اطلع بره - رساله تنبيه

المكان : مطبعه يبدو فيها اكوام من الورق مجهز للطبع وفى الجانب الاخر توضع ماكينه قديمه نسبيا لتدل على قدم المكان والمكان يبدو فارغا الا من عامل واحد يجلس على الارض يتناول طعامه وصبى يقوم بترتيب المكان وتنظيفه وفى الاعلى( صندره مكشوفه) يوجد مكتب كبير وجهاز كمبيوترمتصل بالانترنت ويقوم الجالس على المكتب بالدردشه من خلاله

وتبدا الكاميرا فى الدخول ببطء حتى تتوقف على مشهد اصابعه وهى تضغط بسرعه على ازرار الكيبورد


يــاء : بس الاختيار هنا هو اللى مشكله لازم الواحد يعرف هو عايز ايه الاول وبعدين يدور على الطريق المناسب
الطرف الاخر يــاء :طبعا لازم حد يساعد لكن البدايه لازم تكون من الانسان نفسه
الطرف الاخر.....................؟
يــاء : حاجات كتير مفيش حاجه محدده لكن بحاول اركز على اختارين تلاته وبعدين احدد
الطرف الاخر : .................؟

فى هذه الاثناء يدخل يحيى مسرعا وهو ياكل ايس كريم ويجلس بجوار ياء ويبدا فى الحديث معه

يحيى : انت بتعمل ايه ؟ بتكلم مين
يــاء : ملكش دعوه ... شئ لا يخصك
يحيى : براحتك - يستمر فى اكل الايس كريم متعمد اصدار صوت مزعج
يــاء : بلاش الصوت ده وكمان انت بتاكل جيلاتى فى عز الشتا مش قلنا قبل كده بلاش الحاجات الساقعه اوى عشان متتعبش انت مبتحرمش
يحيى : لا مبحرمش - تاخد حته
يــاء : لا شكرا مش عايز منك حاجه

الطرف الاخر ارسل لك رساله تنبيه

يـــاء : طيب انت عايز حاجه
يحيى : لا انا بس جيت اقعد جنبك
يــاء : لا ياريت تسبنى لوحدى
يحيى : الحق عليا اللى قلت اجى اتكلم معاك بدل ما انت قاعد لوحدك
يــاء : لا يا عم انا حخلص اللى فى ايدى واجى اتكلم معاك

الطرف الاخر ارسل لك رساله تنبيه

يــاء : بس ياريت تسبنى عشر دقايق اخلص واجيلك
يحيى : ماشى براحتك ..... بس بكره تندم يا جميل

يــاء : انا جيت
الطرف الاخر : .........................؟
يــاء : معلش كنت بكلم واحد غلس شويه
الطرف الاخر : .........................؟
يـــاء : كنا بنقول ان اهم حاجه الاختيار والبدايه الفكره ثم التطبيق
الطرف الاخر :.........................؟
الطرف الاخر :.........................؟
يـــاء : اه هنا بقا نلاقى وليم شكسبير حاضر بقوه والبطل هنا حيره هاملت
الطرف الاخر : ........................؟
يـــاء: صحيح كل الطرق تؤدى الى روما لكن روما عن روما تفرق الطرف الاخر
الطرف الاخر : ......................؟.
يـــاء : سعات بحس ان عامل السن عليه جانب - انت عارف - انتى عارفه - الطموح لما بيجتمع مع التردد واندفاع الشباب لما بيكون من الخوف من المجهول ووجود الحلم وصعوبه تحقيقه كل ده كافى ان اى حد يعيش فى التردد
الطرف الاخر : .....................؟
يـــاء : بالتاكيد لكن كل شئ بمعاد الاستعجال سعات بيكون مش كويس


يحيى : ياء العربيه النقل بتنزل الورق الجديد انزله فين
يــاء : جنب ماكينه التقطيع وابتدى شغل ماكينه التسطير عشان نشتغل على طول

يحيى : طيب انزل ساعدنى

ياء : دقايق واكون عندك



ياء : يرسل رساله تنبيه
الطرف الاخر : لــم يــرد على رساله التنبيه


الطرف الاخر لم يرسل رساله تنبيه رغم ان يــاء مازال فى انتظار رساله التنبيه

من المهم ان نفهم معنى رساله التنبيه