس بعد البرلمان الصغير وقبل نشره 6 وكان من اساسيات اليوم المفتوح على القناه الاولى وكان شبه الاراجوز وصوته غريب

ماذنجر وابى الغضب وفاتن وماهر وكانت فاتن كل مره تخلص الاسلحه وماهر ينقذها وكان بيقول كل مره افتح البااا اا اا ب

الليله الكبيره والعرائس وصوت سيد مكاوى وكنت بحب الجزء بتاع يا ابن انت وهوه تعلالى اللالى يا حبيبى تعلالى والجزء بتاع الوصف ( تفضل تمشى لحد متلاقى عماره ) واللون الازرق بتاع الخلفيه فى المولد

وصفاء ابو السعود مع الصبونه كانت بتقول ياصحابى وصحباتى هنا ومحلك سر بصوشوفو حياتى انما ايه فى السر عندى فوطه ......وفى الاخر تتكلم عن فرشه الاسنان وكان ليها اغنيه تانيه عن الارض كانت بتقول اخضر اخضر اخضر

كان فيه اغنيه تركى تقريبا كان فيها اولاد شكلهم حلو ولبسين الوان وكل اللى كنت بفهموا من الاغنيه بولا بولا بالمبلا وكل شويه يقولوا بولا بولا

وكان فى ضفادع كرتون بتعمل اصوات حلوه بام بام بام مايه بام بام بام مايه

ماما ساميه والدبدوب اللى معاها وبرنامج عروستى

سينما الطفال وكان بيجيب افلام حلوه ( ساحره اوز وكان بيحكى عن راجل فى درع بيدور على قلب ومعاه اسد جبان ) ( الحصان الاسود عن حصان بيغرق المركب اللى كان فيه وبينجو هو وولد صغير ) ( الكلبه لاكى ) ( جى آى جو ) كان البرنامه يذاع يوم الجمعه صباحا

السلاحف و كرعون وصخر وشنخر

اغنيه كانت بتقول سوسه سوسه كف عروسه واللى يسقف يستاهل من بوسه




يا ترى يا هل ترى انت فاكر ايه ؟

تقدر تجاوب لو - لو افتكرت

2006-12-04

وعرفت قدرى


أختلفنا أيها الدهر فما بي غير ما بك
...
فتعاتبنا وغيري ما يبالي بعتابك
...
فتحديت فماذا أيها الدهر حدا بك
...
فتحديت فما أجدت كليلات حرابك
...
أنا يا دهر إن كشرت لي ناب كنابك
...
وأنا إن سقت لي الخيل مكر بسنابك
...
أنا غلابك يا دهر وغلاب صعابك
...
أنا خواض عبابك ووطاء ترابك
...
أنا صيادك يا دهر وحصاد رقابك
...
أنا هذا أيها الدهر فماذا في جرابك؟


شعر
حسان حتحوت


-.-.-
.
-
شويه سياسه

خطر على بالى

فى محل شهير فى الاسكندريه اسمه بالى اعلانات المحل بيكتب عليها ( جه على بالى اشترى من بالى ) المهم انا جه على بالى عده اشياء حبيت اكتبها

اعتصام المعارضه فى لبنان خلانى افكر امتى الشعب المصرى ممكن يتحرك ومين حيتحرك اظن اجابه السؤال الاول لما ربنا يسهل والتانى غالبا الاخوان وبعض الافراد النشطاء فى المجتمع المصرى ولك ان تعرف ان عدد سكان لبنان حوالى 7 مليون تحرك منهم فى المعارضه حواى مليون فرد فهل من الممكن ان تحشد جماعه الاخوان 10 مليون فرد لاسقاط نظام مبارك ؟ وهل يحتاج نظام مبارك لهذا العدد ليسقط

خطاب زعيم المعارضه ميشيل عون فى اول ايام الاعتصام كان جيدا واعجبنى اول ما اعجبنى قصر وقت الخطاب فكانما اراد ان يكون الحدث اهم من الحديث وقال

انهم( المعارضه ) قد لا يحسنون الخطاب ولكنهم يحسنون الالتزام

اذا جعلت ا لحكومه من الفساد قدر فانه يجب الا يكون هناك قبول من طرفنا بذلك القدر

تسائل عمن يدعم مسيره الاصلاح ومن لديه القدره على حمايه حقوق المواطنين

واختتم قائلا ان من كان شعبه معه لا يحتاج الى حاجز شائك - يقصد حكومه السنيوره

# لفت انتباهى فى ساحه الشهداء وما يحمله الاسم من مدلول وجود مسجد كبير ذو طراز معمارى جميل وقباب وماذن اقل ما توصف انها رائعه لا ادرى لماذا تذكرت ابيات الشعر التى قالها رجب طيب اردغان فى ديار بكر منذ عده سنوات وسجن بسببها

المساجد ثكنات المؤمنين

وقبابها خوذاتهم

وماذنها رماحهم

والمسلمين عمارها

# لفت انتباهى ايضا موقف الحكومات العربيه التى دعمت الحكومه اللبنانيه

# الاخوان المسلمين فى لبنان كان لهم موقف اشتشعرت معه انهم يجيدون ممارسه السياسه كعاده الاخوان فى كل مكان فهم لم ينضمو الى احد الفريقين بل مارسوا لعبه التوازن كما يجب



اه نسيت اقول
دعوه الاخوان دعوه فى دمى انا عايش بيها وليها بغنى
ويقولو مهما يقولو محظوره
فى القلب يا غاليه بالصوت
والصوره
...

قريبا


الى الاخوان المسلمين


الى الاخوان المسلمين لكى لا ننسا


لقد اوجبت دعوه الاخوان على اصحابها ان يكونوا جزء من قلب المجتمع لا ينفصل عنه يشاركونه فى كل احداثه ويعيشون معه كل ظروفه ويعبرون عن اماله والامه ويحفظون شعائره ويلمسون مشاعره ويتحملون فى سبيل ذلك كل ما يواجههم من عقبات وتحديات من السجن والاعتقال والاظهاد ومحاربه الارزاق محتسبين كل ذلك عند الله ولا يسالون احدا جزاء ولا شكرا

2006-11-26

1-2-3-4

-1 – السلام عليكم
-2 – عاملين ايه
-3- وحشتونى
-4- ارجوا الانتباه
كنت قد قررت انا المذكور اعلاه من قبل ان تكون تلك هى مدونتى
القبل الاخيره وتكون المدونه الاخيره ختام بسوره العصر كما علمنا الرسول صلى الله عليه وسلم لكننى تراجعت عن هذا القرار مؤقتا لعده اسباب
-1- رد مولانا على احدى مدوناتى السابقه
-2- مدونتين نشرهم الهوارى قال فى واحده منهم انى وحشته
-3- ؟..؟..؟..؟..؟..؟..؟..؟..؟..؟..؟
المهم انا حرد على الاثنين كل منهما بخطاب ارجوا ان يقبلوا ان يستلموه وممكن انشر بعد كده كام تدوينه كنت كاتبهم من فتره


  • --...--...--...--..--..--
    ..--..

    الى صديقى / احمد الهوارى



  • بعد التحيه والسلام وكل ايات الاحترام اقول لك صادقا انك وحشتنى بجد وحشتنى . صحيح منعرف بعض الا من حوالى 6 شهور ولم نلتقى الا مرات قليله الا ان القلوب كما قال رسول الله صلى الله عليه وسلم بين اصبعين من اصابع الرحمن يقلبهما كيف يشاء والارواح جنود مسيره ايها تقارب ائتلف وبما اننا على موجه واحده فسمع منى ما يلى

    شكلك مخنوق ومضايق وقرفان وزهان وشويه وحتدخل معركه مع الكوكب دا كله باللى فيه وكلامك مححسنى انك قنبله على وشك الانفجار من شده الضغط ودا شئ عادى كل انسان بيعدى على المرحله دى مرحله الرغبه فى لقاء وجه الله رغم عدم استعدادنا لهذا اللقاء المرحله دى اساسيه لكل ذو عقل سكن فى يوم من الايام مصرنا المحروسه .
    ..--..--
    .-.
    ملعب كبير
    شئ عادى فى بلد ذى بلدنا الحبيبه مصر حفظها الله شعبا دون حكومه ( ربنا يخدهم قول امين ) ان ياتى عليك وقت تحس فيه بالملل وعدم الرغبه فى الحياه المجتمع المصر كله يمر بتلك المرحله وطبعا من المستحيل ان تحل مشاكل مصر كلها مره واحده حتى تستطيع ان ترتاح ولكن واحده واحده ومتخدش كل حاجه على صدرك ودماغك ( قلبك وعقلك ) جرب مره كده تديها بالقدم وتشوط مشاكلك بره ملعب حياتك وشوط يا حبيبى وخلى بالك اوعا تعمل مع حد فاول وتعوره وتزعله منك ليطردك من حياته وما الدنيا يا هوارى الا ملعب كبير اكبر من ملعب الاهلى فى مدينه نصر
    وآلعب انت يا معلم
    ..--..-- ..
    .-.
    فنون تطبيقيه
    اكيد اللى دخل كليه فنون تطبيقيه ودرس تصوير فوتغرافى يعرف ان اى صوره تكون اوحاديه المنظور بمعنى انها ......المهم لو مسكت اى صوره حتلقيها ذات بعد واحد مسطحه هنا بقا الخيال لازم يلعب والدماغ تشتغل وتتخيل الحاجات الحلوه اللى فى الصوره طبعا سيادتك حتقلى ان حياتك صوره ابيض واسود حقولك بلاش تشائم وعلى فكره ايام ماكنت شغال فى مطبعه كانت احلى الصور اللى بطبعا ابيض واسود ولما كان بيجلنا زبون معاه صوره فيها تفاصيل كتيره كنا بنرمى عليها لون واحد لو مظهرتش نرمى لون تانى لحد ما نوصل لاربع الوان فخد حياتك كده بص عليها وخلى عقلك يظهرلك الحاجات الحلوه اللى فيها ولو مقدرتش لونها بلون واحد وحبه حبه حتلاقى الصوره كلها الوان وما الدنيا يا هوارى الا البوم صور
    ولون انت يا معلم
    ..--..-- ..
    .-.
    عارف يا احمد انا سعات بحس انى حيران فى الدنيا دى وبحس اننا استغفر الله استغفر الله اتخلقنا وفينا حاجه غلط يس برجع استغفر الله وبقول ان الله خلقنا وكرمنا وسخرلنا كل الكون عشان نعبده(و لقد كرمنا بني آدم و حملناهم في البر و البحر و رزقناهم من الطيبات و فضلناهم على كثير ممن خلقنا تفضيلا )وربنا سبحانه وتعالى مخلقش الكون دا
    عبث(أفحسبتم أنما خلقناكم عبثا وأنكم إلينا لا ترجعون)وارجع واحتار مش عارف الدنيا تستاهل نتعب فيها اوى ولا نكبر الدماغ عارف يا هوارى سعات بحس انى تايه شبه اللى نزل محطه رمسيس لاول مره ومش عارف هوه رايح فين وجى منين ومش لاقى حد يسئله واللى مجننه اكتر ان الناس رايحه وجايه جنبه كل واحد عارف هو جى منين ورايح فين وهوه محلك سر وفى نفس الوقت مش عايز يمشى مع حد عايز يدور على سكته بنفسه بس الناس مش مسعداه اللى عايز يخده فى سكته واللى يقله اى كلام والسلام واللى يقله انت لسه فى مكانك ومحدش جه على نفسه ووقف معاه دقيقه كله بيكلمه وهو بيجرى ولا حد سئله انت عايز ايه ولا نفسك فى ايه .
    محتار والله يا احمد وخايف حرتى تطول المهم مطولش عليك وسلامى لكل اللى عندك وبالاخص تسنيم امانه عليك سلملى عليها اوى اوى اوى جدا خالص وعلى فكره انا بحب الاسم دا بشكل اكتر مما تتصوروسلملى على كل من الموقع وخاصه مصعب ومنى ودعاء
  • وخلينا نشوفك فى اسكندريه قريب وعلى فكره اسكندريه فى الشتا جنه كان نفسى ابعتلك اى هديه بس مفيش امكانيه وسلم برده على الحاجه وخليها تدعيلى
  • اه قبل ما انسى بطل الهباب اللى بتشربه
    -.-.-
    .-.
    من احلى ما غنى منير
    الاغنيه - الالبوم
    دور على الناس – فى عشق البنات
    يا طير يا طاير- فى عشق البنات
    المريله كحلى – يا اسكندريه
    يا اسكندريه – يا اسكندريه
    حتى حتى - وسط الدايره
    ابشروا يا شباب – الارض والسلام
    ممكن- ممكن
    رزقنا على الله
    البوم من اول لمسه
    البوم الفرحه
    البوم الملك هو الملك
    ومتنساش ربك لما يريد
    ...---...---...---...
    ردى على محمد



    ماتراه سوف تسمعه

    2006-11-17

    عمرو & عمار



    هذا انا



    الصوره دى بحبها جدا جدا وبحب المكتبه اللى فى الصوره
    رغم ان عمو صاحبها
    مبيسلفش حد كتب خالص بس بحبها
    وبحب صوره الشهيد احمد ياسين وصوره مسجد قبه الصخره



    العبقريان يتناقشان ويحللان ويتوصلان الى نظريتان مختلفتان
    دى عاده دايما يتناقشوا ويختلفوا
    كل واحد فيهم براى وكل واحد دماغه مودياه حته رغم اختلافه
    الكبير الا انهم صحاب جدا جدا


    دا عمرو سعيد فى مقام اخويا الصغير هوه اللى علمنى كمبيوتر من حوالى 8 سنين
    عبقرى برمجه وواهب نفسه لدراسه الكميوتر
    الصوره دى كان بيعلق على الموبايل بتاع محمد وبيحاول يفهمنا تكنولوجيا الاتصالات
    الواد دا بحبه اوى اوى اوى جداالباش مهندس عمار كهربه واتصالات تعرفه يكهربك ومتعرفش تتصل بيه
    الواد ساكن لوحد بيته هو بيت الشله مجنون قديم
    ورغم انه مجننى جدا بس بحبه والصوره دى كان بيشرحلنا
    مطار الكترونى وحجات من هذه النوعيه
    عمار بيصنع حجات كهربيه فى البيت وكلها الحمد لله بتفرقع

    هكذا الحياه شخص ذاهب وشخص اتى
    والاتى لا تدرى لما اتى فطريقه كان ممهدا يبدوا عليه الاستعداد
    لا تظهر عليه اصابه كان قد اقترب من طريق النهايه لكنه فجاه قرر الرجوع
    لا تسئله لماذا عاد فهو لا يدرى هو لم ينسحب لم يجبر على ترك السباق
    لكنه فجاءه قرر ان يعود

    صوره حلوه محدش ينكر وبعدين معندكش تعليق عليها عادى
    مش كل حاجه تشوفها او تعشها ممكن تعلق عليها اصبر شويه
    فى حجات مينفعش معاها غير الصبر بعد شويه اللوحه اكيد حتتغير
    المركب يمشى والشمس تغيب والقمر يطلع
    وممكن سعتها تقدر تشارك بتعليق
    بس اصبر

    ما سك حبل بيد وحبل تانى بيد
    حياتك كده
    متساش لما تربط حاجه خلى فيه امكانيه انك تفكها تانى


    لك ان تغلقها فهى ملكك
    لك ان تفتحها فهى ملكك
    فقط لا تضيع مفاتحها فهى وحدها ملكك


    اذا اردت ان ترحل فارحل
    لكن لا ترحل وحيدا فليكن معك رفيق
    يعود معك اذا اردت العوده


    لا يجب عليك ان تمل من الانتظار
    مع الصبر يكون دائما النصر
    فلا تحزن لا حزن لا تحزن


    فى وسط العتمه يكون هناك ضوء
    فى قلب جدار الظلام توجد نافذه للضوء
    اياك ان ترى الظلام ولا تستشعر الضوء
    ------------------
    -----
    باقى تدوينتين على صوه العصر

    2006-11-15

    لى


    لكل شى نهايه لكل شى
    الخوف هذا الكائن الاسطورى الذى لا ندرى له سبب
    خوف من الماضى ان ينكشف
    خوف من اليوم ان يمر
    خوف حتى من الغد الذى لم ياتى بعد
    خوف على الذى معنا وخوف من الذى لم نحصل عليه
    خوف من المعلوم وخوف اكبر من المجهول
    فاحذر الف الف مره من الخوف
    ----- ------ -
    --- --
    --
    جملتى المفضله ستجدها تحت عنوان المدونه
    كتمت الهوى بقلبى حتى اضر بى الكتم
    ولامنى اقوام ولومهم ظلم
    على فكره هى كده مش كامله ناقصه جمله
    المفروض
    كتمت الهوى بقلبى حتى اضر بى الكتم
    فلما بحت بما فى صدى
    لامنى اقوام ولومهم ظلم
    انهى احلى ؟؟؟ تقدر تجاوب لو حبيت
    ---- ---- ----
    -- --- - -
    -----
    سوال بيلح عليا على طول
    هى الحياه ابيض واسود ولا ممكن لون رمادى
    بصراحه معرفش
    سعات بحس انى لازم ابقا زى السيف حاد يمين او شمال مهاش حل تانى
    بس ارجع واقول مينفعش لازم يبقى فى حل وسط مينفعش اشوف حد واقول يا احبه يا اكرهه
    اكيد فى طريق ثالث
    الصح والغلط سعات بيكون نسبى
    صح ولا غلط
    ---- ----- --- ----- --
    -- ---- -
    ---
    جملتى المفضله حاليا
    ضاقت فلما استحكمت حلقاتها فرجت وكنت اظنها لا تفرج
    وباقى ثلاث مدونات ونقرا سوره العصر باذن الله
    وسلام

    2006-11-14

    العنوان فى الصوره

    النهايه

    لكل شى نهايه لكل شى
    الخوف هذا الكائن الاسطورى الذى لا ندرى له سبب
    خوف من الماضى ان ينكشف
    خوف من اليوم ان يمر
    خوف حتى من الغد الذى لم ياتى بعد
    خوف على الذى معنا وخوف من الى م نحصل عليه
    خوف من المعلوم وخوف اكبر من المجهول
    فاحذر الف الف مره من الخوف
    ----- ------ ---- ---- ----
    جملتى المفضله ستجدها تحت عنوان المدونه
    كتمت الهوى بقلبى حتى اضر بى الكتم
    ولامنى اقوام ولومهم ظلم
    على فكره هى كه مش كامله ناقصه جمله
    المفروض
    كتمت الهوى بقلبى حتى اضر بى الكتم
    فلما بحت بما فى صدى
    لامنى اقوام ولومهم ظلم
    انهى احلى ؟؟؟ تقدر تجاوب لو حبيت
    ---- ---- ---- ---- ---- ----
    سوال بيلح عليا على طول
    هى الحياه ابيض واسود ولا ممكن لون رمادى
    بصراحه معرفش
    سعات بحص انى لازم ابقا زى السيف حاد يمين او شمال مهاش حل تانى بس ارجع واقول مينفعش لازم يبقى فى حل وسط مينفعش اشوف حد واقول يا احبه يا اكرهه اكيد فى طريه ثالث
    الصح والغلط سعات بيكون نسبى
    صح ولا غلط
    ---- ----- --- ----- ---- ---- ---- ----- ---
    جملتى المفضله حاليا
    ضاقت فلما استحكمت حلقاتها فرجت وكنت اظنها لا تفرج
    وباقى ثلاث مدونات ونقرا سوره العصر باذن الله
    وسلام

    2006-11-11

    لكم





    حواديت بلا معنى




    * الله
    ...
    * لا يكفى صفاء القلب وحده لدخول الجنه -الايمان ما وقر فى القلب وصدقه العمل
    ...
    * تسنيم لازلت اذكرها ولا ادرى هل احبها ام
    ...
    * الاسلام هو الحل حقا وصدقا ويقينا
    ...
    * نزلت من الصفا قاصدا المروه
    ...
    * مستنى نداء الواجب يا ترى الوطن حيفتكرنى ولا
    ...
    *مشكلتى مع الناس اللى معرفتهمش مش اللى عرفتهم
    ...
    * محمد _ عمرو _ عمار اكتر من اخوات
    ...
    * انا بحب ابويا قوى قوى رغم انه مجننى بس بحبه ياريت يعرف
    ...
    * وحيد هزنى ظلم الليالى وحيد لا حبيب لكى ينادى
    ...
    * كان ودى اكون معاهم
    ...
    * الغد معهم سيكون احلى فمن سياتى اولا هم ام الغد
    ...
    * سوف ياتى يوم يدرك الناس كل الناس حقيقه اعمالهم
    ...
    * الدنيا سجن المؤمن وجنه الكافر
    ...
    * يارب صن قلبى عن هفوه تريه الضلال نقى الثياب
    ...
    * القدس ليست فى القلب بل هى القلب
    ...
    * اقسم بالله غير حانث لقسمى
    * مستمر
    * مستمر
    * مستمر

    2006-11-09

    لاتعلمون شيئا

    قصيدة لميخائيل نعيمه

    ان رأيتى الشمس في حضن المياه الزاخره
    ترمق الأرض وما فيها بعين ساحره ،
    تهجع الشمس وقلبي يشتهي
    لو تهجعين ،
    وتنام الأرض لكن أنت يقظى ترقبين
    مضجع الشمس البعيد .
    هل من الشمس هبطت ؟



    ان سمعتى البلبل الصداح بين الياسمين
    يسكن الألحان نارا في قلوب العاشقين
    تلتظي حزنا وشوقا ، والهوى عنك بعيد ،
    فاخبريني هل غنا البلبل في الليل يعيد
    ذكر ماضيك اليك ؟
    هل من الألحان أنت ِ




    ايه نفسي ! انت لحن ٌ فيّ قد رن ّ صداه
    وقعتك يد فنان ٍ خفي ٍ لا أراه .
    أنت ريح ونسيم ، انت موج ، انت بحر ،
    أنت برق ، انت رعد ، انت ليل ، انت فجر
    أنت فيض ٌ من إله



    2006-11-07

    حماس فى قلب الاسكندريه

    ا/ محمد عبد المنعم متحدثا عن جهاد الاخوان فى فلسطين
    الاستاذ جمعه امين عضو مكتب الارشاد
    رجل قلما جاد الزمان بمثله

    ا/ اسامه نصر المسؤل الادارى لمكتب الاخوان بالاسكندريه











    ثبات حتى النصر



    تحت شعار
    فلسطين حكومة و شعبا : ثبات حتي النصر
    تدعوكم اللجنة السياسية بالنقابة العامة للمحامين و لجنة الاعاثة الانسانية بالنقابة العامة للأطباء .
    لحضور المؤتمر الجماهيري الحاشد مساندة للشعب الفلسطيني و الحكومة الفلسطينية في التصدي للمجازر الإسرائيلية في فلسطين .
    بمشاركة الدكتور / محمود الزهار وزير الخارجية الفلسطيني
    و ذلك في تمام الساعة السابعة مساء – الثلاثاء 7/11/2006
    بنادي المحامين بسابا باشا