ونصمت

ونصـمت حـيـن نصمـت ..... قـادرين

.

وتم القاء

عمار-هناك قانون اخر غير المنطق تسير به الحياه

محمد - جوه كل واحد فيكم امير بيدور على اميره اما انا فخلاص لقيت الملكه

يحيى- هو احنا كلنا اجنينا ولا ايه

....

يحيى - بس انت يومها رحت زرته على طول من غير تاخير

محمد- ودا معناه ايه

عمار - معناه ان احنا اسره واحده

....

محمد - انا كنت هناك وشوفتها

يحيى - قولتلك خدنى معاك عشان اشوفها

عمار - يمكن عايز يحبها او

...

امانه عليك يا ليل طول وهات العمر من الاول

الى الحج

خرج اعرابى الى الحج ماشيا فراى رجلا على ناقته

فقال له الرجل الى اين ؟

قال الى الحج

فقال اين الراحله فالطريق طويل

فقال له : لى مراكب كثيره لا تراها

فقال ماهى ؟

قال : اذا نزلت بى مصيبه ركبت مركب الصبر

واذا نزلت بى نعمه ركبت مركب الشكر

واذا نزل بى القضاء ركبت مركب الرضا

فقال له سر على بركه الله فانت الراكب وانا الماشى

لقاء الملك

قد كان لقائنا بالملك ممتعا ... رغم انه فقد فى بدايه اللقاء عقله ثم ملكه ثم فى النهايه فقد حياته الا اننا استمتعنا بذلك اللقاء ولقد نجح مهرجه ببراعه ان يعلمنا كثيرا من دروس الحياه

.

.

.

المهرج
وهم من فرحهم عيطوا

وانا من حزني غنيت

أرجوك يا عمي هات لي مدرساً يعلمني الكذب ، نفسي أتعلم الكذب

لير

والله إن كذبت أضربك بالكرباج
المهرج
عجباً ... ماصلة القربي بينك وبين بنتك هذه ؟ هي تأمر بضربي لو قلت الحق ، وأنت تأمر بضربي لو كذبت

وأحياناً أضرب لأني ساكت

خير لي أن أبحث عن عمل آخر غير شغلتى هذه فلقد صار الجميع مهرجين

.

الملك لير

وليم شكسبير-يحيى الفخرانى

تعرض حاليا بمسرح لسيه الحريه بالاسكندريه

كلام قيم

اعجب الاشياء

كتب ابن القيم فى احد كتبه ان اعجب الاشياء هى ان

تعرف الله ثم لا تحبه وان تسمع داعيه ثم تتاخر عن الاجابة وان تعرف قدر الربح فى معاملته ثم تتعامل مع غيره وان تعرف قدر غضبه ثم تتعرض له وان تذوق ألم الوحشه فى معصيته ثم لا تطلب الأنس بطاعته وان تذوق عصره القلب عند الخوض فى غير حديثه والحديث عنه ثم لا تشتاق الى انشراح الصدر بذكره ومناجاته وان تذوق العذاب عند تعلق القلب بغيره ولا تهرب منه الى نعيم الاقبال عليه والانابه اليه واعجب من هذا علمك انك لابد لك منه وانك احوج شئ اليه وانت عنه معرض وفيما يبعدك عنه راغب

رمضان كريم2

كل سنه

صديقى / محمد

.

انا يا دوب وصلت من السفر من ساعات والحوار اللى فات دار ما بينى وما بين اخوك من خمس دقايق بس .. المهم كل سنه وانت طيب وعقبال 100 سنه وتعيش وتحقق احلامك .... وافرح بيك الفرحه الكبيره .. لما تاخد الشهاده طبعا وتخلص دراسه ... ولو عندك فرحه اكبر ممكن تقولها ... وانت طبعا عارف انا لو كنت موجود كنت حعملك عيد ميلاد محصلش وانت عارف قصدى وطبعا انت فاكر الهديه اللى انا جبتهالك السنه اللى الفاتت.... وفاكر اليوم الكارثى بتاع السنه اللى قبل اللى فاتت والمصيبه اللى كانت حتحصلنا فيه لولا ان الله سلم .... وطبعا ذوقيا مش حفكرك بعيد ميلادى اللى جاى لانك فى عيد ميلادى اللى فات خلصتلى رصيد التليفون كله لما كنت عندك فى البيت والسنه اللى قبلها رفضت ا تجبلى هديه وطبعا انا مش حكمل عشان الشهر الكريم اللى احنا فيه

....

...

.

وارجع واقولك كل سنه وانت طيب

انــى احــبــك فـى الله

....

...

.

ملحوظه

انا سايب التعليق مفتوح لكن عند اى محاوله لخداع القراء .... انسى -

ياريت تقفل الماسنجر لما تكون مش قاعد على الجهاز -

التدوينه دى هديه عيد ميلادك انا كنت حجبلك تمر وانت رفضت ...تستاهل -

نجم الشمال

وارى فى عينيك بريق يفوق ما فى النجوم جميعا من بريق

ولثغرك ابتسامه تضئ اكثر مما يضئ القمر

اما حبك فيهدينى كنجمه الشمال تهدى السائرين فى الصحراء

السلام عليكم و رحمه الله وبركاته

بعد التحيه والسلام وكل ايات الاحترام ارسل لك تلك الرساله ردا على كل من يزعمون ان العاشقين وانا زعيمهم اننا نعيش فى قصور من احلام واننا نحلق بالحروف عاليا اعلى مما يفهما باقى البشر لذا اكتب لكى اليوم كما لم اكتب من قبل اكتب لكى بكلمات بسيطه ومن منظور علمى وليكن العنوان - حب بمفاهيم طبغرافيه -

اى كان المكان اللى انتى واقفه فيه او ساكنه فيه او حتى ماشيه فيه حاولى تستنى لما الشمس تغيب والدنيا تضلم شويه وبعدين خدى اتجاه القبله - على فكره من اكتر الحاجات اللى بحبها فيكى انك بتحافظى على الصلاه فى وقتها وعلى ورد القران تلاوه وحفظ - ولما تقفى فى اتجاه القبله بصى للسما ناحيه ايدك الشمال ودققى النظر شويه لحد ما تشوفى 3 نجوم بيلمعو تحت بعد بشكل عمودى .... معلش دققى شويه حتلاقيهم مميزين ... انا عارف صعب القمر يهتم بالنجوم لكن حولى تحديهم ... خلاص شوفتيهم تحت اخر نجم حتلاقى اربع نجوم تانين مكونين شكل مربع وكلهم مكونين شكل مغرفه للاكل - معلش لو عليا كنت خلتهم يكونوا اول حرف من اسمك بس تتعوض مع نجم تانى - المهم مع امتداد اخر نجمين فى الشكل الرباعى حتلاقى نجم بيلمع جدا ومفيش حواليه اى نجوم تانيه نجم لو دورتى عليه كل يوم استحاله استحاله تلاقيه يغير مكانه النجم دا اسمه نجم الشمال او القطب الشمالى

فــــــــــــــــــــــــــاصـــــــــــــــــــل

ولقد ذكرت والرماح نواهل وبيض الهند تقطر من دمى

فودت تقبيل السيوف لانها لمعت كبارك ثغرك المتبسم

------------

واريدك ان تذكرينى فى صلاتك كل يوم بالدعاء بالتوفيق

وادعى الله ان يرزقنا بعضنا وان يلهمنى الصبر والتثبيت

عـــــــــــــــــد نــــــــــــــــــــــا

ما بيننا يشبه ما بين هذا النجم وبين هذا الكون الكبير وللعلم النجم دا استحاله يتغير من مكانه لانه فوق خط الاستواء بالظبط وعلى نفس درجه ميل محور الارض يعنى ثابت ثابت ثابت والنجم دا مبيظهرش طول الليل وفى مصر بيظهر غالبا فى الثلث الاول من الليل وبعدين يختفى وانا بصراحه سعات بعمل كده - شقاوه - ممكن تتعبى شويه على ما تعثرى عليه وبرده اللى بنا نفس الحكايه لكن لو عثرنا عليه خلاص يبقى ضمنا النجاه

حجات كتيره متشابه بنا وبين النجم ده حسيبك تفكر فيها على مهلك

على فكره انا مسافر بكره ولما ارجع حكلمك عن الكثبان الرمليه والغرود الصخريه بين الممرات الجبليه .... اه صحيح متنسيش تدعيلى

سلام الله عليكى ورحمه منه وبركات

للعظماء

True brother ship is like a war

Easy to start

Difficult to end

Impossible to forget

So im having a war with u

I hope that u don’t want peace

الطريقه والطريق

لاول مره احس بجد انك وحشتينى وانى فعلا كنت اتمى انك تكونى جنبى فى اليومين دول ..... انا عارف ان وصولك ممكن يكون لسه عليه شويه.....بس مكنش قدامى حد غيرك اكلمه يمكن لانى عارف انك مستحيل تردى عليا او تعلقى على كلامى.....ودا يمكن اللى انا محتاجه دلوقتى اتكلم وتسمعى وتردى بعدين لما نتقابل فى المسقبل البعيد كان او القريب.....محتجلك دلوقتى يمكن لانى بدءت امشى فى طريق ان شاء الله تكملى معايا فيه فكنت احب تكونى موجوده وانا بختار وصدقينى كانت نصيحتك ليا حتكون الاهم ..... اليومين دول نازل عليا احساس انى مش فاهم حاجه ومش قادر اشوف حاجه ..... يمكن بسبب السرعه الغريبه الى بتمر بيها الايام هيا اللى مديانى الاحساس ده ...... امبارح كان يوم غريب جدا فى حياتى يمكن يكون من اهم ايام حياتى ..... رغم انى مكنتش البطل فى اليوم ده لكن كنت مشاهد بدرجه امتياز ..... كنت متلقى لرساله واضحه جدا لدرجه انى بصيت عليها ومفكرتش فيها ..... يمكن معرفتش ايه المقصود بيها بالظبط ..... كانت واضحه لدرجه انى حسيت ان فيه حاجه غلط ....... المهم انا بكتبلك لانى عايز احس ان الموضوع طبيعى ولانى عايز استمر فى حياتى ذى ما كنت مخطط ....طبعا مع الاستفاده من الرساله.......عايز اشتكيلك برده من الحمل التقيل اللى انا حاسس بيه مش عارف ليه حاسس ان المسؤوليه عماله تزيد عليا يوم بعد يوم ...... حاسس انى بكبر بسرعه جدا وان كل يوم بيمر عليا بيرمى على كتافى حمل جديد عباره عن حلم ...... حلم جميل لكنى مشتاق انك تحققيه معايا ..... امبارح كان يوم غريب ....والنهارده انا بكتبلك.....بكره معرفش لسه مخبى ايه لكن مستنى ..... معلش طولت عليكى لكن مضطر انهى الكلام رغم ان لسه فى حاجات كتير كنت عايز اقولك عليها لكن.....يبقى شئ اخير برغم انى بخطط كتير للطريق اللى حنمشيه مع بعض لكن لسه معرفش لسه الطريقه اللى حنقابل بيها بعض ..... فلو ممكن تساهمى انت بطريقه اللقاء واساهم انا بحمل اعباء الطريق.....فى النهايه مش لاقى حاجه اهدهالك غير ورده .....صحيح انت اجمل منها وعبيرك اروع من عبيرها لكن اتمنى انك تقبليها ... اقبليها وارعيها من باب انها بتمثل حلمى الصغير ... فارجوكى ان ترفقى بذلك الحلم .....وفى اول مقابله بنا ان شاء حيكون معايا هديه طبعا مش حقولك عليها دلوقتى عشان يفضل عندك فضول وتقربى اليوم الموعود

اما هديتى لنفسى حتكون ورده لكن غريبه شويه ورده فتحت بعض اوراقها ولسه مستنيه الندى عشان تفتح باقى الاوراق

لكنها لسه منتظره اجمل الاحلام

الطريق الى القدس 1

وساوس الشيطان وبدايه فتح فلسطين

اجنادين ..... ربما لا يعرف الكثر منا هذا الموقع او تلك الموقعه التى كانت الخطوه الاولى فى فتوحات المسلمين فى الشام فى عهد الصديق ابى بكر الصديق الذى ما انتهى من حرب المرتدين حتى اخذ فى الاستعداد لنشر الدعوه وقرر ان يبدا بالشام وجهز الصديق لهذه المهمه خمس جيوش بقياده خمسه من كبار الصحابه وسير الى الشام كل من يزيد بن ابى سفيان _ ابو عبيده بن الجراح _ وشرحبيل بن حسنه ( احد ابطال معركه اليمامه ) _ وعمرو بن العاص وابقى الصديق الجيش الخامس بقياده عكرمه بن ابى جهل فى المدينه ليكون مدد لاى من الجيوش وسارت الجيوش الاربعه الى الشام ولما علم هرقل بذلك ارسل جيش يبلغ اربع اضعاف جيوش المسلمين فارسل المسلمون يطلبون المدد من الخليفه فامدهم بعكرمه وجيشه ولكن لم يستطع جيش المسلمين ان يحسم اى من المواجهات مع جيش الروم فعذم ابو بكر ان يرسل اليهم خالد بن الوليد وقال قولته الشهيره " والله لانسين الروم وساوس الشيطان بخالد بن الوليد " وكان خالد فى ذلك الوقت يحقق انتصارات كبيره فى العراق على الفرس فطلب منه الصديق ان يسير بنصف قواته الى الشام وارسل الى ابى عبيده قائلا " فانى قد وليت خالد ققتال الروم بالشام فلا تخالفه واسمع له واطع فانى قد وليته عليك وانا اعلم انك خير منه ولكننى ظننت ان له فطنه فى الحرب ليست لك "

وسار خالد فى مغامره كبيره مخترقا صحراء باديه الشام فى حوالى 10 الاف مقاتل سالكا طريق مهجور لم يكن يستخدمه احد ولم يتوقف حتى وصل الى بصرى واجتمع بالجيوش الاسلاميه بقياده ابى عبيده ولم يكن عمرو بن العاص وصل من فلسطين بعد فحاصر المسلمون بصرى حتى استسلمت ودفعت الجزيه ولما علم هرقل بذلك حشد كل جيوشه فى الشام وكانت حوالى 90 الف وكان جيش المسلمين بعد انضمام عمرو بن العاص حوالى 40 الف فشكل خالد بن الوليد الجيش الى ميمنه بقياده عبد الرحمن بن ابى بكر وعلى الميسره شرحبيل بن حسنه وفى المؤخره يزيد بن ابى سفيان اما خالد وعمرو بن العاص فتولا المنتصف وفعل خالد بن الوليد فى تلك المعركه شئ يدل على عبقريه نادره اذ جعل جنوده يصطفون الى جانب بعضهم مسافه 5 اميال ( 8000 متر ) خشيه ان يطوق الروم جيش المسلمين من الجوانب

ومما ترويه لنا كتب التاريخ ان قائد الروم ارسل احد اتباعه ليتجسس على المسلمين فعاد له بعد يوم وليله ليقول له " بالليل رهبان وبالنهار فرسان لو سرق ابن ملكهم لقطعوا يده ولو زنى رجم لكى يقيمو الحق فيهم " فكان رد القـبقلار قائد الروم بليغا اذ قال لئن صدقت لبطن الارض خير لى من لقاء هؤلاء على ظهرها

وفى يوم المعركه امر خالد الجنود ان يقتربوا من معسكر الروم ثم خط فيهم بعد صلاه الظهر قائلا " اعلموا ان هؤلاء اضعافكم فطاولوهم حتى العصر فانه ساعه نرزق فيها بالنصر واياكم ان تولوا الادبار فيراكم الله منهزمين ازحفوا على بركه الله " ولما اقترب الجيشان اغتر الروم بكثرتهم وبدأو بالهجوم على ميمنه المسلمون فلم يتزحزح احد ثم عاد الروم للهجوم على ميسره المسلمون فثبت المسلمون ونادى خالد فى المسلمين احملوا رحمكم الله فهجم المسلمون على الروم مظهرين شجاعه فائقه وطلبوا من الله الشهاده بصدق ورغم ذلك استمرت المعركه طول اليوم الاول دون ان تحسم المعركه وكان قتلى اليوم الاول 3 الاف جندى من جيش الروم وفى اليوم الثانى التقى الجيشين بعد صلاه الفجر مباشره وقتل المسلمين فى ذلك اليوم قائد الروم فضعف عزمهم وتبعثر جيشهم واخذوا فى الفرار وكتب الله لجيش المسلمين النصر فى ذلك اليوم

واسشهد فى هذا اليوم حوالى 450 من المسلمين على رأسهم الصحابى الجليل عكرمه بن ابى جهل اما من جيش الروم فذكر الذهبى والواقدى ان قتلاهم قدروا بحوالى 50 الف وهو رقم ضخم على كل حال ويدل على الهزيمه الشديده

وارسل خالد برساله الى الصديق قائلا " بسم الله الرحمن الرحيم لعبد الله ابى بكر خليفه رسول الله _ صلى الله عليه وسلم _ من خالد بن الوليد اما بعد سلام عليك فانى احمد اليك الله الذى لا اله الا هو . اما بعد فانى اخبرك ايها ايها الصديق انا التقينا نحن والمشركين وقد جمعوا لنا جموعا جمه كثيره باجنادين وقد رفعوا صلبَهم ونشروا كتبهم وتقاسموا بالله لا يفرون حتى يفنوا او يخرجونا من بلادهم فخرجنا اليهم واثقين بالله متوكلين على الله فطااعناهم بالرماح ثم صرنا الى السيوف فقارعناهم فى كل فج وشعب فأحمد الله على اعزاز دينه واذلال عدوه وحسن الصنع لأوليائه والسلام عليكم ورحمته وبركاته "

وكانت تلك الموقعه عام 13 هـ قبل موقعه اليرموك وكانت اجنادين هى البدايه الحقيقه لفتوح الشام وبيت المقدس

عوده

ان السائر فى الحياه بغير رفيق
كالفارس فى الهيجا بغير سلاح

يا رب عفوك

يا رب ان عظمت ذنوبى كثره فلقد علمت بان عفوك اعظم
ان كان لا يرجوك الا محسنا فبمن يلوذ ويستجير المذنب

ادعوك ربى كما امرت تضرعا
فاذا رددت يدى فمن ذا يرحمُ

مالى اليك وسيله الا الرجا وجميل عفوك ثم انى مسلمُ

للاستماع

ما بال

الا ينضب الحسن من عينيك
مابال السحر يتضاعف بهما يوم بعد يوم

ما بال ابتسامتك تزداد اشراقاورشاقه

ما بال الكلمات تخرج من فمك كالنجوم ترشد الحيارى للهدى

مابال فرشاتك تعبث وتخرج للناس فى كل مره لوحه تحمل من دف الالوان ما يفوق دف الشموس جميعا

ما بال الناس يعشقونك كانما انت طريق السعاده الذى وجب عليهم ان يسلكوه

وما بالك توزعين السعاده على البشر دون حساب وكانك ينبوع لا ينضب ولا يجف

وما بالى رغم كل هذا اراك دائما كا الحلم بعيد المنال

لــــكـــنـــى حقيقه

اعْـجـب كثــيرا مـنـك
واُعـجـب اكثـــر بـك

انه الحب

فى البدايه التدوينه دى فرديه يعنى موجهه لشخص واحد عارف نفسه لانه موجود فى الصوره

عامل ايه وايه اخبار سعادتك ... عارف انك بخير والحمد لله وانه لا جديد يدعو للكلام لكن اسمح لى ان اقول لك انه قد جد علينا جديد وانا مستعد ان اقسم على هذا .... الصوره دى بقالها حوالى 5 سنين شوف من ساعتها اتغيرنا قد ايه ولكن ..... المهم انا حبيت اقولك انك اتغيرت ... وان الحب هو اللى غيرك ومش عايزك تتكسف وتضحك ضحكتك الى ملهاش معنى وتقولى يا راجل مين قال كده وتلف وتدور عليا

المهم انا حبيت اكتبلك الكلمتين دول لحد ما تيجى فرصه اشوفك فيها ونعرف نتكلم بهدوء وانت ليك كلام كتير اوى عندى

وسلام مؤقت لحد ما اشوفك

رغم اننا تغيرنا كثيرا الا اننا اقتربنا من بعضنا البض بصوره قد لا يصدقها كثير

ولا يرضى عنها قلبى

لانى ارغم فى

المزيد

سلام الهادى

سلام : الفرد بلواه بلاء للوطن
الهادى : الفرد فرد اينما كان
سلام : قد تحيا الامه فى فرد
وتموت الامه فى فرد

من مسرحيه

دماء على استار الكعبه

فاروق جويده

_ __ __ __

فى كل شى سوف احلم بالوطن
مها تمادى البعد يا وطنى
سابقى فيك احلم بالوطن
فى كل ضوء سوف يبدو من بعيد
ساظل احلم ان يجى العمر بالصبح الوليد
ضحكوا علينا بالوطن . كذبوا علينا بالوطن
باعوا الليالى بالوطن . سرقوا الامانى بالوطن
حاربت لكى يبقى الوطن
والان حاربنى الوطن

فاروق جويده

__ __ __ __

اكثر ما نحتاج اليه الان
هو شئ يطهرنا
من ذنوبنا كما
يطهر المطر
الارض

فنحن نعيش فى وطن
اذنب فى حقنا
كـما اذنـبنـا فى حـقـه


ولقد رايت منك مالا احب ان اراه
واخشى ان اهرب منك
لما اراه
__ __ __ __

ختام المجلس

نختم جميعا كما علمنا النبى صلى الله عليه وسلم

لا اله الا الله محمد رسول الله عليها نحيا وعليها نموت وفى سبيلها نجاهد وعليها نلقى الله سبحانك الله وبحمدك نشهد الا اله الا انت نستغفرك ونتوب اليك

والعصر ، إن الإنسان لفي خسر . إلا الذين آمنوا ، وعملوا الصالحات ، وتواصوا بالحق وتواصوا بالصبر

صدق الله العظيم

انشوده الوداع

يا شاطئ الذكرى رمالك لم تزل تروي لنا ما يلهب الوجدان

يا من يعاتبني إذ اقتــــحم الأسى شعري وداهم قلبي الولهان

أتريد مني أن تكون مشـــــاعري ثلجا فأضحك والضلوع حزان

لغة الوداع فصيحة لكنما لهو الحياة يغلق الأذان

قالوا لنا حان الوداع حان الفراق مع الضياع

من بعد ما كانت لنا دار بها أحلى اجتماع

هل بعد هذا نفترق ؟

هل بعد هذا نبتعد ؟

لالا لن نفترق ..... لالا لن نبتعد

للاستماع

قلعه الورد

هى قلعتى و حديقتى

فيها حاربت وفيها فرحت

فيها كل شئ

ولها كل شى

لها دموعى ودمائى

فيها كان سلاحى

وحولها كانت ورودى

لو ان هذاصحيح

فلما الرحيل

من قال ان هذا رحيل ..... انا لم ادعى فى يوم الرحيل ..... يحتاج المقاتل ان يستريح ويحتاج الزارع لوقت لينمو الزرع ..... فى تلك الاثناء ... يجب على ان انظر بدقه الى قلعتى وانتبه الى الاجزاء التى اهملتها اما انشغالا او كسلا يجب ان اصلح من حصنى قبل ان اخوض مزيد من المعارك على ان ارمم ما اصيب منه على ان استعد لاستقبال مزيد من الاصدقاء ومزيد من الغنائم وايضا مزيد من الهجمات .... انا لا افكر مطلقا بالتخلى عن قلعتى ربما اغيب بداخلها متواريا عن الانظار .... ربما ارحل قليلا لاعود ومعى اميره تسكنها فى يوم سعيد ..... ربما اسافر فى مهمه

لا يجب ان يعلم عنها احد ...... المهم انها قلعتى وادعوا الله ان اتمكن من الحفاظ عليها

حديقتى الغناء هى من اجمل الاشياء التى امتلكتها فى يوم من الايام ..... وفى وسط الحديقه بنيت قلعتى لتحمى حديقتى اجلس فيها مستمتعا بكل ما فيها ..... وانا فى شرفه القلعه يحلو لى ان استمع الى شدو الطيور بها ومرورالنسائم على ازهارها المتفتحه ..... حديقتى غناء بها غدير ماء طعمه عذب جميل ولونه صافى رقراق ....... عندما اذهب الى اى مكان ابحث دوما عن بذور جديده لازرعها فى حديقتى انا لا اغيب عنها كثيرا وعندما تدفعنى الظروف االى المغادره اكون مشتاقا ان اعود اليها سريعا

ربما انتم لم تشاهدوا الا هذا الجزء من الصوره لم تشاهدوا باقى القلعه ولا ما فى داخلها ..... لم تشاهدوا الا هذا

الجزء من الحديقه الا اننى اعدكم عندما اعود من رحلتى ان اتجول بكم لتشاهدوا ما حدثتكم عنه من قبل

كل ما اطلبه منكم ان تتذكرونى وتذكروا وعدى وان تدعوا لى فى غيبتى ان اعود سالما وحتى اعود .... لكم ان تتجولى فيما اوتيح لكم ان تعرفوه وتشاهدوه وان تعلقوا على كل ما شاهدتموه من قبل

والسلام ختام

للاسـتمـاع

احب المرح

اجلس مستمتعا سعيد بالحلم

انا لم اعلن عن حلمى بعد

قد اكون قد لمحت

غير انى لم اصرح

رغم انه اصبح واضح امامى

لم يعد باقى غير انى انهض من رقدتى

واسير لاصل الى جنتى

غير انى احب المرح

فلانتظر قليلا

لعل حلمى يقترب اكثر

اعلم انك تبتسمين وانت غاضبه

واعلم انك تقولين اننى سخيف

واننى مغرور بعض الشئ

الااننى انتظر

اختبر شجاعتك فى الافصاح عما فى نفسك

ومدى قدرتك على السكوت عما فى صدرك

ولكن قد كان لى سؤال

للاستماع للسؤال

النيل وطن

وهيلا هيلا هيله وهيلا هيلا هيه وهيلا هيه
وهيلا هيلا هيله وهيلا هيلا هيه وهيلا هيه

البرج بحرى فى الغرام والقلب من جوه الصعيد والنيل وطن

والحلو شايل جولتين والشمس تحت النخلتين طول النهار كان عقلى فين

وهيلا هيلا هيله وهيلا هيلا هيه وهيلا هيه
وهيلا هيلا هيله وهيلا هيلا هيه وهيلا هيه

يتيم صغير كان يتوه لولا اويته وحبيته نادى المنادى وجريت له

والدفه يا عبد السلام والجدع يا عبد الحميد

دا النيل وطن

للاستماع

* * * * * * * * * * * * * * * * * * * * * *

يحيى ابن اخت ابو زيد الهلالى كان بيعرف يضرب الودع ويقرا المكتوب على الرمل ولما تاه منهم اخوه فى صحراء تونس ابو زيد قال له يايحيى متشوف لنا فى الرمل اخوك فين قام جاب حجر ورسم بيه على الرمل اسم اخوه ونظر للاسم وبكى وقال

يا خال يونس فى صحرا تونس راكب مركبا فى البحر عايمه

من روايه الشاعر سيد الضوى

طائرى ومفتاحه

مفتاحى والطائر بتاعى من الحاجات اللى بتمثلى شئ فى حياتى الطائر بتاعى شكله غريب شويه جناحه عريض جدا وعلى طول فارده فى الفضا عمره ما ضمه ذى النسر اما منقاره فهو اهم حاجه فيه و اصلب حاجه فيه جسمه بقا ذى اليمامه الطائربتاعى غريب شويه ذى ما قلت هو طائر لكنه لا يطير هو معتاد فقط على الثبات اينما تضعه تجده لن يطير
مفتاحى عباره عن حلقه معدنيه صغيره فيها ثلاث مفاتيح واحد لمدخل العماره و التانى للشقه والاخر الصغير لصندوق بحط فيه شويه حاجات ملهاش معنى غير عندى بس انا الوحيد اللى شايف انها مهمه

وانا ريح الجيش حاخد مفاتيحى معايا طبعا لكن بصراحه الطائر مش عارف حاسس ان مينفعش اخدوه معايا على العموم انا مطمن انى لو ثبته فى مكان حرجع الاقيه مكان ما ثبته
لمشاهده الطائر

3 -2 - 1

ملاهى الحياه

اذهب الى هناك كلما سمحت لى الفرصه وانا احب الفكره - ان تكون هى نموذج مصغر للحياه هى مكان قد يمتلى بالناس وفى بعض الاحيان تكون فارغه كقلب عاشق هجر الهوى قلبه

ممتعه هى ولكى تستمتع بكل ما فيها يجب عليك ان تتعب اذا اردت ان تحصل على كل ما فيها فعليك ان تركض كثيرا وتقف قليلا وتقز الى اعلى كلما سنحت لك الفرصه واذا خرجت من لعبه ... اسف فرصه فعليك الا تتردد كثيرا بل اسرع لكى تلحق باللعبه التى تليها ولا يسبقك احد

فى الغالب لا يذهب المرء الى هناك وحده رغم انه من الممكن ان يفترق عمن معه ليمرح لوحده فى مكان يخاف منه الاخرين او ........ المهم حاول الا تكون وحيدا وانت فى الحياه

سريعه هى الحياه مابين موت وحياه وجد الانسان ..... يوم واحد هو اقصى وقت ممكن ان تقضيه هناك تمرح و تلعب وتمزح ما تشاء وكن ليس هناك خلود لابد من الرحيل .... هى حياه تعيشها بكل ما فيها من احزان وافراح وفى النهايه رحيل ثم حساب فهل تكون دائما مستعد ام ان اللعبه قد جذبتك ولم تجعلك تفكر فى القوانين المصاحبه لها

شئ اخر يدهشنى فى كل مره يجب ان ارى فساد او افساد دائما ما يكون هناك شى معطل لا كمال ابدا هناك فى اخر مره كان القطار معطلا لكن صراحه لم لتفت اليه كثيرا هل هى سلبيه ام تسليم بالقدر ام معرفه ان اهتمامى لن يدفعه الى الامام او يرجعه الى الخلف

لعبتى لمفضله افرح بها وفيها .... تدور وتدور وتدور تقلبنى راس على عقب الى الامام مره او مرتين او اكثر والى الوراء نفس الشئ لا تعرف هل سترفعك الى اعلى ام ستنخفض بك الى اسفل لا يمكنك النزول منها الا عندما تتوقف وحتى تتوقف ستجدها تدور وتدور وتدور

كنت هناك اول امس لا ادرى لماذا توقفت عن الاستمتاع وقررت ان اتوقف قليلا لعلنى اعثر على ما كنت ابحث عنه

مراقب من نفسى

فى كثير من الاحوال كنت اكتب لنفسى
اكتب كى احرر نفسى من طوق السجان الذى يكاد يخنق انفاسى
لست موهب !! هذا صحيح
لكنى حر وكلماتى حره
وكان هذا يكفينى
فى بعض الاوقات كنت اكتب ولا انشر ما اكتب
حقيقه لا ادرى لماذا
ربما هو الخجل
ربما خوف من عدم الفهم
او عدم الرغبه فى القسوه على الاخر

لست ادرى
لماذا كنت اسكت عن اشياء واكتب عن اشياء


لربما ضاع الكلام بين قلبى وعقلى ولكن الحمد لله
فلقد استراح ضميرى

بدات احزن

وبدات احزن وحاسس انى حدمع وما اغلى دموع البشر هو ليس منفى او رحيل بلا عوده ولكن قلبى ما كان فى يوم يعشق شمس المغيب

من الجميل ان تنتقل الى سكن جديد اوسع مكانا واكثر ترفيها وانقى هوائا لتصبح فيه فارس لهذا الزمان اولتعود منتصرا وتصبح اصلب عودا واشد صلابه وارق قلبا واكتر عطفا
كل هذا يدعوا للفرح وللسعاده
ولكن الرحيل من سكن قديم قد يسبب حزن يفوق اى فرحه


ماذا اقول
ماذا اكتب
حقيقه لست ادرى
كل ما اعرفه الان ليس له كلمات توصفه
ولكن دموع ترسمه

من كلمات الوداع

عمار يا حبيبى

يا ضحكه السنين

انت الوحيد اللى بتحسسنى ان الحياه عباره عن

حديقه لا يسمع فيها الاصوت الهدوء

وبحيره لا نرى فى مياهها الا الصفاء والنقاء

ورغم ان قلبك ينبض بالحنين

صامت انت دائما

ولكن عينيك لا تكف عن الحديث

الباشمهندس عملك الصوره دى

وبيقولك متزعليش تانى

بس انا بصراحه بقولك براحتك

انت معاك تصريح تعمل اللى انته عايزه

انا فعلا مستعد اقبل منك اى حاجه

عمار نصيحه لوجه الله

متبقاش بخيل فى عواطفك

لو حسيت انك عايز تقول حاجه قولها متكتمهاش

وادعيلى

مركب الوطن

هو مركب الوطن ممكن يبقا شكلها كده

يتبع

حاجات كتير

عارف يا واد يا محمد
نا لو كان معايا عصايا سحريه
كنت حخلى صدقتنا احلى من الحاله اللى احنا فيها دلوقت
وعارف لو طلعلى العفريت من المصباح وقلى اطلب
حطلب طلبين بس
والتالت حدهولك عارف ليه عشان انت حبيبى
ولو العفريت طلع قليل الادب ومارضاش
حطلب انا بالنيابه عنك
مش احنا اخوات وصحاب من زمان
انا عارف لو طلعلك العفريت حتطلب ايه
وعارف كمان يا باشمهندس
انا سعات بفكر فى افكار مجنونه بس ما برضاش اقولهالك عشان متزعلش
اصلى مقدرش على زعلك
وسعات برده حجات مابرضاش اعملها عشان خاطرك وانت عارف انت ليك خاطر عندى
صحيح انت سعات بتجننى
وسعات تختفى بالايام

لكن بحبك
انا عارف انى بقولهالك كتير
بس كل مره بقولهالك بحس ان حبك جوه قلبى بيكبر
كفايه كده
عليك النهارده
بس كان ليا عندك طلب
امانه عليك يا شيخ
وحلفتك بالله
تكتبلى ورقه اى ورقه فيها اى كلام
حتى لو حكم صينيه او معلومات رياضيه او حتى مسائل حسابيه
عشان لما توحشنى وانت عارف انك حتوحشنى
اطلع الورقه وابص فيها
واسرح معاها يمكن السرحان يخفف عنى بعادك
واياك تقولى معرفش
واللى بنا اكبر من كل الكلام
والحاجات اللى انتا بتضحك عليا بيها كل مره
عارف انا سعات مبقدرش افتكر كل اللى مر علينا

لان اللى بنا اكبر من انى افتكره كله

مش حكلمك عن ايام الدراسه من ايام ابتدائى واللعب قبل طابور الصباح الممل

مش حكلمك عن الاذاعه المدرسيه اللى انت كنت واخدها احتكار فى اعدادى

ولا حكلمك عن الكشرى ولا جنون عمر وعمار

ولا حكلمك عن اول درس فى المسجد نحضره مع بعض فى الجامعه

ولا عن رمضان كل سنه ومحاولتنا اننا نعتكف مع بعض وفى الاخر مينفعش

ولا عن خطبه الجمعه اللى نفسى اسمعا منك ومش قادر عشان درس الجمعه بتاعى

ولا عن شغلنا مع بعض فى انتخابات 2005 ولحد الان

ولا عن احساسى يوم ما اعتقلت فى القاهره

مش حكلمك عن حجات كتير جدا اكتر من انى افتكرها

وحطلب منك طلب لانى عارف انك مش حتنفذ الطلب الاول

ادعيلى يا محمد وانت بتصلى الفجر

ادعيلى ربنا يرزقنى اتباع الحق

وانى والله احبك فيه

حاولت الا اخبرك

حاولت ان الا اخبرك صدقينى حاولت

كنت ادرك ان رحلتى قصيره وايامى قليله

وان النهايه ستكون فى الرحيل

منعنى التزامى ومنعكِ حيائك من المصراحه

والصراحه ان العكس هو الصحيح

تتدهشنى الحياه فعلا فى اقدارها

فقد تقرب بين اثنين فى الارواح وتُبعد بينهم فى المسافه

اما نحن ورغم اننا كنا متجاورين الا ان بيننا كان حاجز رقيق

كان شفافا هذا السور الذى بيننا

سمح لنا ان نرى دون ان نتكلم

ان نحب دون ان نفكر فى المخاطره

رغم ان الحب هو اكبر مغامره

اعرفُ انكِ معجبه بصراحتى وحزينه من كلماتى

لكنه الحب

والحب فعل يتراوح متناقضات

وبين فقدان الامل والعثور عليه

وبين العقل والجنون

كنت اقف انا اتحدث

وكما قلت عاقله انتِ ولقد كنت انا المجنون

_________ على الهامش _____

هذه التدوينه من الخيال وارجوا الا يسقطها شخص على نفسه وليس معنى هذا عدم اعجاب او حاله تبلد اصابتنى ولكن لو كان هذا الكلام لشخص بعينه لكان الشعور اسمى من هذا والكلام اروع من هذا ولربما علا الحدث عن الحديث

هذه التدوينه كتبت فى لحظه انكسار للحب

كتبت فى 5-12 - 2006

من قضايا الوجوديه

انتباه يا مدون

فى الانجاز كده وعلى السريع
انا قدامى فى الحياه المدنيه 10 ايام
وبعدين ... وبعدين
رايج الجيش
يعنى مصر هى امى
يعنى عسكرى معاه بندقيه
يعنى صحيان الصبح بدرى
يعنى مفيش بابا وماما ولا كبايه نسكافيه
طبعا ان بقالى حوالى 15 يوم عارف الخبر
حاسس احاسيس محستهاش فى احساسى قبل كده
*******
بجد بجد مش عارف
مغامره
قلق
توتر
احلام تؤجل
قرارات تؤخذ
ومع كل هذا فراق مؤقت لابد منه
************
هو عالم جديد ادخل بقوه اليه
انتظر ان اتعلم منه الكثير
واتعلم ما قد لا يتاح الى كثير
********
بعيدا عن الشعارات وهتاف المظاهرات
حقيقه انا اعشق تراب هذا الوطن
**********
جوايه شئ من سعاده
يمكن لانى حسيب البيت وانطلق
صحيح يمكن بتنا احلى لاكن
انا بتمنى انى ارجع البيت
واكون اتغيرت للاحسن
*********
فى ناس بعينها حتوحشنى
طبعا ناس من داخل العالم الافتراضى ومن خارجه
وطبعا اللى من داخله ينتظرو منى اميلات
***********
حجات كتير ممكن اكتبها فى وقت ذى ده
وحجات اكتر بكتبر معرفش ومينفعش اكتبها
**********
فى الجيش حفضل احلم
احلم بعروسه جميله لابسه ابيض
منتظره فارس اسمر
********
بـلادى بـلادى لـك فـعـلا حـبـى وكـفـاحـى
*******
وقد صح عن النبي صلى الله عليه وسلم قوله
عينان لا تمسهما النار
عين بكت من خشية الله ، وعين باتت تحرس في سبيل الله
رواه الترمذي

كذابه يا حكومه

الحكومه المصريه بتكذب دا شئ اكيد

لكن للكذب حدود

واحد ذى انس الفقى بيقول ان نسبه التصويت فى الاسكندريه 24% لا

كتير اوى مفضوحه يا حكومه

لانى كنت موجود وبصراحه مشفتش مواطن دخل اللجنه

لجنه فيها 14 صندوق مدخلش طول اليوم غير 33 فرد

صحيح

تعيش الحكومه و زرائها بيكذبوا