يــــــــاء: قبل الوداع

‏إظهار الرسائل ذات التسميات قبل الوداع. إظهار كافة الرسائل

2010-11-20

لحظه الالم

اكثر اللحظات آلما فى نظرى هى تلك اللحظه التى تعتقد فيها الفراشه انها تكاد ان تلامس النور ... فتتدرك انها وقعت فى النار وانها تحترق ... مؤلم الاحساس بالفشل فى النهايه

2007-11-24

وتم القاء

عمار-هناك قانون اخر غير المنطق تسير به الحياه

محمد - جوه كل واحد فيكم امير بيدور على اميره اما انا فخلاص لقيت الملكه

يحيى- هو احنا كلنا اجنينا ولا ايه

....

يحيى - بس انت يومها رحت زرته على طول من غير تاخير

محمد- ودا معناه ايه

عمار - معناه ان احنا اسره واحده

....

محمد - انا كنت هناك وشوفتها

يحيى - قولتلك خدنى معاك عشان اشوفها

عمار - يمكن عايز يحبها او

...

امانه عليك يا ليل طول وهات العمر من الاول

2007-04-05

انشوده الوداع

يا شاطئ الذكرى رمالك لم تزل تروي لنا ما يلهب الوجدان

يا من يعاتبني إذ اقتــــحم الأسى شعري وداهم قلبي الولهان

أتريد مني أن تكون مشـــــاعري ثلجا فأضحك والضلوع حزان

لغة الوداع فصيحة لكنما لهو الحياة يغلق الأذان

قالوا لنا حان الوداع حان الفراق مع الضياع

من بعد ما كانت لنا دار بها أحلى اجتماع

هل بعد هذا نفترق ؟

هل بعد هذا نبتعد ؟

لالا لن نفترق ..... لالا لن نبتعد

للاستماع

قلعه الورد

هى قلعتى و حديقتى

فيها حاربت وفيها فرحت

فيها كل شئ

ولها كل شى

لها دموعى ودمائى

فيها كان سلاحى

وحولها كانت ورودى

لو ان هذاصحيح

فلما الرحيل

من قال ان هذا رحيل ..... انا لم ادعى فى يوم الرحيل ..... يحتاج المقاتل ان يستريح ويحتاج الزارع لوقت لينمو الزرع ..... فى تلك الاثناء ... يجب على ان انظر بدقه الى قلعتى وانتبه الى الاجزاء التى اهملتها اما انشغالا او كسلا يجب ان اصلح من حصنى قبل ان اخوض مزيد من المعارك على ان ارمم ما اصيب منه على ان استعد لاستقبال مزيد من الاصدقاء ومزيد من الغنائم وايضا مزيد من الهجمات .... انا لا افكر مطلقا بالتخلى عن قلعتى ربما اغيب بداخلها متواريا عن الانظار .... ربما ارحل قليلا لاعود ومعى اميره تسكنها فى يوم سعيد ..... ربما اسافر فى مهمه

لا يجب ان يعلم عنها احد ...... المهم انها قلعتى وادعوا الله ان اتمكن من الحفاظ عليها

حديقتى الغناء هى من اجمل الاشياء التى امتلكتها فى يوم من الايام ..... وفى وسط الحديقه بنيت قلعتى لتحمى حديقتى اجلس فيها مستمتعا بكل ما فيها ..... وانا فى شرفه القلعه يحلو لى ان استمع الى شدو الطيور بها ومرورالنسائم على ازهارها المتفتحه ..... حديقتى غناء بها غدير ماء طعمه عذب جميل ولونه صافى رقراق ....... عندما اذهب الى اى مكان ابحث دوما عن بذور جديده لازرعها فى حديقتى انا لا اغيب عنها كثيرا وعندما تدفعنى الظروف االى المغادره اكون مشتاقا ان اعود اليها سريعا

ربما انتم لم تشاهدوا الا هذا الجزء من الصوره لم تشاهدوا باقى القلعه ولا ما فى داخلها ..... لم تشاهدوا الا هذا

الجزء من الحديقه الا اننى اعدكم عندما اعود من رحلتى ان اتجول بكم لتشاهدوا ما حدثتكم عنه من قبل

كل ما اطلبه منكم ان تتذكرونى وتذكروا وعدى وان تدعوا لى فى غيبتى ان اعود سالما وحتى اعود .... لكم ان تتجولى فيما اوتيح لكم ان تعرفوه وتشاهدوه وان تعلقوا على كل ما شاهدتموه من قبل

والسلام ختام

للاسـتمـاع

2007-04-02

طائرى ومفتاحه

مفتاحى والطائر بتاعى من الحاجات اللى بتمثلى شئ فى حياتى الطائر بتاعى شكله غريب شويه جناحه عريض جدا وعلى طول فارده فى الفضا عمره ما ضمه ذى النسر اما منقاره فهو اهم حاجه فيه و اصلب حاجه فيه جسمه بقا ذى اليمامه الطائربتاعى غريب شويه ذى ما قلت هو طائر لكنه لا يطير هو معتاد فقط على الثبات اينما تضعه تجده لن يطير
مفتاحى عباره عن حلقه معدنيه صغيره فيها ثلاث مفاتيح واحد لمدخل العماره و التانى للشقه والاخر الصغير لصندوق بحط فيه شويه حاجات ملهاش معنى غير عندى بس انا الوحيد اللى شايف انها مهمه

وانا ريح الجيش حاخد مفاتيحى معايا طبعا لكن بصراحه الطائر مش عارف حاسس ان مينفعش اخدوه معايا على العموم انا مطمن انى لو ثبته فى مكان حرجع الاقيه مكان ما ثبته
لمشاهده الطائر

3 -2 - 1

2007-03-31

مراقب من نفسى

فى كثير من الاحوال كنت اكتب لنفسى
اكتب كى احرر نفسى من طوق السجان الذى يكاد يخنق انفاسى
لست موهب !! هذا صحيح
لكنى حر وكلماتى حره
وكان هذا يكفينى
فى بعض الاوقات كنت اكتب ولا انشر ما اكتب
حقيقه لا ادرى لماذا
ربما هو الخجل
ربما خوف من عدم الفهم
او عدم الرغبه فى القسوه على الاخر

لست ادرى
لماذا كنت اسكت عن اشياء واكتب عن اشياء

لربما ضاع الكلام بين قلبى وعقلى ولكن الحمد لله
فلقد استراح ضميرى

حاجات كتير

عارف يا واد يا محمد
نا لو كان معايا عصايا سحريه
كنت حخلى صدقتنا احلى من الحاله اللى احنا فيها دلوقت
وعارف لو طلعلى العفريت من المصباح وقلى اطلب
حطلب طلبين بس
والتالت حدهولك عارف ليه عشان انت حبيبى
ولو العفريت طلع قليل الادب ومارضاش
حطلب انا بالنيابه عنك
مش احنا اخوات وصحاب من زمان
انا عارف لو طلعلك العفريت حتطلب ايه
وعارف كمان يا باشمهندس
انا سعات بفكر فى افكار مجنونه بس ما برضاش اقولهالك عشان متزعلش
اصلى مقدرش على زعلك
وسعات برده حجات مابرضاش اعملها عشان خاطرك وانت عارف انت ليك خاطر عندى
صحيح انت سعات بتجننى
وسعات تختفى بالايام

لكن بحبك
انا عارف انى بقولهالك كتير
بس كل مره بقولهالك بحس ان حبك جوه قلبى بيكبر
كفايه كده
عليك النهارده
بس كان ليا عندك طلب
امانه عليك يا شيخ
وحلفتك بالله
تكتبلى ورقه اى ورقه فيها اى كلام
حتى لو حكم صينيه او معلومات رياضيه او حتى مسائل حسابيه
عشان لما توحشنى وانت عارف انك حتوحشنى
اطلع الورقه وابص فيها
واسرح معاها يمكن السرحان يخفف عنى بعادك
واياك تقولى معرفش
واللى بنا اكبر من كل الكلام
والحاجات اللى انتا بتضحك عليا بيها كل مره
عارف انا سعات مبقدرش افتكر كل اللى مر علينا

لان اللى بنا اكبر من انى افتكره كله

مش حكلمك عن ايام الدراسه من ايام ابتدائى واللعب قبل طابور الصباح الممل

مش حكلمك عن الاذاعه المدرسيه اللى انت كنت واخدها احتكار فى اعدادى

ولا حكلمك عن الكشرى ولا جنون عمر وعمار

ولا حكلمك عن اول درس فى المسجد نحضره مع بعض فى الجامعه

ولا عن رمضان كل سنه ومحاولتنا اننا نعتكف مع بعض وفى الاخر مينفعش

ولا عن خطبه الجمعه اللى نفسى اسمعا منك ومش قادر عشان درس الجمعه بتاعى

ولا عن شغلنا مع بعض فى انتخابات 2005 ولحد الان

ولا عن احساسى يوم ما اعتقلت فى القاهره

مش حكلمك عن حجات كتير جدا اكتر من انى افتكرها

وحطلب منك طلب لانى عارف انك مش حتنفذ الطلب الاول

ادعيلى يا محمد وانت بتصلى الفجر

ادعيلى ربنا يرزقنى اتباع الحق

وانى والله احبك فيه

2007-03-28

انتباه يا مدون

فى الانجاز كده وعلى السريع
انا قدامى فى الحياه المدنيه 10 ايام
وبعدين ... وبعدين
رايج الجيش
يعنى مصر هى امى
يعنى عسكرى معاه بندقيه
يعنى صحيان الصبح بدرى
يعنى مفيش بابا وماما ولا كبايه نسكافيه
طبعا ان بقالى حوالى 15 يوم عارف الخبر
حاسس احاسيس محستهاش فى احساسى قبل كده
*******
بجد بجد مش عارف
مغامره
قلق
توتر
احلام تؤجل
قرارات تؤخذ
ومع كل هذا فراق مؤقت لابد منه
************
هو عالم جديد ادخل بقوه اليه
انتظر ان اتعلم منه الكثير
واتعلم ما قد لا يتاح الى كثير
********
بعيدا عن الشعارات وهتاف المظاهرات
حقيقه انا اعشق تراب هذا الوطن
**********
جوايه شئ من سعاده
يمكن لانى حسيب البيت وانطلق
صحيح يمكن بتنا احلى لاكن
انا بتمنى انى ارجع البيت
واكون اتغيرت للاحسن
*********
فى ناس بعينها حتوحشنى
طبعا ناس من داخل العالم الافتراضى ومن خارجه
وطبعا اللى من داخله ينتظرو منى اميلات
***********
حجات كتير ممكن اكتبها فى وقت ذى ده
وحجات اكتر بكتبر معرفش ومينفعش اكتبها
**********
فى الجيش حفضل احلم
احلم بعروسه جميله لابسه ابيض
منتظره فارس اسمر
********
بـلادى بـلادى لـك فـعـلا حـبـى وكـفـاحـى
*******
وقد صح عن النبي صلى الله عليه وسلم قوله
عينان لا تمسهما النار
عين بكت من خشية الله ، وعين باتت تحرس في سبيل الله
رواه الترمذي

2007-03-27

كذابه يا حكومه

الحكومه المصريه بتكذب دا شئ اكيد

لكن للكذب حدود

واحد ذى انس الفقى بيقول ان نسبه التصويت فى الاسكندريه 24% لا

كتير اوى مفضوحه يا حكومه

لانى كنت موجود وبصراحه مشفتش مواطن دخل اللجنه

لجنه فيها 14 صندوق مدخلش طول اليوم غير 33 فرد

صحيح

تعيش الحكومه و زرائها بيكذبوا

خواطر ويكأن

مش عارف ليه بقالى فتره كل ما امسك المصحف اطلع صفحات معينه واقراها كل مره افكر فى قصه سيدنا موسى مع فرعون وموقف قارون وهامان النهارده وانا قاعد فى العربه امام المدرسه اللى كان قيها لجنه الاستفتاء مسكت المصحف وفتحته عشان ابتدى اقرا لقتنى بفتح على صفحه وحسيت انى لاول مره اشوفها بالوضوح دا وحسيت بشعور غريب وكانى سامع صوت من جوايا بيقولى خلاص نصر الله قرب وان الظلم خلاص الى زوال حسيت براحه غريبه خلتنى هادى الى نهايه اليوم

اليوم عدى والاستفتاء كمان عدى لكن الاحساس باقى جوايا ... احساس ان الله سبحانه وتعالى سينصرالحق على الباطل احساس معرفش فعلا اوصفه ...... عارف لما تسمع كلمه موصول بالسماء دا فعلا الشئ اللى حسيت ان لازم نصل اليه ان نصل بالطاعات ما قطعناه بالذنوب والمعاصى

احسست اليوم وانا امسك المصحف ان الله معى ليس لذاتى ولكن لانى امسك المصحف وادركت معنى الهتاف المدوى القران دستورنا ادركت انه يجب على ان امسك بالقران بكل ما اؤتيت من قوه ولا اتخلى عنه وعما فيه مهما حدث

ادركت معنى اى يكون الله غايتنا اى ان الله هو الغايه ونهايه المنتهى لا نقصد شى الا الله ولله .... ادركت انى فعلا اصبحت فى شوق محموم الى الجنه وانى على استعداد لفعل الكثير حتى افوز بالفردوس الاعلى حتى لو اضررت ان ادفع حياتى فداء لتلك الغايه ....... جنه الخلد وملكِ لا يبلى

وعلمت وتعلمت ان الحياه اكبر واصغر مما نظن هى بوابه تقود الى الخلود وويل لم باع الذهب ليشترى الخشب .... فاليحذر النار ان تحرق الخشب

لا ادرى لماذا افكر فى كل هذا فى يوم كهذا ربما كل هذا بفضل هذه الصفحه

اللهم اجعلنا نذكُرك كثيرا.. ونعبدُكَ طويلا..و نسبحُكَ بكرة وأصيلا

2007-03-26

ليله الاستفتاء

بلادى بلادى لك حبى وكفاحى

بلادى بلادى اسلمى و انعمى

سارويك حين الظما من دمى

مش هنبطل

مش حنسافر

مش حنسيب

الاخوان المسلمين

الله اكبر ولله الحمد

2007-03-24

ايام الشقاوه

انا مش قلتلك انى مبعرفش اسوق وانى معرفش الفرق بين البنزين والفرامل

ادينى سمعت كلامك وجربت كانت ايه النتيجه

انت شاطر من يومك وكنت

بتعرف تسوق بيا العجله

ومن يومك شاطر فى السواقه

بس النهارده خانك ذكائك وخلتنلى اجرب

كان مالى انا ومال العربيات

على العموم حصل خير

والميكانيكى طمنا

والدكتور كتر خيره كمان طمنا

فاكر لما وقعتك من على العجله واتعورت

اعتذر لصحابك بالنيابه عنى

وقول لاحمد مكنش فى داعى للشتيمه وانه يعلى صوته

بس سيبك

برغم ان احنا الــ4 اتعورنا

وبرغم ان العربيه كانت واقفه فعليا على السور

وان عربيه الخدمات نزلتها بصعوبه

بس بصراحه كانت مغامره ممتعه

فكرتنى بالعجله القديمه

وايام الشقاوه

2007-03-11

لازلت احلم

قابلتها صدفه فى يوم اجازتى

كانت ذاهبه الى العمل

وانا ذاهب الى الصيد فى البحر القريب

توقفت ونظرت الى وابتسمت

توقفت وسالتها عن حالها

قالت بخير ثم باغتتنى بسوال لم اتوقعه

سئالتنى عن احلامى بعد كل تلك السنين

ابتسمت ولم اجب

تعجبت وقالت هل تبخرت ام تراها تحققت

فكرت قليلا ثم وجدت الاجابه

مادمت اراكى امامى فانا لازلت

بالتاكيد احلم

2007-03-09

مستمتع

الحب دلوقتى فى حياتى ذى الحلم

والجميل فى الحلم انه حلم

طيف بيعدى من بعيد

وجوانا شوق انه يقرب مننا

لكن لما يقرب

خلاص مبيبقاش حلم

صحيح ممكن يتحول لشئ اجمل

لكن

انا حاليا مستمتع بالحلم

ومستمتع انى احكى عن حلمى

رغم انه من طرف واحد

ومستمتع اكتر انى مسبب ليها حيره

هى دلوقتى قاعده محتاره

ياترى يقصدنى ولا يقصد غيرى

بيتكلم عنى ولا بيتكلم عن غيرى

اعذرينى مقدرش اقول حلمى

واللى بنا طريق مش طويل

شارع واحد يفصل بنا

بس بصراحه انا مش عايز اعبر الطريق دلوقت

مستتمتع وانا بتابع نظراتك

بجد مستمع

2007-03-08

مشكلتنا ان الحب بيرسم بكره

يا فلسطين دعا هاتف إلى السلاح فحملنا المدفع ومضينا للكفاح says:
ربنا يكرمك
ادعوااااااااااا لي says:
يارب يا اخويا
يا فلسطين دعا هاتف إلى السلاح فحملنا المدفع ومضينا للكفاح says:
ربنا يرزقك ببنت الحلال
أنا اتخنقت خلاص...وعايز أتفسح says:
يارب
يا فلسطين دعا هاتف إلى السلاح فحملنا المدفع ومضينا للكفاح says:
تحب تخرج
أنا اتخنقت خلاص...وعايز أتفسح says:
لالالالالالالالالالالالالالالالا
يا فلسطين دعا هاتف إلى السلاح فحملنا المدفع ومضينا للكفاح says:
ليه
أنا اتخنقت خلاص...وعايز أتفسح says:
مش عايز اعمل اي حاجة
يا فلسطين دعا هاتف إلى السلاح فحملنا المدفع ومضينا للكفاح says:
غلط
يا فلسطين دعا هاتف إلى السلاح فحملنا المدفع ومضينا للكفاح says:
وانت قاعد حتفكر اكتر
أنا اتخنقت خلاص...وعايز أتفسح says:
ياسلام
يا فلسطين دعا هاتف إلى السلاح فحملنا المدفع ومضينا للكفاح says:
وحتتعب نفسك اكتر
يا فلسطين دعا هاتف إلى السلاح فحملنا المدفع ومضينا للكفاح says:
وتفتكر ايامكو اللى راحت
يا فلسطين دعا هاتف إلى السلاح فحملنا المدفع ومضينا للكفاح says:
واحلامك اللى تبخرت فى شمس الحياه القاسيه
يا فلسطين دعا هاتف إلى السلاح فحملنا المدفع ومضينا للكفاح says:
وتعد تبكى
يا فلسطين دعا هاتف إلى السلاح فحملنا المدفع ومضينا للكفاح says:
تبكى
يا فلسطين دعا هاتف إلى السلاح فحملنا المدفع ومضينا للكفاح says:
تبكى
يا فلسطين دعا هاتف إلى السلاح فحملنا المدفع ومضينا للكفاح says:
تبكى
يا فلسطين دعا هاتف إلى السلاح فحملنا المدفع ومضينا للكفاح says:
تبكى
يا فلسطين دعا هاتف إلى السلاح فحملنا المدفع ومضينا للكفاح says:
ومتلقيش مناديل
يا فلسطين دعا هاتف إلى السلاح فحملنا المدفع ومضينا للكفاح says:
تعد تبكى تبكى
يا فلسطين دعا هاتف إلى السلاح فحملنا المدفع ومضينا للكفاح says:
على ان مافيش مناديل
أنا اتخنقت خلاص...وعايز أتفسح says:
هممممممم
يا فلسطين دعا هاتف إلى السلاح فحملنا المدفع ومضينا للكفاح says:
احسن حاجه انك تخرج
يا فلسطين دعا هاتف إلى السلاح فحملنا المدفع ومضينا للكفاح says:
وتحب من جديد
يا فلسطين دعا هاتف إلى السلاح فحملنا المدفع ومضينا للكفاح says:
داونى بالتى كانت هى الداء
أنا اتخنقت خلاص...وعايز أتفسح says:
هممم
أنا اتخنقت خلاص...وعايز أتفسح says:
يمكن
يا فلسطين دعا هاتف إلى السلاح فحملنا المدفع ومضينا للكفاح says:
رحت فين - انت نمت
أنا اتخنقت خلاص...وعايز أتفسح says:
لا
يا فلسطين دعا هاتف إلى السلاح فحملنا المدفع ومضينا للكفاح says:
بتحبها ؟؟؟
يا فلسطين دعا هاتف إلى السلاح فحملنا المدفع ومضينا للكفاح says:
سؤال سخيف صح
يا فلسطين دعا هاتف إلى السلاح فحملنا المدفع ومضينا للكفاح says:
بس لازم نسئاله
أنا اتخنقت خلاص...وعايز أتفسح says:
طبعا يا اخويا
أنا اتخنقت خلاص...وعايز أتفسح says:
بحبهاااااااااااا
يا فلسطين دعا هاتف إلى السلاح فحملنا المدفع ومضينا للكفاح says:
ليه
أنا اتخنقت خلاص...وعايز أتفسح says:
نعم؟
يا فلسطين دعا هاتف إلى السلاح فحملنا المدفع ومضينا للكفاح says:
مقلتليش بتحبها ليه
أنا اتخنقت خلاص...وعايز أتفسح says:
ملكش دعوة
يا فلسطين دعا هاتف إلى السلاح فحملنا المدفع ومضينا للكفاح says:
بتتكلم بجد ولا بتهزر
يا فلسطين دعا هاتف إلى السلاح فحملنا المدفع ومضينا للكفاح says:
اقولك بتحبها ليه
يا فلسطين دعا هاتف إلى السلاح فحملنا المدفع ومضينا للكفاح says:
اقول
أنا اتخنقت خلاص...وعايز أتفسح says:
ليه؟
أنا اتخنقت خلاص...وعايز أتفسح says:
بعيدن انت مالك؟
يا فلسطين دعا هاتف إلى السلاح فحملنا المدفع ومضينا للكفاح says:
بطل سخف
يا فلسطين دعا هاتف إلى السلاح فحملنا المدفع ومضينا للكفاح says:
سبنى اكمل
أنا اتخنقت خلاص...وعايز أتفسح says:
كمل بس اكتب مرة واحدة
يا فلسطين دعا هاتف إلى السلاح فحملنا المدفع ومضينا للكفاح says:
انت بتحبها عشان هى اجمل وارق واحده انت عرفتها ومن روعتها حلمت انها تكمل معالك حياتك ومش بس كده دى تصنع معاك حياتك عقلك بكل ماؤتى من قوه توقف عن هذه الفتاه مشاعرك احاسيسك دا حتى احلامك وقفت عندها وانت بتكلمها بتعاملها على اساس انها ملكه الكون واميره وحيده مستنياك وانها شمس النهار وضله وانها قمر الليل وسحره
أنا اتخنقت خلاص...وعايز أتفسح says:
ايه الكلام الكبير ده؟
يا فلسطين دعا هاتف إلى السلاح فحملنا المدفع ومضينا للكفاح says:
مشاعر
أنا اتخنقت خلاص...وعايز أتفسح says:
همممممممم
أنا اتخنقت خلاص...وعايز أتفسح says:
انت اللي كاتبه؟
أنا اتخنقت خلاص...وعايز أتفسح says:
ولا ناقله؟
يا فلسطين دعا هاتف إلى السلاح فحملنا المدفع ومضينا للكفاح says:
والله لسه كاتبه دلوقت
يا فلسطين دعا هاتف إلى السلاح فحملنا المدفع ومضينا للكفاح says:
وحيات حبى وحبك
يا فلسطين دعا هاتف إلى السلاح فحملنا المدفع ومضينا للكفاح says:
عايز تعيط
أنا اتخنقت خلاص...وعايز أتفسح says:
ايوة
أنا اتخنقت خلاص...وعايز أتفسح says:
نفسي
يا فلسطين دعا هاتف إلى السلاح فحملنا المدفع ومضينا للكفاح says:
وافتكر ان الدموع من شروط الحب
أنا اتخنقت خلاص...وعايز أتفسح says:
اه
يا فلسطين دعا هاتف إلى السلاح فحملنا المدفع ومضينا للكفاح says:
تعرف يا محمد ان الحب ده ممكن ربنا يحسبنا عليه
يا فلسطين دعا هاتف إلى السلاح فحملنا المدفع ومضينا للكفاح says:
ذى باقى النعم
أنا اتخنقت خلاص...وعايز أتفسح says:
بمعني؟
يا فلسطين دعا هاتف إلى السلاح فحملنا المدفع ومضينا للكفاح says:
ربنا ممكن يقلك انت محبتش ليه ؟
أنا اتخنقت خلاص...وعايز أتفسح says:
همممممم
يا فلسطين دعا هاتف إلى السلاح فحملنا المدفع ومضينا للكفاح says:
او ليه محاولتش تحافظ على حبك
أنا اتخنقت خلاص...وعايز أتفسح says:
ممكن
يا فلسطين دعا هاتف إلى السلاح فحملنا المدفع ومضينا للكفاح says:
ذى واح متجوز واحده ومع اول خلاف انفصلوا
يا فلسطين دعا هاتف إلى السلاح فحملنا المدفع ومضينا للكفاح says:
اكيد حيتحاسب
يا فلسطين دعا هاتف إلى السلاح فحملنا المدفع ومضينا للكفاح says:
انا سعات بحسدك
أنا اتخنقت خلاص...وعايز أتفسح says:
بتحسدني؟
يا فلسطين دعا هاتف إلى السلاح فحملنا المدفع ومضينا للكفاح says:
من دون تمنى زوال النعمه منك
أنا اتخنقت خلاص...وعايز أتفسح says:
اسمها بأغبطك
أنا اتخنقت خلاص...وعايز أتفسح says:
مش بأحسدك
يا فلسطين دعا هاتف إلى السلاح فحملنا المدفع ومضينا للكفاح says:
اغبطك احسدك مش مهم
أنا اتخنقت خلاص...وعايز أتفسح says:
اسمها اغبطك
أنا اتخنقت خلاص...وعايز أتفسح says:
الحكاية مش ناقصة حسد
يا فلسطين دعا هاتف إلى السلاح فحملنا المدفع ومضينا للكفاح says:
الفجر بياذن
يا فلسطين دعا هاتف إلى السلاح فحملنا المدفع ومضينا للكفاح says:
حتصلى فين ؟
أنا اتخنقت خلاص...وعايز أتفسح says:
في آل عمران
يا فلسطين دعا هاتف إلى السلاح فحملنا المدفع ومضينا للكفاح says:
طب ما تعدى عليا
أنا اتخنقت خلاص...وعايز أتفسح says:
صعب
يا فلسطين دعا هاتف إلى السلاح فحملنا المدفع ومضينا للكفاح says:
طيب انت حترجع تنام
يا فلسطين دعا هاتف إلى السلاح فحملنا المدفع ومضينا للكفاح says:
ولا تحب تخرج
أنا اتخنقت خلاص...وعايز أتفسح says:
انا كنت مسافر امبارح عايز انام
يا فلسطين دعا هاتف إلى السلاح فحملنا المدفع ومضينا للكفاح says:
مقلتليش بحسدك على ايه
أنا اتخنقت خلاص...وعايز أتفسح says:
بتغبطني علي ايه.؟؟
يا فلسطين دعا هاتف إلى السلاح فحملنا المدفع ومضينا للكفاح says:
مش حقلك دلوقتى بعدين
أنا اتخنقت خلاص...وعايز أتفسح says:
قول يا له
أنا اتخنقت خلاص...وعايز أتفسح says:
بطل غلاسة
يا فلسطين دعا هاتف إلى السلاح فحملنا المدفع ومضينا للكفاح says:
انت حبك حتى لو قدر الله وانتها اللى انت بتحبه لسه جنبك
يا فلسطين دعا هاتف إلى السلاح فحملنا المدفع ومضينا للكفاح says:
بشكل او باخر
يا فلسطين دعا هاتف إلى السلاح فحملنا المدفع ومضينا للكفاح says:
بتعرف اخباره
يا فلسطين دعا هاتف إلى السلاح فحملنا المدفع ومضينا للكفاح says:
ممكن تشوفه
أنا اتخنقت خلاص...وعايز أتفسح says:
اه
يا فلسطين دعا هاتف إلى السلاح فحملنا المدفع ومضينا للكفاح says
ممكن شكل حبك يتغير بس قلى انت بتحبه لسه موجود
يا فلسطين دعا هاتف إلى السلاح فحملنا المدفع ومضينا للكفاح says

صح
أنا اتخنقت خلاص...وعايز أتفسح says:
اه
يا فلسطين دعا هاتف إلى السلاح فحملنا المدفع ومضينا للكفاح says
حتى الذكرى كمان 20 سنه
يا فلسطين دعا هاتف إلى السلاح فحملنا المدفع ومضينا للكفاح says
تبقا موجوده
يا فلسطين دعا هاتف إلى السلاح فحملنا المدفع ومضينا للكفاح says
لكن انا
يا فلسطين دعا هاتف إلى السلاح فحملنا المدفع ومضينا للكفاح says
كمان خمس سنين
يا فلسطين دعا هاتف إلى السلاح فحملنا المدفع ومضينا للكفاح says
صعب حتى افتكرحبى القديم
ممكن شكل حبك يتغير بس قلى انت بتحبه لسه موجود says:
مشكلتنا ان الحب بيرسملنا بكره
ممكن شكل حبك يتغير بس قلى انت بتحبه لسه موجود says:
لما الحب يضيع ممكن نتخيل ان بكره ضاع
أنا اتخنقت خلاص...وعايز أتفسح says:
هممممم
يا فلسطين دعا هاتف إلى السلاح فحملنا المدفع ومضينا للكفاح says
وكمان انت متعرفش ايه عندها
يا فلسطين دعا هاتف إلى السلاح فحملنا المدفع ومضينا للكفاح says
يمكن بتحلم بيك بكره
ممكن شكل حبك يتغير بس قلى انت بتحبه لسه موجود says:
مش النهارده
أنا اتخنقت خلاص...وعايز أتفسح says:
هممممممم
ممكن شكل حبك يتغير بس قلى انت بتحبه لسه موجود says:
يمكن عيزاك تخبط على الباب يوم الجمعه مش الخميس
ممكن شكل حبك يتغير بس قلى انت بتحبه لسه موجود says:
متستعجلش
ممكن شكل حبك يتغير بس قلى انت بتحبه لسه موجود says:
خليك مكنها
ممكن شكل حبك يتغير بس قلى انت بتحبه لسه موجود says:
مع انى معرفش ايه حصل
ممكن شكل حبك يتغير بس قلى انت بتحبه لسه موجود says:
بس اكيد كان لازم يحصل
أنا اتخنقت خلاص...وعايز أتفسح says:
هممممم
ممكن شكل حبك يتغير بس قلى انت بتحبه لسه موجود says:
بمكن هى منتظره تعود
ممكن شكل حبك يتغير بس قلى انت بتحبه لسه موجود says:
بس بكره
أنا اتخنقت خلاص...وعايز أتفسح says:
ايه الشعر ده كله؟
ممكن شكل حبك يتغير بس قلى انت بتحبه لسه موجود says:
بكلمك بجد
ممكن شكل حبك يتغير بس قلى انت بتحبه لسه موجود says:
انت متعرفش ممكن تكون دمعها على مخدتها كل يوم
ممكن شكل حبك يتغير بس قلى انت بتحبه لسه موجود says:
بس خلاص
ممكن شكل حبك يتغير بس قلى انت بتحبه لسه موجود says:
نمت
ممكن شكل حبك يتغير بس قلى انت بتحبه لسه موجود says:
بتفكر ؟؟؟
أنا اتخنقت خلاص...وعايز أتفسح says:
لا
أنا اتخنقت خلاص...وعايز أتفسح says:
موجود
ممكن شكل حبك يتغير بس قلى انت بتحبه لسه موجود says:
انا عايز اشوفك
أنا اتخنقت خلاص...وعايز أتفسح says:
علي فكرة انا حاحفط كلامك ده عشان عايز اقراه تاني في وقت اكون فايق فيه
أنا اتخنقت خلاص...وعايز أتفسح says:
انا نازل اصلي دلوئتي سلام
ممكن شكل حبك يتغير بس قلى انت بتحبه لسه موجود says:
عدى عليا فى عباد الرحمن حتلاقينى مستنيك بعد الصلاه

الحوار دا كان من حوالى10 اشهر او اكتر والحمد لله الوضع اتغير دلوقتى وطبعا انا حذفت منه بعض الجمل من باب الرقابه على النفس ومنعا لنشر المصائب كلها دفعه واحده لكن للامانه لم اضف عليه اى شئ وربنا يسامحنى على اللى حعمله فى محمد كمان كام يوم

اثبت يا بطل يومك قرب

لا اكشف عن وجهى

يا سيدنا القادم من بعدى
أصفَفتَ لُتنزل فينا اجنادك
لا انى انزل وحدى
يا سيدنا القادم من بعدى
هل الجمتَ جوادك
لا مازال جوادى مُرخى بعد
يا سيدنا ها اشرعت حسامك
او احكمت لثامك
لا سيفلى لم يبرح جفن الغمد
وانا لا اكشف عن وجهى الا فى اوج المجد
او فى بطن اللحد
يا سيدنا هل اعددت خطابك او نمقتَ كلامَك
لا ... كلماتى لا تولد او تنفذ
يا سيدنا الصبر تبدد والليل تمدد
انا لا اهبط الا فى منتصف الليل
فى منتصف الوحِْشهْ
فى منتصف اليآس
فى منتصف الموت
يا سيدنا اما ان تدركنا قبل الرعب القادم
او لن تدركنا بعدْ

من مسرحيه ليلى والمجنون لصلاح عبد الصبور

2006-11-14

النهايه

لكل شى نهايه لكل شى

الخوف هذا الكائن الاسطورى الذى لا ندرى له سبب

خوف من الماضى ان ينكشف

خوف من اليوم ان يمر

خوف حتى من الغد الذى لم ياتى بعد

خوف على الذى معنا وخوف من الى م نحصل عليه

خوف من المعلوم وخوف اكبر من المجهول

فاحذر الف الف مره من الخوف

----- ------ ---- ---- ----

جملتى المفضله ستجدها تحت عنوان المدونه

كتمت الهوى بقلبى حتى اضر بى الكتم

ولامنى اقوام ولومهم ظلم

على فكره هى كه مش كامله ناقصه جمله

المفروض

كتمت الهوى بقلبى حتى اضر بى الكتم

فلما بحت بما فى صدى

لامنى اقوام ولومهم ظلم

انهى احلى ؟؟؟ تقدر تجاوب لو حبيت

---- ---- ---- ---- ---- ----

سوال بيلح عليا على طول

هى الحياه ابيض واسود ولا ممكن لون رمادى

بصراحه معرفش

سعات بحص انى لازم ابقا زى السيف حاد يمين او شمال مهاش حل تانى بس ارجع واقول مينفعش لازم يبقى فى حل وسط مينفعش اشوف حد واقول يا احبه يا اكرهه اكيد فى طريه ثالث

الصح والغلط سعات بيكون نسبى

صح ولا غلط

---- ----- --- ----- ---- ---- ---- ----- ---

جملتى المفضله حاليا

ضاقت فلما استحكمت حلقاتها فرجت وكنت اظنها لا تفرج

وباقى ثلاث مدونات ونقرا سوره العصر باذن الله

وسلام

2006-09-09

وحشتنى

لاول مره اصلى الجمعه من سنين ومشفكش

اتعودت اشوفك كل اسبوع مره واحده على الاقل

خلاص سافرت وبعدت

اقولك ايه

حتوحشنى

بجد