مين معايا

هذه القصه واقعيه حدثت بالفعل وانا غير مسؤل عن اى سوء تفاهم قد يحدث

الابطال

انا

هى

محمد

عمار
الزمان : 3 صباحا بدايه شهر 6 حيث الحر ومذاكره الثانويه العامه

المكان : غرفتى الخاصه
الفصل الاول

كنت مشغل كوكتيل اغانى للملك محمد منير وعلى صوت محمد منير فى اغنيه ربك لما يريد ومحاولات متواصه للاحساس بالامل مع اقتراب امتحانات الثانويه العامه وانا عمال اذاكر ماده الفلسفه وبحاول افهم نظريه العقد الاجتماعى لفيلسوف مش متذكر اسمه اذا فجاه رن جرس التلفون
كواليس : التلفون = الهاتف اخترعه واحد اسمه جرهام بل ويقوم بنقل الصوت عبر كابلات وموجات وحجات من دى ويستخدم التلفون فى المحادثات او المعاكسات على حد سواء
قلت فى بالى اكيد ده عمار بيتصل وبيشكيلى من حاله الاكتئاب قلى عنده من ماده الفزياء

كواليس : عمار من يوم ما عرفته وهوا عنده اكتئاب

وقلت ارد قبل البيت ما يصحا ويبقا فرح عشان ابويا ما بيحبش التلفونات بتاعه اخر الليل
سلام عليكم

الو

كواليس : انا من النوع قلى احب الناس تقول فى التلفون السلام عليكم بس بصراحه انا سمعت كلمه الو وسكت من الصدمه مكنش صوت عادى ذى صوت البنى ادمين كان صوت من الاصوات العذبه حسيت انى بسمع موسيقا ولاول مره اعرف ان ممكن حد يغنى كله الو

وايه يلحنها بالسلم الموسيقى كله
مين معايا

ممكن اكلم منى

مفيش حد بالاسم ده هنا

انا اسفه اكيد النمره غلط

مفيش مشاكل انا اسفه جدا بعتذر مره تانيه _ سلام عليكم

وعليكم

انا بصراحه كنت عايز اعتذرلها عن ان منى مش موجوده واطول معاها شويه وهو نتسلى وبصراحه سرحت فى صوتها شويه وقلت منها لله ضيعت شويه الفلسفه قلى كنت بحاول افهمهم وكان هاين عاليا اقوم اذاكر موسيقى او رسم بس قلت اذاكر نصوص ماهى برده النصوص فيها مظاهر جمال وقبل ما اجيب كتاب العربى لقيت التلفون بيرن تانى ولعنت جرهام بل فى سرى على اختراعه المزعج

سلام عليكم

يحيى انا مكتئب

رد السلام الاول وبعدين انا من يوم ما عرفتك وانت مكتئب ايه الجديد

انا مخلصتش منهج الفزيا والامتحان فاضله 22 يوم

اهدا يا عمار واستعيز بالله من شيطانك وخش نام والصبح كمل مذاكره

بس انا حاسس .......... بصراحه سبت عمار يكمل المكالمه مع نفسه وقعدت افكر فى قلى انا حاسه بصراحه كنت حاسس بالوحده وكان نفسى اتعرف على واحده وارتبط بيها واحبها وتحبنى ( فتره مراهقه ) وقعدت اتخيل صاحبت الصوت الموسيقى وما سنها وياترى شكلها ايه

انت يا حيوان

ايوه

ما بتردش عليا ليه

يا عمار يا حبيبلى انت عايز دكتور نفسانى يرد عليك كمان وانا مالى ومال الفزيا بتعتك كلم عمرو ولا سامى

ماشى بعد كده محش يجى يبات عندى باليومين والتلاته لما تسيبوا بيتكم دورا على قلى

يعدكم عنده

كواليس : عمار يسكن فى شقه بمفرده اعلى من شقتهم بحجه انه يحب ان يذاكر بمفرده

وشقه عمار هى المقر الدائم والمؤقت للشله لما يكون عمار راضى عنا

يا عم اهدا بقولك ايه ما دورلك على واحده حلوه ترتبط بيها

مفيش واحده تستاهل عبقريتى

يواد يواد يعبقى خلاص روميو حضرتك والبنات بتجرى وراك

كمان البنات كلهم دماغهم بايظه ومبيفهموش ومعندمش فيلنج

في ايه اى فيلنج دى

احساس معندهمش احساس

ياعينى عليك ياحسيس انتا .. عمار انت شكلك فايق ولسه صاحى وانا عايز اخش انام كلمنى الصبح ماشى

انت مش رايح المدرسه

منتا عارف من ساعه ما رفعوا الغياب وانا مبرحش لو حتروع عدوا عليا وانتوا جين سلام سلام

صوت منير كان ملعلع واعدت ادندن معاه

منيش اخر حبيب يدخل مدنتك ولا حتكون يوم اخر حبيبه دا قلى انكتب مفروض يا عنقود العنب وقلى انجرا غنيوه بس صغيره مشروخ يا ناى متغنليش .....

جرس التلفون
الله يلعنك يلى فى بالى

ايوه يا عمار الله يخربيت قلى يفكر يزعلك

فتره سكون ؟؟؟؟

عمار

انا اسفه شكلى طلبت النمره غلط مره تانيه

( نفس الصوت الملائكى )

انا قلى اسف عشان زعقت فيكى اصل لسه كان واحد صاحبى قافل معايا السكه من ثوانى من الواضح ان كل الناس بتتصل بيك متاخر وتعملك ازعاج

مش كلهم وياريت يبقا ازعاجهم كلهم زى ازعاجك بس ايه حكايه النمره الغلط انت مش متاكد منها

لا والله دى نمره واحده صحبتى لسه متعرفه عليها قريب

اكيد معرفه خير عشان خلتنى اسمع صوتك

ضحكه رقيقه جدا وقصيره جدا

اصل نا كنت بتصل بيها عشان اصحيها عشان تذاكر بس شكلى مش حصحيها كفايه كل مره اطلب النمره اغلط

ليه بس ياريت تصحيها كل يوم وتغلطى كل الغلط ده

يعنى انت عايزنى اغلط كل يوم

دا يبقا من بختى الحلو

ما اوعدكش ممكن المره الجايه اطلب النمره صح من اول مره

وممكن تغلطى

خلاص اقفل واجرب تانى سلام

سلام
الفصل اثانى

_ الزمان بعد حوالى 4 شهورالمكان شط اسكندريه_ شط الهوى

انا ومحمد

يحيى انت مجنون

ربنا يكرم اصلك

يعنى ايه بتحبها مش فاهم

بحبها زي ما روميو حب جوليت وقيس و ليلى وانت و يـ

ملكش دعوا بيا وكمان انت شفتها

لا

تعرف ساكنه فين

لا

تعرف اهلها

لا

بتحبها ازاى بقا واحده اتصلت بيك تقوم تحبها بتحبوا بعض عن بعد ماشى وبعدين

انت مزعل نفسك ليه ... الحب اوله مشاعر واحاسيس وتفاهم ولقاء و تناغم وكل حاجه حلوه بس

واحده واحده

انت معيش نفسك فى الوهم

ملكش دعوه وكمان انا حشوفها قريب وعايزك تيجى معايا

وانا مالى

عيب عليك يا مولانا حتسبنى اروح لوحدى وفين الصحبيه والجدعنه وشهامه ولاد البلد وحبك ليا ووقفتك جنبى واحساسك بيا ومساندتك ليا واستشعارك خطوره الموقف واهميه الحدث وديناميكيه الحركه واقتراب الـخلاص

اسكت دا انت ممل خلاص حاجى معاك
الفصل الثالث

الزمان : شهر 12 حيث شتاء الاسكندريه الممتع المكان : محطه الرمل بجوار القائد ابراهيم الساعه 8 م
الحدث الاهم : شــفـــتـــــهــــــــــا
يبنى اهدا واركز بقا

شفتها يا حمو شفتها

منا كمان شفتها فيها ايه يعنى

انت مش حاسس بيا بص فوق شايف ايه ؟

مش شايف حاجه

بتكلم بجد شايف ايه

شايف نجوم وهلال وسحاب و

شفت انت قدرت توصف اللى شفته اما انا مش قادر اوصفها شفت كان وشها منور ازاى ولا بسمتها شفت البراءه قلى فى عنيها

كل ده ومش قادر توصف انت شويه وحتكتب فيها شعر

مش قليل عليها دا المفروض نعملها لوحه ونحطها فى متحف اللوفر

اشمعنا

اصلها كانت واخده فرنساوى فى ثانوى

هاهاهاهاهاه

كفايه مشى رجليا وجعتنى الساعه دلوقتى 3 عايز اروح انام

طيب حتصلى الفجر فين

فى المسجد قلى فى شارع السد العالى

طيب اجى اصلى معاك وبعدها نتمشاعلى البحر

فى الجو ده وكمان احنا بقلنا اكتر من 5 سعات مشين فى الساعقه انا نشفت

بتحبها يا محمد ؟

هى مين

الملكه بتاعتك

سؤال سخيف صح بس لازم نسئاله

طبعا يا اخويا بحبهااااااااااا

ليه؟

مقلتليش بتحبها ليه

ملكش دعوة

اقولك انا ليه

بعيدن انت مالك؟

بطل سخف و سبنى اكمل انت بتحبها عشان هى اجمل وارق واحده انت عرفتها ومن روعتها حلمت انها تكمل معالك حياتك ومش بس كده دى تصنع معاك حياتك عقلك بكل ماؤتى من قوه توقف عن هذه الفتاه مشاعرك احاسيسك دا حتى احلامك وقفت عندها وانت بتكلمها بتعملها على اساس انها ملكه الكون واميره وحيده مستنياك وانها شمس النهار وضله وانها قمر الليل وسحره

ايه الكلام الكبير ده؟

مشاعر

جبت الكلام ده منين والله لسه جى فى بالى دلوقت

الحب كده ملهوش مقدمات ولا فيه خطط

بقلك ايه روح بيتكم انا صدعت منك

طيب اوصلك لا عايز امشى لوحدى

بكره اوصلك لحد بيتك يا جميل

امشى 0000 مش فاضل الا انت عشان توصلنى

واعملك زفه كمان

الزفه ماشى توصلنى لا والف لا

خلاص متزعلش ياحبوب

سلام

سلام

الفصل الرابع و النهايه فى الجزء الثانى