مصر ... مصر ... مصر...
عايز ايه يا وله صوتك عالى ليه
اصلى اصلى
فيه ايه انطق قول
عندى خبر مش حلو عشانك
خير قول يا جلاب الهنا
عارفه ابنك القاضى
ماله
تعب امبارح بالليل ونقلوه على المستشفى قالوا قلبه وجعه مستحملش قلى بيحصلك وتعب وطلعت اشاعه انه زعلان على نفسه بس انا قلت لا مهو طول عمره بينجح ويفشل ويفرح ويحزن ومتعبش قبل كده
هو صحيح يا مصر الحب ممكن يتعب ؟
بتفكر فيا يا ولد
طول ما انا صاحى وانت فى بالى
وعلى كدا لما بتنام بتنسانى
ولا اقدر انا لما بنام بحلم بيكى
بكون عامله ازاى فى الحلم يا ولا
بتكونى قمر ونورك منور للدنيا كلهامن مشرقها لمغربها بتكونى قلب حنين لكل الناس القريب والبعيد بشوفك فى الحلم جنه نهارك حريه وليلك عدل وشمسك دفا وقمرك حنان واهلك الطيبين مرتاحين ورضين بيكى ليهم وطن وسكن بحلم بيكى وصوت الاذان يعلا فى سماكى بحلم بيكى وانت حاضنه كتاب الله وحاكمه بشرعه المصطفى وعلى ارضك كل الاديان عايشين متساوين فى حقوهم وواجباتهم
قالولوى ولادك مبسوطين ومتهنين
مين قلك قلى حكمنى بالحديد والنار ومحرم عليا حتى اهتف باسمك قلى اخد منى صاحبى من جوه الجامع واحنا بنصلى وفى عز الضهر وموت باهماله ولادك فى البر والبحر والجو وخلاهم يسبوكى ويبعدوا عنك وشتتهم فى بلادالله
بيقول دا فى مصلحتى
اياك يا مصر فى يوم تصدقيهم دول من يوم ما حكمونى وهما كدابين
بس انا عتبا عليكم
علينا احنا يا مصر
اه ليه لما هما ظالمين سبتوهم كل ده ليه محسبتهمش ليه محدش قام قلهم الكلام دا من زمن ليه
عندك حق احنا غلطنا فى دى بس احنا دلوقتى فقنا وبنطالب بحقوقنا
ولادى عملين ايه
قولك ايه ولا ايه
صارحنى مش عايزاك تخبى عليا حاجه
الناس معظمهم تعبانين
ليه جعانين ومفيش فلوس
ما انت عارفه يا مصر احنا ناكل اى حاجه مدام حلال ومن خيرك وحتى لو قليل بنرضا طول محنا على ارضك بس الناس حاسه بالظلم وان مفيش حريه خالص الناس بتقبل الاقليل لو حاسه ان دا رزق ربنا لكن احنا بننسرق كل يوم وكل ساعه وكل دقيقه وولادك شايفين خيرك يامصر بس مش ليهم يرضيك
انت كداعندك حق مكنتش اعرف ان الحال وصل للدرجه دى
مهم من يوم ما حكمو سجنوكى وسجنوا معاكى حريتنا بقينا مش عارفين نوصلك
وناوين تعملوا ايه
بصى انتى فى عيونى قمر ومعاكى يحلى السهر بس انا بكره رايح اقف جنب ولادك القضاه وارجعلك تانى
خلبالك من نفسك ولو حد منهم سائلك انت رايح فين قوله ملكش دعوه مصر بلدى وانا حر فيها
تمام كلامك يا ست الكل سلام دلوقتى وارجعلك بعدين
دا لو مخطفونيش ذى مهم خطفينك
ادعيلى يا مصر ذى ما بدعيلك
ليست هناك تعليقات:
إرسال تعليق