اللوحه مرسومه امبارح - محدش يضحك عليها
....
..
.
..
.
امبارح قعدت انا واخواتى نفتكر ايامنا واحنا صغيرين وافتكرنا حجات كتيره جدا جدا وضحكنا لما قلنا بس
افتكرت اناومحمد ( اخويا الكبير ) ايام ما كنا بنجيب اسماعيل ( اخويا الصغير ) من المدرسه بتاعته وكنا بنروج نلقيه مستنينا وهوا واقف جنب العلم بالظبط ذى ماما ما كانت بتوصيه وايام انا ومحمد ما مشرفه سياره المدرسه كانت بتوصلنا لحد مدخل البيت
افتكرنا التلفزيون وما كان يعرض فيه
كعبول كعبول الكلب الاكول كان كرتون جامد بصراحه وكان فى مخترع مضحك جدا مش فاكر اسمه وقط مشاكس ديما بيغيظ كعبول
بقلظ وماما نجوى ( تيته نجوى حاليا ) كان يوم الخميس بعد البرلمان الصغير وقبل نشره 6 وكان من اساسيات اليوم المفتوح على القناه الاولى وكان شبه الاراجوز وصوته غريب
ماذنجر وابى الغضب وفاتن وماهر وكانت فاتن كل مره تخلص الاسلحه وماهر ينقذها وكان بيقول كل مره افتح البااا اا اا ب
الليله الكبيره والعرائس وصوت سيد مكاوى وكنت بحب الجزء بتاع يا ابن انت وهوه تعلالى اللالى يا حبيبى تعلالى والجزء بتاع الوصف ( تفضل تمشى لحد متلاقى عماره ) واللون الازرق بتاع الخلفيه فى المولد
وصفاء ابو السعود مع الصبونه كانت بتقول ياصحابى وصحباتى هنا ومحلك سر بصوشوفو حياتى انما ايه فى السر عندى فوطه ......وفى الاخر تتكلم عن فرشه الاسنان وكان ليها اغنيه تانيه عن الارض كانت بتقول اخضر اخضر اخضر
كان فيه اغنيه تركى تقريبا كان فيها اولاد شكلهم حلو ولبسين الوان وكل اللى كنت بفهموا من الاغنيه بولا بولا بالمبلا وكل شويه يقولوا بولا بولا
وكان فى ضفادع كرتون بتعمل اصوات حلوه بام بام بام مايه بام بام بام مايه
ماما ساميه والدبدوب اللى معاها وبرنامج عروستى
سينما الطفال وكان بيجيب افلام حلوه ( ساحره اوز وكان بيحكى عن راجل فى درع بيدور على قلب ومعاه اسد جبان ) ( الحصان الاسود عن حصان بيغرق المركب اللى كان فيه وبينجو هو وولد صغير ) ( الكلبه لاكى ) ( جى آى جو ) كان البرنامه يذاع يوم الجمعه صباحا
السلاحف و كرعون وصخر وشنخر
اغنيه كانت بتقول سوسه سوسه كف عروسه واللى يسقف يستاهل من بوسه
يا ترى يا هل ترى انت فاكر ايه ؟
تقدر تجاوب لو - لو افتكرت
هناك 8 تعليقات:
ياه ه ه ه ه ه,انت بتهرج يابني.
ايه ده دي نفس الذكريات تقريباً. ده حتي اغنيت الضفاضع
كانت بتقول بوم بوم بوم, ميه ميه. يووم جديييد يوووم سعييييدو الكل بقول ده يوم عييييد بشكل اوبرالي جامد لسه فاكره لغية دلوقتي
بجد جامد قوي البوست ده عشان فكرني بذكرياتي الحلولة و المر منها
thank you so much for bringing those lovely precious memories for me ....although I am not old (19 only) but I almost forgot my childhood....someimes I feel I was never a kid ..may be because my dad died when I was so young(5 y.o.)..psychologists say kids whose parents die grow up quickly to fill the empty space ...good god , when did I stop enjoying my life ...when did I quit having fun?....el masry affendi
هاقول زيك وزى اللى فى سننا هى هى نفس الذكريات
بالذت الأغنية بتاعة بولا بولا اللى قرفوا أهلنا بيها 60 مرة فى اليوم ولحد دلوقتى مش عارفين لها معنى ولا سبب
والله الدنيا ما هي إلا ذكريات حلو ومره
بس تصدق أنا إلي وصلني للصفحه ديه إني بدور على أغنية الضفادع ديه
تهريج تهريج تهريج ومش تهريج مخدرات إنما تهريج واقعي من بتاع الضحك والسخرية
هي دي بس الذكريات .
إزاي يا أفندي يا محترم تنسي اسم المخترع عبقرينو؟
- إزاى تتجاهل أغنية يا حضرة العمدة ابنك حميدة ، والجوز الخيل والعربية.
ـ إزاى تتجاهل حلوة يا زوبة وأبريق الشاي؟
ـ لماذا لم يتم التنويه عن الأشكيف المخيف؟
ـ فين ألف ليلة وليلة بتاع شريهان؟
ـ فين الرعب اللى بيسببه الراديو فى البرنامج القديم الأزلى أغرب القضايا؟
ـ الرجاء مراجعة الذكريات كويس وجاوب على السؤال الآتى ولما تعرفه ابعت لى نتواصل وبسرعة:
- ما اسم والد فاتن (أفروديت) فى ماذنجر)؟
- وشكرا على كونك فكرتنا الذكريات اللى منسنهاش
بمناسبة اغاني الاطفال دي بقي زززو الناس اللي بتدور علي اغنية الضفادعانا لقيت النسخه الانجليزي بتاعها بس العربي مش لاقياها لو حد عرف يجيبها يا ريت يبعت اللينك
لينك اغنية الضفادع
http://www.youtube.com/watch?v=0auCDOERZyE&eurl=http%3A%2F%2Fapps%2Efacebook%2Ecom%2Fsuperwall%2Fview%2Ephp%3Fid%3D2798196
و ده لينك لاغاني اطفال كتير للي عايز
http://tofolamosharrada.4shared.com/
يلا اي خدعة
يا شباب فيه لسه حاجات كتير عندكوا مثلا كوكي كاك بتاع ايمان الطوخي وانا لو فنان ارسم صوره وغيرهم من الف ليله عندنا مثلا مشكاح وريما وعندنا فطوطه وعندنا الخاطبه وام العريف وفوازير شريهان احنا فين وطبعا غير بوجي وطمطم وزيكا وزيكو وعم شكشك الله يرحم الجميع عم رحمي وفهمي عبد الحميد ويونس شلبي
فى أغنية بردو قديمة كانت بتاعت كلاب بتهوهو و كان فيها لقطات كرتون من لونى تونز لو فى حد يعرفها أو يعرفلها أى لينك يا ريت يقول
إرسال تعليق