2007-01-31

حلم التمنى


تر رر ررن تــررر ن
سلام عليكم - مين معايا
وحشتينى
على طول كده - طيب رد السلام الاول
انا زعلان منك
ليه
امبارح اول مره انام ومحلمش بيكى
ياسلام - هو انت بتشفنى كل يوم فى الحلم
من قبل ما اعرفك وانا بحلم بيكى كل يوم
دا شعر بقا
محدش بيقول شعر فى ضياء الشمس ولا فى بهاء القمر انا بقول الحقيقه
وانا بقا الشمس والقمر
انتى ملاك - لااكتر ولا اقل
ممكن اقولك كلمه ومتعلقش
مقدرش اعلق على كلامك
انا بــحـبك

2007-01-24

اللهم ارزقنا

الاخلاص هو سر من اسرار الله قذفه فى قلب عبده المؤمن فلا ملك يطلع عليه فيكتبه ولا شيطان فيفسده

2007-01-23

التدوينه دى اهداء

التدوينه دى اهداء

كام واحد عايز مصر تبقى حلوه وزى القمر ؟ سؤال سخيف


الجمهور اللى معانا النهارده سواء كان جالس على يمين الكمبيوتر او على شماله او حتى كان جالس فى السنتر فالمشهد واحد وحتى الجمهور اللى جالس فى مدرجات الدرجه الرابعه – مفيش رابعه – حيشوف نفس المشهد لان الصوره ذات بعد واحد ونبدا المباراه .... اسف التعليق

فى اعلى الصوره من اليمين نجد شاب فى اواخر العشرينيات من العمر مصاب فى يده وجرحه نازف – كما مصر الان – الجرح رغم اتساعه لا يبدو عميقا اى يمكن التعافى منه – كما الجراح التى يتسبب بها الامن باعتقالاته المتكرره للاخوان - الجرح فى الذراع الايسر ويذكرك هذا بصوره الفارس الذى يرفح يده اليسرى ليحمى الرايه التى فى يده اليمنى ..... تصاب يده ولكن لا تصاب الرايه

تتكر نفس الاصابه فى اسفل الصوره ولكن فى مكان اخر وهو رقبه احد شباب الاخوان من جيل العشرينيات ويتبادر الى الذهن تلك الصيحه المدويه - الموت فى سبيل الله اسمى امانينا – اى الموت فى سبيل الحريه والعدل والحق التى ما جاء الاسلام الا بها .... اى الموت فى سبيل تحقيق تلك الاهداف والقيم ..... تحقيقها لينعم بها الناس كل الناس مسلمين او غير ذلك

بين المشهدين نجد جزء من صوره يمكن ان تكون قصه لوحدها

صوره المدرسه تدل على اهميه التربيه فى التغير واهميه اعداد النشئ الصغيراعداد جيد واهميه دور المؤسسات فى بناء المجتمع ككل
كلمه ياء بذلك التعمد فى ترتيب الالوان تذكرنا بمفهوم الدوله فى العلوم السياسيه

فاللون الاسود يدل على وجود سلطه تحكم بواسطه ادوات القهر التى يمنحها المجتمع لمن يرى انه يصلح للحكم

اللون الابيض هو الرضا الشعبى لمنح سلطات قهر لبعض الافراد فى سبيل المصلحه العامه فى تحقيق العداله والابيض هو الشعور بالامان الذى يريده المجتمع وحرف الاف اطول من حرف ياء لان الرضا الشعبى يجب ان يكون اكبر من سلطه الحكام لذا يقال عن الحكومات التى لا تتمتع بشعبه كافييه انها فاقده الشرعيه ( قرغيزيا – اكرانيا – لبنان ) وقــريـبـا مــصــر
و اللون الاحمر يدل على التضحيه الى يجب ان يقدمها المجتمع للحفاظ على انجازاته وطبعا التضحيه باللون الاحمر هى الذى يضمن استمرار الامن والعدل باللون الابيض

فكره الفناء الفارغ اظن انها ترمز الى عدم وجود لاعبين حقيقين فى المعترك السياسى اما لانهم كبروا دماغهم من الوطن والتعليم وقرروا التزويغ اما لان الناظر المستبد استطاع ان يحرمهم من حقهم فى الفسحه وحبسهم فى ظلمات الواجبات الفرعيه من اكل وشرب وانساهم حريتهم فى الانطلاق وطبعا المواطن الشاطر هو اللى يقدر ياخد حقه ويلعب ويتعلم من غير ما يكسر حاجه فى المدرسه

والرمز © هى اختصارللعلامه التجاريه كل الحقوق محفوظه وكتبت باللون الابيض لانه فى حاله السلام الاجتماعى فقط يمكن الحفاظ على المجتمع اما اذا افرطنا فى استخدام سلطات القهر فلن يكون مبررلدى كثر فى الحفاظ على الوطن وعليا وعلى اعدائى وياكش تخرب والمركب تغرق بعد ما تولع وايضا فى حاله التضحيه تفقد بعض ما تملك فى تحقيق غايه اسما واغلى كما يفعل الاخوان الذين يفقدون حريتهم واموالهم فى سبيل رفعه هذا الوطن

فى اعلى يسار الصوره سنجد مشهد يعبر عن معنى المواجهه والصمود ..... الاميره فى مواجهه عساكر السلطان ..... الجمال فى مواجهه القبح .... العقل امام انعدام الضمير ..... السلطه المستبده امام الاراده الشعبيه وكما فى الحكايات تفوذ الاميره بقلوب الناس وياخذ الله السلطان بظلمه للناس

نجد اسفل الصوره فى اليسار ايضا فكره الشرعيه متمثله فى الاشهار مادمت اعلنت عن اهدافى ومبادئى بصوره واضحه فقد اكتسبت شرعيه وجودى فلا يعقل ان ياتى احد ويقول لى ماذا تفعل او ماذا تريد فلا معنى للسؤال فى وجود الاجابه الامر الاخر هو انى مادمت اعرف انى على حق فلا اخاف من احد تخين كان او برده تخين كلب دوله كان او حتى كلب ساكن فى البيت الابيض انا مبخفش انا عايش فى النور واللى يقدر يكلمنى يتكلم مادام معى نور فيجب ان ارفعه ليشاهده الناس ليهتدو بنوره مادمت احمل خيرا فيجب ان اكافح ليصل الخير للناس فلا خير اذا منعت الخير عن الناس واحتبسته لنفسى - معا نحمل الخير لمصر – من مبادئ الاخوان المسلمين

مابين المشهدين وفى مقابل مشهد المدرسه نجد الطريق - صندوق الانتخابات الشفاف - كل هذا من اجل هذا – كل التجمهر - التجمهر ضد قانون الطوارئ – كل الاصابات وكل الشحططه دى فى الاقسام والمستشفيات من اجل الديمقراطيه الصريحه المتمثله فى صندوق زجاجى - طول عمرى بكسر الزجاج - بس ده عمرى ما اكسره واكسر بالقانون ايد اللى عايز يكسره - اى حد من حقه يستخدم الصندوق مادام واقف فى حوش المدرسه الوطنيه مادام يرتدى اليونيفورم المتمثل فى الوان كلمه ياء التى تمثل الوان علم مصر – مواطنه يعنى - ومش عيزين كلام كتير فى موضوع المواطنه دا لحد ما نحرر الوطن الاول


فى المنتصف نجد الابداع - - - اصلاح الدنيا بالدين - - - الصلاه والدعاء - - - اذا ضاقت عليك الارض فى السماء من يملك الارض - - - واظنه من العبث ان نجتهد ان ننظم الحياه بين البشر ولا نفكر فى خالق البشر- - - ان ننسق للحياه الدنيا ونفسد الحياه الاخره - - - ولا يمكن ان نتعبد الا بما فرضه علينا الله - - - الاسلام - - - وَمَن يَبْتَغِ غَيْرَ الإِسْلاَمِ دِينًا فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ- - - 85 سورة آل عمران



---------------------------------------------------------------
  • التدوينه دى اهداء الى منى سليم الصحفيه بموقع عشرينيات ومش عايز حد يقول اشمعنا
  • الصوره المنشوره مرشحه لجائزه الاوسكار لاحسن موسيقى تصويريه ومش عايز حد يقول ازاى

    2007-01-20

    فى ذكرى الهجره

    فى ذكرى الهجره اتذكر تاسيس الدوله

    فى مثل هذه الايام منذ حوالى 1428 هاجر رسول الله من مكه الى المدينه وفى الذكرى يتذكر الناس رحله الرسول من مكه الى المدينه ..... يتذكرون على كرم الله وجهه ونومه فى فراش الرسول .... يتذكرون حصار المشركين لبيت النبى يتحدثون كثيرا عن تضحيه ابو بكر وال بيته ...... يتذكرون خروج عمر بن الخطاب للهجره فى وسط النهار وندائه الشهير من اراد ان ترمل زوجته وييتم ولده فليتبعنى خلف هذا الجبل ..... يتذكرون حديث رسول الله لصهيب الرومى عندما ترك كل ماله لقريش ليدعوه يهاجر ربح البيع ابا يحيى ربح البيع ابا يحيى ..... يتذكرون قول الرسول لابى بكر فى الغار – لا تحزن ان الله معنا – يتذكرون ويجب عليه ان يتذكرون ويتعلمون

    فى ذكرى الهجره اعود للوراء لليوم الذى بايع فيه الرسول الانصار فى بيعه العقبه الثانيه وسؤال العباس رضى الله عنه للانصار عن كيفيه محاربتهم للعدو واجابنهم له يرمون النبال ثم يطعنون بالحراب ثم ..... يقاتلون بالسيف – ادرك الان كم احتاج الى هذا السيف سيف القوه –الذى منحنى اياه هذا الدين سيف يحمى الحق ويبطش بالباطل سيف يطمئن الصديق ويرهب العدو – ادرك الان ان الدوله ليست قطعه ارض احتمى بها او كتيبه فى الجيش اغزو بها بل هى عقيده وفكره يحملها البشر

    اتذكر ضمن ما اتذكر المثنى بن حارثه الذى قال للرسول انه يستطيع ان يبايع ان يقاتل العرب جميعا ويكفى الرسول قريش والعرب ولكنه لا يستطيع ان يواجه هو وقبيلته الفرس والروم فرفض الرسول ان يقبل منه البيعه وقبلها من الانصار – خطا استراتيجى واحد وسوء تقدير من رجل لم يكن يعلم مقدار الدين الذى جاء به الرسول - اسلم الرجل فى عهد ابى بكر واصبح قائدا لجيوش المسلمين التى انتصرت على كسرى وقيصر فى عهد عمر- خطا واحد جعله من التابعين ولم يرزقه فضل ان يكون من صحابه رسول الله وياله من فضل

    اتذكر تعطش الناس للعدل والرحمه المتمثله فى الاسلام وافكر ان الانصارعندما كانوا يستقبلون رسول الله كانوا يستقبلوم معه دين جديدا يحملهم من الظلام الى النور ومن الظلم الى الى العدل ومن ضيق الدنيا الى سعه الدنيا والاخره وافكر هل مازال للناس شوقا ان يستقبلوا هذا الدين من جديد – ارى الاجابه فى تلك العيون الباكيه والرافعه ايدى الضراعه لله عزوجل ان يعيد التمكين للاسلام والمسلمين

    اتذكر بكاء سراقه يوم ان اعطاه عمر بن الخطاب سوارى كسرى وفاء للعهد وتصديقا لوعد الرسول له يوم الهجره عندم قال له – يا سراقه كيف بك اذا لبست سوارى كسرى واتذكر وانا موقن بصدق وعد رسول الله للمسلمين بعوده الخلافه الراشده مره اخرى

    اتذكر كل هذا واكثر وانا ادعوا الله ان يغفر لى ما مضى ويرزقنى الاحسان فيما بقى

    2007-01-18

    حديث الروح للروح


    قبل اى شئ احب اعرفكم بنفسى انا محمد عبد الرحمن دكتور امراض نفسيه وعصبيه فى مستشفى حكومى ومدير منتجع صحى خاص ( مصحه علاج خاص ) من فتره قابلت مريض احترت فعلا فى تحديد حالته هو وكما يقول الفلاسفه يرقص باستمتاع على ذلك الخيط الرفيع بين العبقريه والجنون وان كان للجنون اقرب مريض ربما تكون نسبه ذكائه اعلى منى ومن اى شخص بين القراء - المهم من طرق العلاج الحديث ان نسجل ما يحدث فى غرفه المريض بالصوت ان كان يعانى من كوابيس ليليه او تهيئات تترائا له فى النهار – بالامس اتت لى الممرضه المسئوله عن الجناح الذى يقيم فيه هذا المريض بتسجيل لحوار دار لمده 3 ساعات متواصله الحوار كان عجيب جدا ولم استطع ان اكذب الممرضه لانى لو كذبتها فساكذب اذنى بعد ذلك ...... لا داعى للاطاله ساترككم مع تفريغ دقيق لهذا التسجيل لمريض يرقص دوما بنشوه غريبه على هذا الخط الرفيع بين العبقريه والجنون

    .............................................

    يحيى : وبعدين معاك انا مش قلت المدونه دى لازم تتقفل
    ياء : يعنى ايه تتقفل هو دكان بنبيع فيه جبنه عايزنا نجيب بابه
    يحيى : انا صاحب القرار هنا وكلمتى هى الاساس انا اللى بدئت التدوين وانا اللى ألفت حكايه ياء واظن ان من حقى انتهيها وقت ما احب
    ياء : تنسحب يعنى
    يحيى : مش بنسحب انا بعيد ترتيب اوراقى
    ياء : انت كل ما يحصلك حاجه تقعد تقول اعيد ترتيب اوراق وتمزيق اوراق وتبدا من الاول بالطريقه دى مش حتوصل لحاجه
    يحيى : ملكش دعوه انا حر فى قراراتى
    ياء : يعنى ايه حر حريتك دى ليها حدود انت مش عايش لوحدك
    يحيى : عايز ايه يعنى دلوقت
    ياء : اللى انت عايزه المفروض انا وانت واحد انا عقلك الباطن انا صوت ضميرك انا افكارك اللى بتكونها فى عقلك
    يحيى : ايوه دا مربط الفرس المفروض انى انا وانت واحد بس انا حاسس عكس كده
    ياء : ازاى يعنى مش فاهم
    يحيى : فى كتير من الوقت بحس انى اتنين واحد خارجى – يحيى – وواحد داخلى ياء – سعات بحس ان واحد مجنون جدا ومطرقع وواحد عاقل لدرجه الجمود واحد منظم وواحد فوضوى بحس ان فى اختلاف مش عارف استقر على شخصيه ولا على سلوك
    ياء : عندك ازدواجيه فى المعاير يعنى ولا انفصام فى الشخصيه
    يحيى : مش ازدواجيه بالمعنى المعروف بس احساس بالحيره بين متناقضات لدرجه انى سعات مبعرفش نفسى تخيل واحد مش عارف نفسه حيعرف السكه اللى ماشى فيها واللى الاحاجات اللى المفروض يختارها انا عايش فى حيره
    ياء : عادى كل الناس بتعدى عليها الفتره دى لا انت اول واحد ولا اخر واحد عاش فى حيره
    يحيى : انا غير كل الناس
    ياء : سوبر مان يعنى ... رجل خارق حضرتك
    يحيى : لا بس مبحبش اكون ذى الناس محبش افضل اتخبط فى الحياه بدون معنى بدون حلم يجبرنى انى اكافح عشان احوله حقيقه بدون
    ياء: ومين قال اتخبط حلمك واضح قدامك والطريق اهوه باين كما الشمس فى كبد النهار مش محتاج حد يدلك عليه اظن انه واضح لك .... ولا فى حاجه انا معرفهاش
    يحيى : عارف يا ياء سعات بحس ان مشكلتى مش فى الاعتقاد بل فى العمل مش فى الهدف لكن فى الطريق اليه
    ياء : مش فاهم
    يحيى : يعنى بص ..... اديك مثال للتوضيح – عرف حديث الرسول عليه الصلاه والسلام الذى يقول فيه الامان ما وقر فى القلب وصدقه العمل
    ياء : اه عارفه دا ورد فى
    يحيى : يا ابنى انا مبقلكش الحديث عشان تجبلى سنده والمتن بتاعه انا بقلهولك عشان تفهم ان فى ناس عندها مشكله فى الفعل يعنى افكرها سليمه لكن مشكلتها فى التطبيق والعمل يعنى ذى متقول كده بتقول شئ ومبتعملش اى شئ .. فهمت !! ولا لا
    ياء : لا مفهمتش كل اللى انا فهمه انك معندكش مشكله فى العمل انت بتتحرك وبتروح يمين وشمال وبتحاول تطبق اللى انت بتتعلمه بتنجع سعات وسعات بتتكركب على دماغك صح لكن فى النهايه انتـــ
    يحيى : ايوه هنا مربط الفرس المشكله انها مش بتتكركب سعات دى بايظه طول الخط مش عارف اوصل لحل
    ياء : حل ليه بالظبط ؟ ؟ انا مش فهمك خالص النهارده يا يحيى مالك يا حبيبى انت مريض شكلك مريض ... مريض مريض على حق يعنى تحب اجبلك الدكتور
    يحيى : لا هتلى كريم كرميل احسن ..... ياء بطل هزار انا بتكلم بجد انا بحاول ادورعلى حل للمشاكل اللى بقابلها فى حياتى كل شويه حل لمشكله كيف يجب على ان اعيش حياتى ؟ كيف افوز بالدنيا بدون ان اخسر الاخره ؟ كيف اعيش مع الناس دون ان اعتمد عليهم ؟ كيف اكون اجتماعيا دون ان افقد خصوصيتى ؟ كيف اتحدى العالم وانتصر دون ان افقد احد او افقد نفسى ؟ كيف لى ان اعثر على صفاء الحب دون عذابه ؟ كيف احب جميع الناس رغم انى اريد ان اغير كل الناس ؟ كيف ولماذا واين ومتى ولما ؟ اسئله كثيره عن الحياه ابحث لها عن اجابه فلا اجد واجد نفسى قد تعبت من البحث
    ياء : بس بس بس لتجن اكتر منتا مجنون دا لو حد سمعك حيقولوا مجنون مجنون فى ايه يا يحيى مالك مكلكعها ليه كده ومحسسنى انك بتحضر دكتوراه فى الاعتقاد التركيبى للانسان العاطفى المشكل للمحور الاعلى للسلوك الانسانى المتحضر فى مرحله ما قبل عصر النهضه وعصر اللمون
    يحيى : نعم
    ياء : قصدى ايه الاسئله دى كلها الحياه ابسط من كده الحياه ببساطه فى ثلاث كلمات ( ميلاد – عمل – موت) لا اكتر ولا اقل وهى كدا يوم حلو ويوم مر يوم فوق وايام تحت كل واحد ونصيبه
    يحيى : طيب ليه الدنيا بتعمل معايا كده
    ياء : بتعمل معاك ايه يا ابنى سبحان الله ..... انت تريد وانا اريد والله يفعل ما يريد هى الدنيا كده وكمان انت نسيت اللى انت اتعلمته من المهندس عمر
    يحيى : فكرتنى انا عندى معاد النهارده معاه- تخيل بقالى مده مقعدتش معاه
    ياء : فاكر لما قلك قضاء الله كله خير – نسيت الى اتعلمته
    يحيى : لا منسيتش بس
    ياء : مفيش بس دى مش اول مره تعدى علينا مشكله ومش حتكون اخر مره مفيش قدمنا غير ان احنا نقول قدر الله وما شاء فعل ونبدا من جديد من الصفر
    يحيى : من تحت الصفر لو سمحت اللى حصل دا حيخلينا نبدا من تحت الصفر بمراحل عيد ميلادى فاضل عليه كام يوم وانا حبتدى حياتى من اول وجديد شفت الزمن
    ياء : مش من اول وجديد واللى فات من حياتك ده راح فين
    يحيى : كله ضاع كله اتكسر كله
    ياء : مفيش حاجه من الحياه بتضيع كل يوم فى العمر بيعدى بنكتسب فيه حاجه جديده بنتعلم شئ جديد بنعرف بشر انت مثلا شوف من اربع سنين كنت فين ودلوقت فين وبص على الفرق
    يحيى : كنت نايم
    ياء : نعم
    يحيى : كنت نايم مش انت بتسال كنت فين من 4 سنين كنت نايم
    ياء : والله عظيم انت مجنون سعات بتكون فايق والغزاله رايقه وسعات كآبه الدنيا بتنزل عليك
    يحيى : خير خير خير كله خير
    ياء : يعنى خلاص اقتنعت بكلامى
    يحيى : اقتنعت
    ياء : ليا عند حضرتك طلب يا فندم
    يحيى : قول يا حبيبى طلباتك اوامر
    ياء : بلاش كل ما يحصلك حاجه تقعد تقول حقفل المدونه دى اخر تدوينه وفاضل مره ونختم ونقرا صوره العصر والحاجات دى يعنى
    يحيى : بس بجد انا المره دى كنت حبطل تدوين بجد انا قلت كده كده انا احتمال اسافر كمان كام شهر وحاسس انى مش حعرف ادون واكتب فى المكان اللى انا رايحه فقلت بالمره اقفلها وكمان بصراحه المشكله اللى فاتت فعلا اثرت عليا جدا وانت عارف التفاصيل مش لازم اقول يعنى
    ياء : كل دى لسه احتمالات ممكن تسافر وممكن لا لسه متعرفش وكمان انت لما تسافر مش حتنزل اجازات ابقا دون فيها يا سيدى
    يحيى : يا مسهل يا ياء الله اعلم بكره فى ايه المهم عايز حاجه منى قبل ما امشى
    ياء : تمشى تروح فين خليك قاعد ندردش مع بعض شويه
    يحيى : مفيش مشاكل بس انا عشطان قوى هاتلى حاجه اشربها
    ياء : عشطان – اسمها عطشان على فكره انت اسلوبك عايز يتغير شويه سعات بحس انك مبتذل فى الكلام
    يحيى : حسبك لا اسمح لك ان تقول هذا الكلام فى حقى انا متحدث لبق واستطيع ان انظم الشعر لو احببت وبامكانى ان اكون خطيبا مفوها لو اردت ولكن تآبى عليا دماغى انها تظبت هذا الموضوع
    ياء : المهم تحب تشرب ايه
    يحيى : انت تشرب ايه
    ياء : انت حتشرب ايه
    يحيى : قول انت حتشرب ايه
    ياء : حشرب اللى انت حتشربه
    يحيى : لا كل واحد يشرب حاجه غير التانى
    ياء : ازاى يعنى ما انت وانت واحد والمفروض المشروب يبقا واحد
    يحيى : لا يا عم انت تشرب حاجه وانا حاجه
    ياء : مش انا وانت واحد مش انا صوت ضميرك وعقلك الناطق بصوت عالى المفروض مشروبنا يبقا واحد
    يحيى : هى خلاص افلت معايا ..... انت حتشرب ايه
    ياء : حشرب شوكولاته بالبن - كاكاو
    يحيى : وانا حشرب شوكولاته باللبن
    ياء : متخانيش اغلط فيك انت مش قلت كل واحد يشرب حاجه غير التانى
    يحيى : اصبر انت بتشرب الكاكاو سخن ولا بارد
    ياء : بارد زيك
    يحيى : وانا حشربه سخن – شفت ازاى مفيش مشاكل – اربع معالق سكر لو سمحت
    ياء : حاضر- التدوينه الجايه حتكون عن ايه يا يحيى
    يحيى : مش عارف – عايز اتكلم عن موضوعات جاده شويه واخفف الهزار بتاعك ده شويه دا المدونه قربت تبقا فكاهيه - انت ايه رايك
    ياء : متنشر التدوينه بتاعه كريم اللى عنوانها مصر مش شراب
    يحيى : هاهه ها ه ه ه ااا ها – لما دفنته وهو حى
    ياء : اه ه هاه ها ها ها اا هها ها ه
    يحيى : متفكرنيش عشان مضحكش – بقلك حاجه جاده مش عايز ضحك وتهيس
    ياء : طب بص مش انت مخنوق من محمد السيد
    يحيى : مخنوق بس دا انا حنسفه نسف دا انا لو شفنه حشنقه على اخر ابراج سور اسكندريه القديم دا انا حعمل فيه اللى متعملش بس يظهر
    ياء : خلاص انشر التدوينه بتاعته هو واليمن السعيد من ساعه ما تعملهم الفرح فى نادى المهندسين لحد ما تروح تطلع شهاده ميلاد ابنه ساجد من السجل المدنى
    يحيى : لا مش للدرجه دى انا مخنوق منه اه لكن كده تبقا فضايح علنى دا ممكن يموت فيها وانت عارف محمد قلبه رقيق مبيستحملش الهزار التقيل
    ياء : يعنى مش حتنشرها
    يحيى : طبعا حنشرها بس لازم هوا يشفها الاول ويوافق وكله الا اليمن السعيد
    ياء : بيحبها اوى كده
    يحيى : انت بتهزر دا بيحبها اكتر ما بيحب الحلاوه محمد السيد اللى بيفطر حلاوه ويتغدى حلاوه ويتعشا حلاوه بيحب اليمن اكتر ما بيحب الحلاوه
    ياء : للدرجه دى
    يحيى : واكتر- دا فى اخر الصيف اتصلت بيه عشان نروح مع بعض مشوار قلى انا كسلان وخليها تانى يوم اتصل بيه تانى يوم يقلى معلش عشان انا مسافر المنيا دلوقت ليه يا محمد قالى اصل اليمن السعيد ............ فطبعا لازم اروح معاهم - تخيل الصعيد دا انا لو مين قلى اروح الصعيد لازم افكر الف مره واخد فرصه واحتمال ارفض وتقلى بيحبها – يا عم خلينى ساكت بس لما اشوفه
    ياء : خلاص انشر تدوينه الجنس فى الاسلام
    يحيى : الجنس فى الاسلام مره واحده – خلى التدوينه دى بعدين لسه فاضل فيها جزء مكتملش
    ياء : خلاص انشر اى حاجه من اللى كنت كاتبهم قبل كده او اكتب حاجه جديده
    يحيى : بصراحه انا فى كام عنوان فى دماغى عايز اكتب فيهم بس بجد مفيش وقت وكمان عايز اللى يشجعنى
    ياء عناوين زى ايه
    يحيى : ان تكون من الاخوان المسلمين – ماذا خسر المجتمع بحصار الاخوان المسلمين – الاخوان المسلمين بين الحزب والجماعه فصل بين الدين والسياسه
    ياء : الناس كلها اتكلمت عن موضوع الحزب – بس انا ملقيتش جديد فى الموضوع – تصريح للمرشد للرد على مبارك – لا اكتر ولا اقل
    يحيى: عشان مبتفهمش فى السياسه
    ياء : طيب فهمنى انت
    يحيى : الناس كلها مش اخوان محدش اتكلم عن اثر الحزب على الاخوان كافراد واطرارهم فى الفصل بين العمل الدعوى والسياسى وتاثير ذلك على افراد اعتادوا التعامل فى الدين والسياسه محدش اتكلم مثلا عن تصوره للافراد المنضمين مستقبلا للاخوان هل سينضمون للحزب ام للجماعه ام سيحدث عمليه ترقيه واصتفاء للافراد من الحزب للجماعه كمان فى موضوع خطير جدا فى موضوع الحزب وهوا موضوع الحساب
    ياء : حساب ايه بالظبط
    يحيى : يعنى انا دلوقت ممكن اعك اى كلام فى اى موضوع ولما حد يجى يقول بص الاخوان بيقولوا ايه انكر واقول انا مش اخوان انا بس معتقد بفكره الاسلام هو الحل ومؤمن بفكره عوده الخلافه الراشده وموضوع استاذيه العالم بس انا مش فى التنظيم والجماعه ممكن بكل سهوله تقول الفرد دا مش فى التنظيم وحتى لو انا فى كادر منتظم فى الجماعه فيمكن محاسبتى على الاخطاء دون ان يعرف احد خارج الجماعه ( علانيه الحركه وسريه التنظيم ) اما فى الحزب فالموضوع عكس كده تماما اى حد معاه كرنيه يبقا محسوب على الحزب اى غلطه لمسؤل فى الحزب الحساب من الحزب حيكون علنى ومن حق المجتمع ساعتها انه يحاسب الحزب على غلطات اعضائه ( علانيه للحركه وعلانيه للتنظيم ) يعنى موضوع ذى موضوع طلبه الازهر لو كان معاهم كرنيهات للحزب انسى حتبقا كارثه
    الحياه الحزبيه رغم انها بتتعامل مع الجماهير الاانها بتلتزم بقواعد ثابته الى حد ما ولا تقترب من خطوط قد يفهم انها اختراق للدستور والقانون مما يعنى انه يجب اعداد كادر حزبى متميز جدا حتى يستطيع ان يتعامل مع واقع سياسى اظنه معقد بسبب تداخل الاوراق فى الحياه السياسيه عامه وعدم نضوج تجربه التعدد الحزبى فى مصر حتى الان خاصه مع عدم وجود احزاب قويه وعدم وضوح ادوار الاحزاب فى مصر بشكل عام
    مع البرنامج العام للحزب ووضوح التوجه الاسلامى للبرنامج الذى يتصور ان يقوم عليه المشروع النهضوى للمجتمع المصري ككل – لا تنسى ان للجماعه هدف خارجى وهو الخلاقه الراشده التى تضم كل الدول الاسلاميه وطبعا لا يتصور اختلاف اهداف الحزب عن اهداف الجماعه المنيثق منها – مع وضوح الصبغه الاسلاميه لبرنامج الحزب يجب ان لا ننسى وجود مرحله هذا البرنامج فمثلا مع توضيح جانب الاصلاح الاقتصادى للحزب من السابق لاوانه مثلا التحدث عن موقف الجماعه النهائى من البنوك فى ظل الدوله الاسلاميه لانه قبل قيام الدوله اى كانت الدوله التى يريد الاخوان قيامها ( دوله الاخوان مدنيه بمرجعيه اسلاميه ) توجد خطوات عده وطويله للاصلاح يكفى ان يوضح البرنامج اول تلك الخطوات ولكن الاهم توضيح كيفيه حدوث الاصلاح من تدرج فى الاجراءات وان الى اجرا سيكون اختيارى بين عده طرق ولن يتم فرض قرار او راى على حساب اخر دون ديمقراطيه وحدوث اغلبيه لهذا القرار ام ثانى مهم وهو عدم فرض تسلوب من مبدا هذا ما انزل الله وما سوى ذلك باطل وان هذا هو حكم السماء ولا بحق لمن تحت السماء ان يعترضوا وهذا التوضيح مهم جدا فى مجتمع يظن افراد كثيرين ممن يطلق عليه مثقفين ان الاخوان سيفرضون ارائهم مستغلين قوه الدين فى فرض احكامه بين الحلال والحرام و يعلق فى ذهن كثير فى الشارع وبين الجماهير صوره رجل الدين التقليدى وانه اى فرد يتحدث فى الدين فهو عالم ويجب الموافقه على كلامه والا اعتبر هذا كفرا بالله ويجب ان يوضح الواضع لبرنامج الحزب الفرق بين الاسلام كدين نزل به الوحى الامين على سيدنا محمد متضمنا احكاما و اوامر لا جدال فيها وبين المشروع النهضوى الذى يقوم على ايدولوجيه اسلاميه اى توضيح ما هو اصل وما هو اجتهاد وما هو ثابت فى الاسلام وما نستنتجه نحن من النصوص وما تفرضع علينا النصوص لكى لا يقع الحزب والجماهير فى فكره الدوله الدينيه التى تحكم بسلطه مباشره من الله عن طريق الرئيس او او الفقيه كما فى التجربه الايرانيه
    ياء : بس خلاص انا كده فهمت
    يحيى : فهمت ايه هو انا لسه خلصت الحاجات المهمه
    ياء : هو لسه فى تانى
    يحيى : فى القضايا التى لا يمكن اصدار اراء واضحه فيها اما لانها غير واضحه فى الظرف الراهن وعدم وضوح كيفيه التعامل مع الحزب مستقبلا او لان الخوض فيها سيخسرك دون ان تكسب شيئا مثل موضوع السياحه حاليا من المنظور الاخلاقى للاسلام لا يمكن ان يتناسى واضع البرنامج هذه النقطه وايضا لا يمكن ان يقول فيها قول الفصل
    ياء : حيعمل فيها ايه يا عبقرى
    يحيى : يرمى الكره فى الملعب لانه لو خلاها معاه حتتحسب عليه فاول
    ياء : يعمل ايه يعنى
    يحيى : يقول بمنتهى البساطه ان الموضوع ده بيحدده التشريع وان الشعب هو مصدر التشريع ومصدر السلطات فلوا الشعب ممثلا فى مجلس الشعب وافق على من تقديم الخمور مثلا فى الفنادق المملوكه للدوله يبقا القانون يطبق الشعب رفض خلاص
    ياء : افرض الشعب رفض وطلب الخمور تباع فى الشوارع علنا الحزب يعمل ايه
    يحيى : هنا بقا دور الجماعه تعمل حمله لتوعيه الناس ياضرار الخمر وباهميه هذا القانون وكده يعنى والعمليه تمشى وبكره تروق وتحلى
    ياء : هو لسه فى بكره
    يحيى : يا حبيبى السياسه دى فن التعايش مع امبارح والنهارده وبكره وبعد بكره – والكلام اللى انا قلته دا كلام ينفع بعد بعد بكره لسه شويه عليه
    ياء : الموضوع كبير على كدا
    يحيى : انت بتنشا حزب يعنى خطوه مهمه جدا فى فكره الحكومه الاسلاميه التى تحدث عنها الامام البنا فى رساله الى الشباب وهى ايضا خطوه على طريق الخلافه الراشده
    ياء : خطوه على طريق الخلافه دا الموضوع كبر اوى كده – خلافه مره واحده
    يحيى : طبعا يا ابنى هى دى عالميه الدعوه انت بتتكلم عن جماعه موجوده فى معظم دول العالم وليها تنظيم عالمى ودا يثير تسائل مهم جدا ممكن نتكلم فيه بعدين
    ياء : ايه هوا التسائل
    يحيى : اجندتك الخارجيه – هل تمثل حزب ام جماعه
    ياء : مش فاهم
    يحيى : انت من امتى بتفهم
    ياء : متغلطش عشان مغلطش فيك
    يحيى : متقدرش تعمل حاجه
    ياء : متخلنيش اضربك
    يحيى : روح بس بعيد عشان محدش يعورك
    ياء : محدش يقدر
    يحيى : ماشى يا عم الجامد
    ياء : انجز عشان انا صدعت ودانى وجعتنى
    يحيى : انجز هو احنا بنلعب طاوله عشان تقلى انجز احنا بنتكلم فى مستقبل بلد – استغفر الله العظيم يا رب نستنى كنت بقول ايه
    ياء : كنت بتتكلم عن الاجنده الخارجيه للحزب والجماعه
    يحيى : اه دلوقتى ايه موقف الحزب من دول الجوار فلسطين مثلا الحكومه بتدعم الاجنده الامريكيه فى المنطقه وبتمارس ضغوط على حكومه حماي الحزب هنا موقفه ايه - الجماعه طبعا بتدعم حكومه حماس لكن الحزب هل يقف موقف الحياد ام يلعب دور الوسيط ام يكتفى بدور الجماعه الجماهيريه الليبيه مثلا الجماهيريه الليبيه قامت بخطوات ممتازه نحو العماله المصريه على اراضيها وقدمت لهم تسهيلات لكن فى نفس الوقت اصدرت احكام باعدام افراد من جماعه الاخوان المسلمين فى ليبيا ما موقف الحزب سواء كان خارج المؤسسه الحاكمه او كان يحكم فى تلك الفتره – قول انشاء الله
    ياء : ان شاء االله لبيا تعدم الاخوان
    يحيى : لا يا غبى ان شاء الله الاخوان يحكموا – وبعدين عندك الغرب معظم مراكز الابحاث والدراسات الاستراتيجيه فى الغرب كانت تصنف الاخوان على اساس انهم جماعه برجماتيه قد تتنازل عن بعض مبادئها مقابل تحصيل مكاسب معينه وقد يزيد هذا الاعتقاد لان قبول اى جماع بقواعد سياسيه معينه وقبولها العمل وفق هذه القواعد والشروط ينطوى على قدر كبير من البرجماتيه – بعكس التيار الاسلامى الظاهرى المعروف خطا بالسلفى لان الاخوان فى الاصل سلفيين – فستجد تلك المراكز نفسها امام تجربتين اسلاميتين احدهما انخرطت فى اللعبه وهم الاخوان المسلمين واخرين رفضوا المشاركه وهم التيار الظاهرى فلن تجد مفر ان تطلق على احدهم برجماتى والاخر راديكالى وقد تحسبه على جناح المتشددين اما الحكومات الغربيه فقد استطاعت الانظمه العربيه ان تقنعها ان التجربه الاسلاميه كلها صوره واحده وان نموذج طالبان وتنظيم القاعده هو ما تريد التجربه الاسلاميه فرضه على العالم مشكله تانيه هى مشكله استغلال النفوذ الاسلامى فى الغرب
    ياء : نفوذ الاخوان
    يحيى : لا نفوذ الحركات الاسلاميه الموجوده فى تلك الدول الغربيه يعنى تخيل لو الاخوان لها نفوذ وتواجد داخل المنظمات الاسلاميه المتواجده فى فرنسا مثلا وحاليا توجد فى فرنسا استعدادات للانتخابات فطبعا كل من الرشحين سيحاول ان يجذب القوه التصويتيه المتمثله فى مثلمين فرنسا فى هذه الحاله من الممكن ان تختار المنظمات الاسلاميه المرشح الذى تعتقد ان برنامجه سيساعد برنامج الاخوان فى الداخل
    ياء : مش فاهم
    يحيى : مش قلتلك انك ما بتفهمش
    ياء : لخص انا عايز افهم النقطه دى بجد
    يحيى : يعنى فى مرشح فى فرنسا شايف انه المفروض فرنسا تضغط على مصر من اجل تعزيز الديمقراطيه ومساهمه المجتمع المدنى فى الحياه السياسيه ويرى انه يهدد بقطع العلاقات مع مصر اذا ام توقف التجاوزات فى مجال حقوق الانسان ومرشح اخر يرى ان اهتمامه بالشرق الاوسط قائم على مجال الطاقه فقط ولا يريد ان يلعب دور محورى فى الاصلاحات فى الدول الاخرى هنا من الممكن ان تطلب الجماعه من الجماعات الاسلاميه فى فرنسا ان تصوت للمرشح الاول على حساب الثانى وطبعا هناك حسابات معقده لمثل هذه الاجرائات مثل صوره الجماعه فى الداخل وفكره الاستعانه بدول اخرى لدفع عمليه الاصلاح وهكذا عمليه معقده فى كمان عمليه المعاهدات الموقعه من قبل انا دورت على مرجعيه للاخوان فى هذا الموضوع بالذات فوجدت ان الامام البنا يقول فى رساله المؤتمر السادس المنعقد فى يناير 1941 ان مصر ستفى من جانبها بالتزاماتها التى سجلتها عليها المعاهده لانها لا تملك الا هذا ولا........... مالك
    ياء : انا تعبت بجد انت ايه يا يحيى بقالنا حوالى 3 ساعات بنتكلم انا خلاص فصلت
    يحيى : طيب انا لسه عندى كلام عايز اقوله
    ياء : شفلك حد تانى يسمعك انا كده خلاص
    يحيى : ماشى انا حوريك
    ياء : متقدرش تعمل حاجه
    يحيى : اما قفلتلك المدونه دى
    -----------------------------------------
    عثرت على هذا الكلام مدون على ورقه مقطعه بجوار جثه الدكتور محمد عبد الرحمن بعد ان قام بشنق نفسه بسبب مريض كان لديه فى المستشفى



    2007-01-15

    لازم تموت

    لما اقول تموت يبقا تموت انا صاحب القرار هنا
    يحيى

    2007-01-14

    اعتذار واعلان

    تعتذر مدونه ياء عن هذا الخبر الغير صحيح وتعلن ان ياء لم يتوفى
    ياء

    2007-01-10

    اعتذاروعزاء

    تعتذر مدونه ياء عن عدم القدره على الاستمرارلوفاه صاحبها ياء
    يحيى

    2007-01-09

    انا استحقها

    تدرك الان كم كانت حياتك حزينه – بائسه يائسه
    الان وبعد مرور كل تلك السنين ادركت انك قد كنت وحيدا
    الم يمزق صدرك ولكنك لا تستطيع ان تبوح به
    وحتى لو اعلنت ما بك فمن ذا يسمعك ويهب لنجدتك
    واى كلمات تستطيع ان تحمل مراره سنين من العذاب
    تدرك الان ان الحياه كما قال احدهم مسرح كبير
    وانه رغم انك لعبت فى حياه بعضهم دور البطوله
    لكن بطولتك كانت تعيسه لم تجلب لك الا الاحزان
    وانك صرت ملك الاحزان بلا منازع
    وان قلاعك بنيت بالشوق على ارض الانين والاشواك
    ورغم هذا احتفظت بها بجيوش من يقين
    قاتلت حتى النهايه حتى جفت من عروقك الدماء
    قاتلت حتى لم يعد لديك مكان لمزيد من الجروح
    قاتلت حتى ادركت ان قلعتك الاخيره هى قبرك
    وبكرمهم بنوا لك بانفسهم قبرك فلا تغضبهم
    واغمد سيفك ولوح لهم برايتك وقبلها وسلمها لهم
    وادخل قبرك وارقد ايها الغاضب المغضوب عليه
    ارقد فلا حاجه لسلام مادام هناك استسلام
    واغمض عيناك واطمئن فلن تفتحها بعد الان ابدا ابدا
    لن ياتى فارس من بعدك فلقد كنت انت اخر الفرسان
    ولن ياتى ربيع فلقد كان مولدك اخر ميلاد للربيع
    ولن تشرق الشمس ابدا
    فلقد كانت نهايتك نهايه اخر شمس فى هذه الاكوان
    هى النهايه
    صادقه مثل صدقك
    حزينه لكنها قدرك
    حزينه لكنك تستحقها


    ابو ذر - قال عنه رسول اله ذات يوم فى مكه مااقلت الغبراء ولا اظلت الخضراء اصدق لهجه من ابى ذر

    سئاله رسول الله ذات يوما سؤالا عجيبا فقال له
    ماذا تفعل يا ابا ذر لو رايت امراء من بعدى يستائثرون بالفىء والعطايا
    فاجابه : فالذى بعثك بالحق للناس لاضربن بسيفى
    فقال له رسول الله افلا ادلك على خير من ذلك .... اصبر حتى تلقانى
    ويقول ذات يوم لسيدنا عثمان عندما عرض عليه الاماره لا حاجه لى بدنياكم وتعرض عليه مره اخرى فيقول لا لن تميلوا على بدنياكم ابدا
    وقال عنه امير المؤمنين على بن ابى طالب لم يبق اليوم احد لايبالى فى اله لومه لائم غير ابو ذر

    قال عنه رسول الله صلى الله عليه وسلم
    رحم الله ابو ذر
    يمشى وحده
    ويموت وحده
    ويبعث يوم القيامه وحده



    فمن يستطيع ان يكون مثله ............ ليتنى استطيع ليتنى استطيع

    2007-01-07

    يوحنا المعمدان ورقصه سالومى

    نحن الان على ضفاف نهر الاردن .... وهذا الرجل المتبتل الاشعث الاغبر الذى يرتدى ثوبا من الشعر ويعيش على عسل النحل وعلى الجراد الجاف ..... هو يوحنا او يحيى بن زكريا عليه السلام
    انه عابد اواب ليس معه من الدنيا شى ..... انه ليدعوا الناس لى التوبه ويعمدهم فى نهر الاردن لكى يساعدهم على تطهير قلوبهم ..... وانه ايضا ليندد فى عنف شديد بالنفاق وبالكهنه الذين يغسلون ايديهم وقلوبهم ملانه بالشره وبالحقد وبالانانيه

    هو شديد الخوف من الله ومن عقابه افيسكت عما يرى من جرائم وسيئات ام يصدع بما فى نفسه من حديث نافع مضئ

    لم يطل تفكير يوحنا المعمدان ..... فاختار طريقه وواجهه مسئوليته ووسط حشد من الناس وقف يذيع اولى كلماته

    توبوا لانه قد اقترب ملكوت السموات
    وطار بين البلاد نبأه وكثر سعى الوافدين اليه
    وذات يوم والمسيح عاكف على شبابه الطاهر التقى بقافله من قريته اصحابها عائدون من شاطى الاردن ويقترب منهم فى شوق ويسالهم
    هل رايتموه
    نعم
    ماذا كان يقول للناس
    سمعناه يقول : من له ثوبان فليعط من ليس له ... ومن له طعام فليفعل هكذا
    وتتفتح روح المسيح ويتهلل وجهه ويحس كانها كلماته كانها مبادئه او كانه اولى الناس بتقبلها وحمايتها وتحويلها الى سلوك ونهج
    وعاد يسئلهم : وكيف يستقبل الناس
    ويجيبونه : انه يفتح قلبه لهم جميعا حتى المخطئين لا يردهم بل يعمدهم ويعظهم وحتى الجنود لقد شالوه عما يصنعوا ليرضوا الرب فاجابهم

    لا تظلموا احد - لا تظلموا احد
    ومع اول قافله شد الرحال ووقف يستمع للنبى يحيى بن زكريا

    كان يوحنا يقول

    انا صوت صارخ فى البريه
    قوموا لطريق الرب

    وشق السكون سؤال وجه اليه
    هل انت المسيح الذى بشر بمجيئه
    ويجلجل صوته باجابه سريعه حاسمه
    لست انا المسيح
    انا اعمدكم بماء ولكن ياتى من هو اقوى منى من لست اهلا لان احل سيور حذائه

    ثم يفتح عينه جيدا على الوجوه الباسره وعلى اللحى الطويله المتامره فى اصداغ الكهنه الذين جاءوا لينتقموا منه واذا يبصر فوقها تحركات احقاد تتحفز وسخافات تتنادى يبددها بصيحه زاخره

    يا اولاد الافاعى

    وينبهر المسيح بهذه القوه المتحديه

    وفجاه ياتى جنود هيرودس فى خوزاتهم المستكبره وفى بطونهم المنتفخه بالحرام يدهمون المكان الامن الوديع ويعتقلون يوحنا ثم يذهبون به ليقدموه على طبق من فضه مهرا لامراه بغى من بنى اسرائيل تدعى سالومى لترقص على رأسه الطاهر رقصتها الاخيره

    يحيى بن زكريا يقتل من اجل زانيه من بنى اسرائيل

    يوحنا المعمدان الذى خرج رسول الله يوما على اصحابه فوجدهم يذكرون الانباء ويقولون موسى كليم الله وابراهيم خليل الله وعيسى روح الله فقال لهم واين الشهيد ابن الشهيد اين يحيى بن زكريا ياكل الشجر ويلبس الوبر مخافه الذنب

    عن ابن عباس أن رسول الله صلى الله عليه وسلم قال ما من أحد من ولد آدم إلا وقد أخطأ أو هم بخطيئة ليس يحيى بن زكريا وما ينبغي لأحد أن يقول أنا خير من يونس بن متى – حديث ضعيف

    يحيى بن زكريا الذى قابله عيسى ذات يوم فقال له
    استغفر لى يا يحيى انت خير منى
    بل استغفر لى انت يا عيسى انت خير منى
    بل انت خير منى يا يحيى سلمت علىٍ نفسى @ وسلم الله عليك


    الان وبعد ان قتل نبى الله يحيى وخلت الساحه من بطلها الملتحقم فهل سيطول بها العهد حتى توحش الارض

    كلا لقد قال يوحنا قبل ان يمضى : يجى من هو اقوى منى
    فمن كان يجد فى نفسه اليقين فليتقدم

    وكان هو المسيح بن مريم

    وفوق مكان عالى فى بيت لحم وقف يبلغ الحافين حوله اولى كلمات الحق

    قد كمل الزمان .... واقتربت ملكوت الله فتوبوا.... وآمنوا بالبشرى


    وَسَلامٌ عَلَيْهِ يَوْمَ وُلِدَ وَيَوْمَ يَمُوتُ وَيَوْمَ يُبْعَثُ حَيًّا (15) سورة مريم
    وَالسّلامُ عَلَيَّ يَوْمَ وُلِدتُّ وَيَوْمَ أَمُوتُ وَيَوْمَ أُبْعَثُ حَيًّا (33) سورة مريم



    نقل بتصرف من
    انبياء الله - احمد بهجت
    معا على الطريق - خالد محمد خالد
    البدايه والنهايه - ابن كثير


    2007-01-05

    يحيا يحيى


    ذكرى استشهادى يحيى عياش
    الا يحيا الرجال بكل ارض ويحيى الفذ البطل المناضل

    2007-01-04

    picture messages

    fe masr --

    مش عارف اعرف ايه اللى فى الصوره ممكن كره من الخيوط ممكن سلاح للنينجا ممكن كرموسومات خليه ميته من سنين او ممكن كائن فضائى ممكن لعبه يويو جديده ممكن حجات كتير بس مش واضح حاجه معينه
    دى ببساطه مصر فى العام الماضى
    ------------------------
    ---------------
    --------
    ---
    -
    fe kalbe lake

    الصوره دى مش ليا ولا ليكم دى ليهم همه الاثنين الملك سليمان اللى قال انه مش حيسكت وبلقيس ملكه اليمن السعيد - وملكه قلبه – وسليمان من الناس الكتومين جدا جدا نادر لما يتكلم على مشاعره الخاصه ووتحتاج انك تعمله جلسه اعتراف عشان تاخد منه معلومه والموضوع دا انه عرفته بالصدفه لما طلب منى بخبرتى الطويله انى انزل معاه عشان عايز يشترى هديه المهم سليمان فى قلبه ايه لليمن اكيد اكيد مشاعر رقيقه معرفش هو قالها ولا لسه ساكت
    ادعولهم ربنا يرزقهم ببعض
    --------------------------
    ---------------
    ----
    -
    الصوره دى عجبت سليمان جدا جدا
    وطلب منى انى اقول ان القصه ما زالت مستمره فى انتظار النهايه السعيده
    متخفش يا استاذ وانا فى المركب ورايح قلعه صلاح الدين
    كتب مدونه مخصوص عن
    سليمان واليمن السعيد
    على فكره سليمان بيحب اليمن
    بجنون
    ----------
    ----
    -
    3layk ---

    دى دعوه لاى حد بيتسلق جبال الحياه الشاهقه وقرب يوصل للقمه –ربنا يسهله ويسهلنا – متنساش لما توصل تحمد ربنا وتثبت فى مكانك واياك تسقط لان السقوط ممكن يخليك تفقد حياتك واياك اياك تنسى الناس اللى شجعتك والناس اللى على السفح منتظره انك تشجعها وتساعدها
    الحركات والاحزاب الااسلاميه الان ممكن نقول انها على وشك الوصول الى القمه او وصلت بالفعل فى تركيا وفلسطين والمطلوب منها الثبات على المنهج والعقيده وكل المبادئ التى كانت تنادى بها والتى استمدتها من فهمها للدين الاسلامى
    وقالوا عليها جماعه محظوره رد الشعب وقال منصوره
    ---------------------------------
    -------------------
    -----
    --
    fsad --

    ذات يوم سئالت استاذى هل معقول ان شخص واحد يستطيع ان يحكم مصر ويتحكم فى كل الناس قالى مصر يحكمها شبكه مصالح فاسده كل شخص يتستر على شخص ليتستر هو عليه - شخصان يسرقان سويا لكى لا يحاسب احدهما الاخر بعد ذلك شبكه مصالح تحاول ان تجذب اليها المزيد كل يوم لكنى اتوقع ان يحدث قريبا تضارب وتشابك مصالح بين الفاسدين انفسهم وبين اصحاب الحق المنهوب
    يومها ستظهر الحقيقه ويبدا الحساب
    -----------------------------
    ---------------
    -------
    --

    artbat --

    رنتين وبعدين رنه على موبايل اخويا الكبير وبعدين الجمله التقليديه انا حيجيلى تلفون دلوقتى محدش يرد ووطى صوت الكبيوتر - حاضر-
    رنتين وبعدين رنتين وبعدين رنه من موبايل اخويا الكبير بعدين الحركه التقليديه ياخد التلفون ويطلب رقم ويتكلم بالساعات - وانا بعمل نفسى مش موجود
    نصيحه ليك يا اخويا يا حبيبى
    للارتباط قيود قد تسجنك ومميزات اكيد اكيد حتسعدك
    -------------------------
    --------------
    -----
    --
    7elm --

    فى حياه اى انسان حلم لم ولن يكتم
    توجد احلام رغم انها لم تكتمل الا انها تحيا طول العمر اسؤ حلم هوالذى يموت دون ان يتحقق لو ضاع منك حلم فمن الممكن ان تبحث عنه اما اذا انتها ومات فلا سبيل الى تحقيقه حتى لو عثرت عليه بعد ذلك لانه يكون قد مات
    الخلاصه
    تسنيم حلم يحيى لم يكتم لكنه يحيا طول العمر
    ---------------------------
    ------------------
    ---------
    ---
    la ahtam -

    السكندر دوماس صاحب روايه ذا كونت اوف مونت كريستو له روايه لا تقل شهره بعنوان الفرسان الثلاثه المهم البطوله الرئيسيه فى الروايه مش للفرسان الثلاثه بل لرجل قدم من الريف واصبح فى النهايه فارسا بعد ان خاض معهم عده مغامرات – هم الثلاثه كانوا فرسان قبل ان ياتى البطل وانتهت القصه وقد تحقق لكل واحد فيهم ما اراد من الحياه – لم تتغير حياتهم الا كيفما ارادوا لذا استحقوا ان يكونا عنوانا للقصه
    ببساطه كانوا فرسان من البدايه للنهايه
    الاخوان المسلمين يشبهون الى حد كبير الفرسان الثلاثه فهم فرسان قبل الاعتقالات وبعد الاعتقالات بل واثناء الاعتقالات بل منذ ان ظهروا فى بدايه القرن الماضى لم نهتم يوما بمن قذف علينا الاتهامات يمينا ويسارا لم نهتم بمن نادوا بالحريه والديمقراطيه والدفاع عن حقوق المواطنه ثم يصمتوا عندما يتعلق الامر بالاخوان المسلمين لم نهتم لاننا
    اخــوان مسلـمـين
    ----------------------------------
    ---------------------
    -----------
    ----
    tanga7 ---

    لو نظرت حولك ستجد اشياء صعبه الفهم واشياء صعبه الكسر اما الفهم فمن الممكن ان تجتهد فتفهم او تسئل ويفهمك شخص ما
    اما ما يستحيل كسره فمهما حاولت لن تنجح
    كم ظن شخص - الظن هنا كله اثم - انه يستطيع بالطغيان والقهر ان ينهى دعوه وان يمحو فكره ولكنه لم ينجح بل على العكس ازدادت الدعوه قوه وانتشارا بتوفيق من الله و بعزم رجال لا توقفهم الصعاب مهما كانت بل على العكس فانها تزيدهم قوه فهم كالمعادن كلما اشعلت عليهم النار تخلصوا من شوائبهم وصاروا اصفا وانقا
    -----------------------------------------
    ---------------------------
    -----------
    ----
    snsnk ---

    اكتر حاجه بتجننى ان واحد دماغه بيظه وواقع عليها وهو صغير وميعرفش الالف من كوز الدره وواقف بيتكلم فى حجات ملهوش فيها
    واحد ميعرفش معدلات الجريمه فى مصر ولا حجم تجاره المخدرات والفساد اللى فى البلد ويقوم يتكلم عن بلطجه الاخوان المسلمين ويقول بسلمته ان الاخوان المسلمين عندهم شركات بيغسلوا فيها الاموال - غسيل اموال – واحد تانى ماسك حزب فيه 12 شخص ونص ( ذى نص تذكره ) وبيتكلم عن الديمقراطيه داخل الاخوان وهو ماسك الحزب من يوم ما اتئسس ومعاه ابن خالته - مع الاعتذار لابن عمته
    شبه دكتور الاسنان اللى بيقول اغسلوا سنانكم وهو سنانه بايظه لكل هؤلاء اقول
    اغسل سنانك الاول وبعدين اتكلم
    ----------------------------------------
    ------------------
    ---------
    ---
    mta ---

    ما بين الشوق والشوك كانت احزانى
    ما بين الشوق والشوك كانت افراحى
    ما بين الشوق والشوك كانت فى يوم من الايام حياتى
    --------------------------------
    ------------------
    --------
    ---
    lo kanat

    الاسبوع اللى فات كنت شبه اللى فى الصوره كنت بشرب عصير ليمون وبتفرج على صحراء سيناء بلونها الاصفر بعد ما دفنت صاحبى كريم فى الرمل وقعد يتحايل عليا عشان اجبله يشرب وانا رفضت لدرجه ان الراجل اللى كان بيدفنه معايا قلى يا ابنى حرام عليك صحبك تعبان بس برده رفضت وفضلت قاعد تحت الشمسيه اتفرج على الصحرا بلونها الاصفر وانا بتخيل نفسى العاقل الوحيد
    -------------------------
    ---------------
    ---------
    ----

    مرحبا بما حدث وبما يحدث وبما سيحدث ان دعوه كدعوتنا ورساله كرسالتنا ان لم تلقى مثل ما لقيناه واكثر فلن تسمى دعوه وهكذا شان جميع الدعوات وهل تظن اننا كنا نعتقد اننا سنصل الى تحقيق رسالتنا على طريق مفروش بالزهور والرياحين اننا لم نفاجا بهذه الاجراءات الظالمه على الرغم من قسوتها بل اننا كنا نتوقعها وكنا نعرف تماما اننا
    سنصطدم بها
    الامام الشهيد قبل استشهاده باسبوعين
    ----------------------------
    ------------
    ------
    --
    fe 7agah ---

    فى حاجه يا كبتن
    حد عايز يقول حاجه او شايف حاجه
    حد عايز يتكلم بجد و ينتقد بموضوعيه
    بلاش تجريح فى الاشخاص
    بلاش نهدم الثوابت المتعارف عليها
    عندك اقتراح لا يتعارض مع مبادئنا واهدفنا
    تفضل مرحبا بك
    مستعدين للحوار معك
    اما لو غير ذلك ؟؟؟؟ معرفش ظروفى ولا جوباتى
    ---------------

    nset --
    -----
    --
    -
    سؤال مش محتاج اجابه عليه
    لماذا كسب الاخوان الشارع المصرى بينما خسر الحزب الحاكم وكذلك المعارضه ؟
    فكر على مهلك