2007-02-27

sos انقذينى



انتى فين
من فتره متكلمناش مع بعض
تسمحيلى اقولك وحشتينى
اه وحشتينى
مستغربه
صحيح احنا مكلمناش بعض غير مرات قليله
وكلها عن بُعد
لكن وحشتينى

2007-02-24

نظريه الجوافه وعوده عمرو



فى البدايه التدوينه دى شخصيه شويه

بكتبها لصحابى محمد واحمد وعمرو و عمار اعز ما املك فى هذه الحياه
لاتحمل عتاب وان كان كان عتاب المحبين حب ولا تحمل شكوا وان كانت الشكوا للصديق من شروط الصداقه ولكنها فى النهايه تحمل كل ما يحمله قلب صديق من حب وفخر وشكر وامتنان لمن كتبت الحياه ان يسيروا معى فى طريق حياتى


عمار
يا عربيه الجوافه

بص يا حبيبى انت خلاص كبرت .... لازم تعقل وتبطل شغل المجانين بتاعك ده
الحياه بتمر ومبتسناش حد ..... مفيش مجال للهزار
الدنيا ذى عربيه الجوافه امبارح كنت صغير كان مسموح انك تلعب حوالين العربيه
تغلس على الواقفين بيشتروا
تاخد جوافيه وتطلع تجرى
النهارده خلاص ... الايام اتغيرت .... انت كبرت ..... واللى كان مسموح بيه امبارح
صار ممنوع النهارده
النهارده مفيش قدامك غير انك تقف ذى الناس الكبيره العاقله تشترى من على عربيه الجوافه
الكلام دا كان موجه ليا من عمار فى نفس الليله اللى كان مسافر فيها احمد الى دبى للعمل
عمار حبيبى بما اننا صحاب من ايام اعدادى تسمحلى اقولك حاجه
انا مش ناوى اتغير بل بالعكس حعيش حياتى ذى ما انا عايز حتى لو بقيت فى يوم من الايام صاحب عربيه الجوافه
برده حفضل العب جنبها

الحياه بالنسبه لى زى دريم بارك ملاهى وكلها لعب ولازم تلعبهم كلهم عشان توصل لقمه المتعه و رغم ان فى لعب متعبه زى دوامه قيصر مثلا الا انى لازم العبها رغم انى فى كل مره بنزل منها دايخ وفى دريم بارك لازم تاخد بالك عشان متقعش وانت بتلعب ولازم تمسك جامد وانت بتركب اللعب الخطره ولازم تصوت بصوت عالى وانت فى قطر الموت عشان تكون مستمتع عارف انا بفتكر دريم بارك ليه ؟ فاكر لما كنا فى ثانوى ورحنا دريم بارك وانت قلتلى انكلما تكبر حتبنى مدينه ملاهى اجمل منها !! شكلك نسيت بس انا عمرى ما انسى

وعارف ايه الفرق بين عربيه الجوافه ودريم بارك

عربيه الجوافه ممكن تلاقى الناس حواليها تعيسه ناس بتتظاهر بالفرح ولكن من جوه قلوبها مليانه حزن وشجن لكن فى دريم بارك غالبا حتلاقى كل الناس فرحانين

حاجه تانيه لما تروح دريم بارك حتلاقى واحد يقبلك بالتراحاب
فى دريم بارك ومن على الباب دوبى يقبلك بالترحاب تعالى ..... تعالى بينا ياله انته والشله العب واتسلى وكمان عيب
لما تكون متخصص فى علم الاتصالات وتشبه الحياه بعربيه جوافه


ايها المسافرعذر من دموعى فلطيفك آنات عتاب

احمد سامى خطب من حوالى شهرين وكانت ليله الخطوبه اجمل من الف ليله وليله وليله امبارح احمد سافر الامارات العربيه للعمل
تروح وتيجى بالسلامه يا احمد

انا بعتذرلك لانى مجتش اوصلك للمطار رغم انى كنت مع محمد وعمار ووصلت لاول الشارع الا انى مقدرتش اكمل معاهم لانى كنت عارف لو شفتك وانت نازل بالشنطه حفقد اعصابى وابتدى ابكى ودموعى تنزل على خدى ...... وانا طبعا عارف انك مكنتش مستحمل فكره الوداع من الاساس بس نقول ايه ...... حتوحشنا .... خلى بالك على نفسك


عمرو خلى عندك دم واسئال علينا انت عارف عمار عمره ما بيتصل بحد ومحمد مواعيده بايظه طول عمره واحمد سافر وانا بوجهلك نداء ياريت

ياريت متعملهاش مشكله وتعد تفكر احنا بعدنا عنك ولا انت آلى بعدت
على فكره انت وحشتنا كلنا ويوم ما احمد ما سافر مكنش ناقصنا حد الا انت احنا عارفين ان احنا مقصرين معاك بس
لازم تسامحنا وتبطل حجه المذاكره والدراسه والحاجات دى وانت عارف لو ليك مزاج حتشفنا

احمد سافر يا عمرو وانجرحنا ونقصنا واحد متزود همنا وتبعد انت كمان
امانه عليك وحياه اللى كان بنا سامحنا( وحياه هايدى ) ارجع بقا - وبطل سخافه

محمد حبيبى انا مش حتغير ومش حمشى فى الشارع مربع ايدى وباصص فى الارض وغصبن عنك حتفهمنى الحاجات
اللى مش فاهمها وعلى فكره انا مش عايز اروح القاهره معاك انا عارف السكه كويس ولو على المترو مش حقرب منه خالص ومش حخليك تقابل الراجل بتاعى ابدا ابدا وشكرا على معلومه ان احنا من منطقه واحده
اه حاجه تانيه انا خلاص صرفت نظر عن موضوع الحب دلوقتى وياريت قبل ماتتهم حد بالجنون بص على نفسك وانت واقف على المحطه مستنى وعمال تتكلم فى التلفون

انا بكتب التدوينه دى وانا سعيد لان عندى صحاب بالروعه دى رغم ان حالنا سعات بيتلغبط بس احنا صحاب اوى اوى اوى من واحنا مع بعض فى المدرسه من ايام اعدادى ومفيش حد فينا شبه التانى بس الحاجه الوحيده المشتركه بنا اننا
بنحب بعض


عمار حاليا معيد فى كليه الهندسه
عمرو بيدرس للحصول على شهاده تخصص فى الشبكات بعد حصوله على البكاليروس فى البرمجه
احمد سامى مهندس معمارى بيعمل فى الامارات حاليا
محمد فى كليه حاسبات ومعلومات جامعه حلوان

على فكره انا الكبير بتاع الشله دى
صداقنتا لوحه رسمت بالوان الفرح
صدقتنا انشوده عزفت بلحن الحب
صداقتنا قصه كتبت بقلم من وفاء
وعلى سطور من اخلاص ووفاء للعهد والوعد

الهم فاظلنا بظلك يو م لا ظل الاظلك واجعلنا فى الجنه اخوانا على سرر متقابلين


اه تعاطفك لوحده مش كفايه

  • ( amr_soviet@hotmail.com ) ارسل رساله الى عمرو عشان يرجع
  • او اسمع النشيد

    او اتفرج على صور بتاعتنا فى اخر مره كنا فيها مع بعض

  • تدوينه محمد بعد سفر سامى

  • 2007-02-10

    END OF RHCH MAN


    زمان زمان وانا صغير ايام ماكنت فى مدرسه المدينه كان عندى قصه بالانجليزى مش عارف ايه السبب انى بحب القصه دى وبحس ان فيها نوع من انواع الحب - حب الخير والدعوه الى الله - حب ممزوج بالشفقه والحرص على تبليغ الدعوه - والدعوه الى الله حـــب


    END OF RHCH MAN

    Two men live in a small town
    One man is very poor
    But he is very happy …… he is always thanking god


    For everything he has ……. He is good
    The other man is very rich …..He has lost of money
    He has a big house ….. He has a beautiful garden
    It has lost of trees, fruits and flowers

    The rich man is not thanking god
    For all the beautiful things he has … he is very bad
    The rich man says ' this is my money …. This is my big house …. This is my beautiful garden …. No one can take them from me … I am rich forever
    He is very bad

    The rich man is eating is eating the fruits from his garden
    He is not giving the fruits to poor people
    He is not thanking god for what he has …. He is very bad

    The poor man says: rich man ' god is giving you many good things
    God will ask you what you do with them ….. You must thank god
    Do not be bad ….. Do not forget the Day of Judgment

    The rich man is very angry. He says, "Stop your stupid talk, poor man.
    I am rich. I have lost of money, I have a big house, I have a beautiful garden
    I am strong ….. No one can take them from me" he is very bad

    The rich man says "I do not believe in the day of judgement
    Who will judge me? I am very strong"

    poor man says, "You do not believe in God!!! God is giving you all this money ….. God is giving you all that you have but you are not thanking God … I believe in God … I am always thanking God" The poor man is good

    The rich man says," Go away poor man, I am rich, I am strong"
    The poor man says, "God is giving everything you have God can take it away from you any time He wants"

    Next day, the rich man is going to his garden. He sees a terrible thing

    The garden is ruined.... The trees are dead..... The fruits are dead
    God is punishing the rich man
    God is sending strong wind to destroy the garden and the big house

    The rich man is now very poor
    He is crying..... He says," I wish I was thanking God I wish I believed in God....I wish I listened to the poor man"
    But it is late now


    لمطالعه القصه الاصليه انظر القران الكريم من الايه32 الى الايه44 من سوره الكهف

    2007-02-08

    جوليت خلصت رصيدى

    هذه الاحداث تستند الى وقائع حقيقيه وذكرت فى كتب التاريخ فى باب احوال اليمن السعيد

    فى عيد ميلادى اللى فات كنت معزوم على العشا عند واحد صاحبى وكان ساكت ومره واحد سئالنى معاك رصيد وقبل ما اجاوب عليه اخد التلفون وطلب رقم سيبك انت من الرقم اللى طلبه ومن التوقيت ومن الاستآذان ومن كل ده
    الاهم انه انه كان بيتكلم وجسمه كله تقريبا خارج الشباك لدرجه انى ظننت انه يفكر فى الانتحار وقلت فى عقل بالى المجنون كل ده عشان محدش يسمع وفكرنى على طول بالاستاذ روميو والاخت جوليت

    - - - - - - - - -

    يقرر روميو بعد انتهاء الحفل ان يفترق عن اصدقائه الذين يسخرون منه , ويظل فى بستان اسره كابيوت طمعا فى مخاطبه جوليت التى اسرته بجمالها فوقع فى حبها فيقف تحت الشرفه حتى يحادثها

    روميو
    من لم يَزُق طعمَ الجراح يسخر من الندوب
    ما ذلكَ النور الذى ينسابُ عبر النافذه
    قُل انه المشرقُ لاح
    قُل انها جوليت بل شمس الصباح
    هيا اسطعى شمسى الجميله وامحقى البَدرَ الحسود
    لقد بَداَ الشحُوبُ فى مُحياهُ العَليل اَسَفا
    اذ ان احدَى راهبَاتهِ فَاقَتهُ حُسنا
    فَلتتركيه اذن لانه يغارُ مِنك
    بل ان اَثواب العذارى ذاتُ لون اصفرٍ سقيم
    فلتخلعى ذَاكَ الرداء لانه ثوبُ الغباء

    - تظهر جوليت فى مكان مرتفع كانما فى نافذه -

    ها ذى فتاتى .... انها حبيبتى
    وليتها تعرفُ انها حبيبتى
    تكلمَت لكننى لا اسمع الكلام
    لا بأس عيناها تُخاطُبنى ..... ساجيبها
    تالله ما اشَد جُراَتى ...... فانها ليست توجهُ الكلام لى

    نَجمان من ابهَى كواكب السمَا
    تَركَا مَكانهُما فى بعض شَآِنِهما
    وتوسلا لحبيبتى
    ان ارسلى العينين كى يتلالا حتى نعودا
    ماذا يكون الحال ان تبادلا المواقعا
    لسوف يطغى نور خدها على ضياء الكوكبين
    مثل الصباح يطمس المصباح ..... اما عيونها

    فسوف ينساب الضياء منهما ليملأ الهواء
    حتى تشقشق الطيور ظانه ان النهار لاح
    انظر اليها كيف تسند خدها فى كفها
    ياليتنى قفازها حتى ألامس خدها

    جوليت
    واها لى

    روميو
    لقد تكلمت
    تكلمى تكلمى يا ايها الملاك الرائع الوضاء
    فانت تسطعين وسط الليل فى السماء كمرسل مجنح يطوف فوق الارض
    يبهر العيون وهو يمتطى متن الهواء
    او انه على السحائب الوئيده
    يمر ناشرا شراعه فى لجه الفضاء

    جوليت
    ايه روميو كيف سميت بروميو
    دع اباك ....... او ارفض اسمك
    او فاقسم اننى حب حياتك
    وسأنضو اسم كابييوليت

    روميو
    هل اسمع المزيد ام اجيبها

    جوليت
    لا اعادى غير آسمك
    انت ذات مستقله ..... انت نفسك
    ما شأن ذا المنتاجيو ؟ انه ليس يدا او قدما
    ليس وجها او ذراعا او سوى ذلك من اعضائنا
    خذ من الاسماء ما يرضيك
    ليس للاسماء معنى ! فالذى ندعوه وردا
    ينشر العطر وان غيرت اسمه
    مثل روميو دون ان ندعوه روميو
    اذ سيبقى الكامل المحبوب ايا كان اسمه
    اترك الاسم فليس الاسم جزا من كيانك
    وتقبل بدلا منه كيانى كله

    روميو
    صدقتك وقبلته ! نادينى باسم حبيبى
    فسيصبح ذاك هو اسمى
    لن اغدو روميو بعد الان

    جوليت
    من انت يا من قد تخفى تحت استار الظلام
    فاحاط بالمكنون من اسرارى


    - - - - - - - - - - - - - - - - - - - - - -

    طبعا دا جزء من الحوار الطويل جدا للاستاذ روميو تحت شباك الاستاذه جوليت
    طول المده التى قضاها روميو تحت الشباك يجعانا نتسائل هل كان الحاج والد جوليت موجود فى البيت فى هذا الوقت ام لا وطبعا جعلنا نتاكد ان الكابتن روميو كان خفيف ومكنش عارف يتقل ( محمد يا حبيبى اتقل – نصيحه من اخواتك ) وطبعا كان نفسى اكمل الحوار كله بس حسيت انه حيكون طويل بس مفيش مانع انه ممكن ننشر باقى الحوار بعدين


    اشكر فى النهايه شركاء النجاح الذين ساعدوا فى انجاح هذه المدونه

    وليم شكسبير
    والد جوليت
    انا لان التلفون تلفونى والرصيد اللى خلص كان رصيدى
    النجار اللى عمل الشباك
    وطبعا مننساش الحاجه الطيبه الى حضرت لنا العشا
    ولا اراكم الله سوء فى رصيد كان لديكم

    اه الترجمه الشعريه طبعا للمبدع دائما د. محمد عنانى

    االتدوينه دى اهداء للاستاذ محمد .... اسف للاستاذ روميو

    2007-02-06

    بحب نفسى - وعجبى



    حبى نابع فى الاساس من نفسى ولنفسى
    بحب نفسى ... اكيد دا شئ مقدرش انكره
    ونفسى افوز فى الدنيا بالاخره
    وبحب الناس كل الناس
    الصالح احب امشى معاه واتعلم منه
    والفاسد اشفق عليه ومستعد اعلمه


    من رباعيات صلاح جاهين


    كان فيه قمر كانه فرخ الحمام
    على صغره دق شعاع شق الغمام
    انا كنت حاضر قلت له ينصرك
    اشحال لما ح تبقى بدر التمام
    عجبى

    كرباج سعاده وقلبى منه انجلد
    رَمَح كانه حصان ولف البلد
    ورجع لى نُص الليل وسألنى ... ليه
    خجلان تقول انك سعيد يا ولد
    عجبى

    مزيكه هاديه الكون فيها انغمر
    وصيف وليل وعقد فل وسمر
    يا هلترى الناس كلهم مبسوطين
    ويا هلترى شايفين جمال القمر
    عجبى

    انشد يا قلبى غنوتك للجمال
    وارقص فى صدرى من اليمين للشمال
    ما هوش بعيد تفضل لبكره سعيد
    ده كل يوم فيه ألف ألف احتمال
    عجبى




    الاحتفال بالحب




    فى شهر فبراير
    قررت مدونه ياء
    ان تحتفل بالحب