اقرب صاحب

اكتر شئ بحبه فى الدنيا انى اكون مع صحابى واقرب صاحب ليا اسمه محمد ..

معتقل حاليا فى سجون قوات الاحتلال ؟ اسف قوات الطوارى قلى محتلا البلد منذ حوالى 25 قبل ما اتولد ويتولد متعرفوش حالتى ايه بعد ما اتقبض عليه محمد اتقبض عليه يوم الخميس الماضى فى المظاهرات المؤيده لمطالب استقلال القضاء ( عقبال استقلال مصر) اتقبض عليه فى وسط البلد فى عز الضهر اه والله فى عز الضهر قفلو عليهم جامع الفتح فى رمسيس ولموهم
منهم لله اخدو صاحبى منى
انا ومحمد صحاب من حوالى 12 سنه من واحنا فى ابتدائى مع بعض فى كل مراحل التعليم قبل الجامعى وسكنين جنب بعض وحياتنا كلها مع بعض
تخيل انت واحد مصاحبه بقالك 12 سنه حتقول فيه ايه ولا ايه دا انت حتكتب كتاب حياتك لان حياتكم كانت مع بعض اقول ايه بس

حسبى الله ونعم الوكيل

منهم لله اخدوا صاحبى منى

الحريه للمعتقلين

الحريه للوطن

لا للتمديد...لا للتوريث

... نعم لتعديل الدستور